بارلىق تورداش دوستلارغا‹5›
بايقاش مۇنبىرىدىكى ئەزىز دوستلار، جاپاكەش باغۋەنلەر، ياخشىمۇ سىلەر؟
بايقاش مۇنبىرىمىز مۇنبىرىمىزدىكى كونا-يېڭى تورداش دوستلارنىڭ ئورتاق تىرىشچانلىق كۆرسىتىشى نەتىجىسىدە ئوقۇتۇش، تەلىم-تەربىيە ئىشلىرى ئۈچۈن خىزمەت قىلىشتەك خاسلىقى بىلەن رايونىمىزدىكى كەڭ ئوقۇتقۇچىلارنىڭ ئىللىق ئائىلىسى، سىرداش دوستى ۋە قابىل ياردەمچىسىگە ئايلاندى. مەكتەپلەردە 2-ماۋسۇملۇق ئوقۇتۇش، تەلىم-تەربىيە خىزمەتلىرى باشلىنىش ئالدىدا يەنە نۇرغۇنلىغان ئوقۇتقۇچىلار بايقاش مۇنبىرىمىزگە ئەزا بۇلۇپ كىرىپ، ئۆزلىرىنىڭ سەرخىل تېمىلىرى ئارقىلىق، مۇنبىرىمىزدىكى مائارىپ بايلىقلىرىنى تولۇقلاش، مۇنبىرىمىزدىكى ئوقۇتقۇچىلارنىڭ ماتىرىيال ئېھتىياجىنى قاندۇرۇش ئۈچۈن تىرىشماققا. بۇ ھەممىمىزنى خۇشال قىلىدىغان ياخشى ئەھۋال. بىز مۇنبىرىمىزدىكى بارلىق تورداشلار نامىدىن ئۇلارنى قوللايمىز ۋە چوڭقۇر رەخمەت ئېيتىمىز، شۇنداقلا مۇنبىرىمىزگە يېڭىدىن ئەزا بولۇۋاتقان ۋە ئەزا بۇلۇشنى ئويلاۋاتقان دوستلارنى قىزغىن قارشى ئالىمىز.
مۇشۇ مۇناسىۋەت بىلەن ھازىر مۇنبىرىمىزدىكى بىر قىسىم كونا-يېڭى تورداش دوستلاردا ساقلىنىپ كېلىۋاتقان بىر قىسىم مەسىلىلەر ۋە ئۇلارنى تۈزۈتۈش ئۇسۇللىرىنى ئوتتۇرىغا قويۇپ ئۆتمەكچىمىز.
1.بىر قىسىم تورداشلىرىمىزدا ئوقۇتۇش، تەلىم-تەربىيە خىزمەتلىرىگە مۇناسىۋەتلىك مائارىپ ماتىرىياللىرىنى مۇنبەردىكى ماس سەھىپىلەرگە يوللىماسلىق، ئۇدۇل كەلگەنلا سەھىپىگە يوللاپ قۇيۇش ئەھۋاللىرى يەنىلا ساقلانماقتا. بۇ ھال ماتىرىيال ئىزدىگۈچىلەر ئېھتىياجلىق ماتىرىياللار مۇنبەردە بولسىمۇ ئىزدەپ تاپالماي، پايدىلىنالماسلىق ئەھۋاللىرىنى كەلتۈرۈپ چىقارماقتا. شۇڭا بارلىق تورداشلارنىڭ مۇنبەرگە تېما يوللىغاندا يەنىمۇ ئەستايىدىل بۇلىشىنى، تۈۋەندىكى ئادرىستىكى تېمىنى تەپسىلى كۆرۈشىنى تەۋسىيە قىلىمىز:
http://baykax.com/bbs/forum.php?mod=viewthread&tid=10482
2.يېقىندىن بېرى بىر قىسىم تورداشلىرىمىز خەنزۇ يېزىقىدىكى مائارىپ ماتىرىياللىرىنى مۇنبەرگە يوللاۋاتىدۇ، بۇنداق ماتىرىياللارنىڭمۇ پايدىلىنىش قىممىتى يۇقۇرى. چۈنكى مائارىپ مەمۇرى تارماقلىرى مەكتەپلەردە بىر قىسىم ماتىرىياللارنى خەنزۇ يېزىقىدا تەييارلاشنى تەلەپ قىلىدۇ، شۇڭا مۇنبىرىمىز بۇنداق ماتىرىياللارنىمۇ قىزغىن قارشى ئالىدۇ. بىراق بايقاش مۇنبىرىمىزـ ئۇيغۇر تىلىدىكى مۇنبەر، شۇڭا تورداش دوستلارنىڭ خەنزۇ يېزىقىدىكى ماتىرىياللارنى يوللاشقا توغرا كەلگەندە ماۋزۇ سىتونىغا يېزىلىدىغان ماتىرىيال ماۋزۇسىنى ئۇيغۇرچە نام بىلەن قويۇشىنى، ماتىرىيالغا «تىلى خەنزۇچە» دەپ ئەسكەرتىپ قويۇشىنى تەۋسىيە قىلىمىز.
3.تورداشلار يوللىغان ھەر بىر تېما باشقا تورداشلارنىڭ نەزەرىدىن ئۆتىدۇ، تورداشلار مۇنبەردىكى تېمىلارنى كۆرۈپ، ئۆزلىرىنىڭ شۇ تېما ھەققىدىكى باھاسى، پىكىر-تەكلىپلىرىنى ئىنكاس، ئۇچۇر شەكلىدە قالدۇرىدۇ. بۇ پىكىر-تەكلىپلەر تېما يوللىغۇچىلارنىڭ ئۆز تېمىلىرىدىكى ئارتۇقچىلىق ۋە يېتەرسىزلىكلىرىنى بىلىۋېلىشىغا، مۇنبەرنىڭ سىجىل، ساغلام تەرەققى قىلىشىغا پايدىلىق. ئەمما بىر قىسىم تورداشلاردا ئۆزىگە، ئۆزى يوللىغان تېمىلارغا چۈشكەن ئۇچۇر-ئىنكاسلارغا دىققەت قىلماسلىق، كۆرمەسلىك، كۆرسىمۇ پەرۋا قىلماسلىق ئەھۋاللىرى مەۋجۇت بۇلۇۋاتىدۇ. بۇ ھال تورداشلارنىڭ ئۆزلىرىدە، ئۆزلىرى يوللىغان تېمىلىرىدا ساقلانغان مەسىلىلەرنى تۈزۈتۈپ، ئۆز-ئۆزىنى مۇكەممەللەشتۈرۈشىگە، مۇنبەردىكى ماتىرىياللارنىڭ سەرخىللىقىنى ئىشقا ئاشۇرۇشقا پايدىسىز. مۇشۇ مۇناسىۋەت بىلەن بارلىق تورداش دوستلارنى تۆۋەندىكى نوختىلارغا دىققەت قىلىشىنى تەۋسىيە قىلىمىز:
سىز بايقاش مۇنبىرىگە كىرگەندىن كېيىن ئۈستەل يۈزىنىڭ سول تەرەپ يۇقۇرى قىسمىدا تۆۋەندىكى كۆزنەك ئېچىلىدۇ:
مۇنبەرگە تىزىملاتقان نامىڭىز ۋە پارول(مەخپى نۇمۇر) ئىڭىزنى توغرا كىرگۈزۈپ، «كىرىش» كۆزنىكى ياكى «Enter» كونۇپكىسىنى چەككەندىن كېيىن، ئۈستەل يۈزىنىڭ سول تەرەپ يۇقۇرى قىسمىدىكى كۆزنەك تۆۋەندىكى ھالەتكە ئۆزگۈرىدۇ:
رەسىمدىكى قىزىل رەڭلىك رامكا ئىچىگە ئېلىنغان (1) ئورۇن سىز يوللىغان تېما-ئىنكاسلارغا قارىتا باشقا تورداشلارنىڭ پىكىر-تەكلىپ، ئەسكەرتىشلىرىنى سىزگە ئۆز ۋاختىدا ئەسكەرتىپ كۆرسىتىدىغان ئورۇن. كۆك رەڭلىك رامكا ئىچىگە ئېلىنغان (2) ئورۇن سىزگە، سىزنىڭ تېما-ئىنكاسلىرىڭىزغا باشقىلارنىڭ ئىنكاس يازغان قېتىم سانىنى كۆرسىتىدۇ. سىز بۇ ۋاقىتتا «ئەسكەرتىش» كۆزنىكىنى چېكىپ، سىزنىڭ تېما-ئىنكاسلىرىڭىزغا چۈشكەن باشقىلارنىڭ پىكىر-تەكلىپلىرىنى كۆرۈپ، ئىجابى پايدىلانسىڭىز بۇلىدۇ.
ئېسىڭىزدە بولسۇن: سىز مۇنبەردىكى نامىڭىز ۋە مەخپى نۇمۇرىڭىزنى بېسىپ مۇنبەرگە كىرگەندىن كېيىن، «ئەسكەرتىش» كۆزنىكىگە دىققەت قىلىشنى ئۆزىڭىزگە ئادەت قىلىڭ!
ئۇنىڭدىن باشقا، سىز مۇنبەردە مەشخۇلات قىلىۋاتقان ۋاقىتتا ئۈستەل يۈزىنىڭ سول تەرەپ تۆۋەنكى قىسمىدا تۆۋەندىكىدەك كۆزنەك چىقىپ قېلىشى مۈمكىن:
كۆك رەڭلىك چوڭ رامكا ئىچىدىكى «يېڭى ئەسكەرتىش بار، كۆرۈپ بېقىڭ» دىگەندەك. قىزىل رەڭلىك رامكا(1) ئىچىدىكى ئورۇن قايسى تورداشنىڭ، سىزنىڭ قايسى تېمىڭىزغا باھا-ئىنكاس يازغانلىقىنى كۆرسىتىپ بېرىدۇ. بۇ ۋاقىتتا سىز كۆك رەڭلىك كىچىك رامكا (2) ئورۇندىكى «كۆرۈش» دىگەن ئورۇننى چېكىپ، مۇشۇ ۋاقىتتا سىزنىڭ پىكىر دەپتىرىڭىزگە ياكى تېمىلىرىڭىزغا چۈشكەن ئىنكاسلارنى كۆرسىڭىز بۇلىدۇ.
ھەمكارلاشقىنىڭلارغا رەخمەت! بايقاش مۇنبىرىدىكى مائارىپچى دوستلارنىڭ تېنىگە سالامەتلىك، ئائىلىسىگە خۇشاللىق، 2-ماۋسۇملۇق ئوقۇتۇش، تەلىم-تەربىيە خىزمەتلىرىگە ئۇتۇق تىلەيمىز!
بايقاش مائارىپ تورى
2013-يىلى 2-ئاينىڭ 23-كۈنى | 
[ئۇلانما كۆچۈرۈش]
قىزغىنلىق
تىللا
تۆھپە
شۆھرەت
يوللىغان ۋاقتى 2013-2-23 18:21:47
يوللىغان ۋاقتى 2013-2-23 18:40:41
يوللىغان ۋاقتى 2013-2-23 18:57:28
