بايقاش مۇنبىرىدىكى مائارىپچىلارغا تەۋسىيە

ئامان

بايقاش مۇنبىرىدىكى مائارىپچىلارغا تەۋسىيە

بايقاش مۇنبىرىمىزدىكى مائارىپچى دوستلار، رايونىمىزنىڭ ھەر دەرىجىلىك، ھەرخىل مەكتەپلىرىدە ئوقۇتۇشنىڭ ئالدىنقى سېپىدە جاپالىق ئىشلەۋاتقان ئوقۇتقۇچى ئۇستازلار، ياخشىمۇسىلەر؟
نۆۋەتتە مائارىپ ئىسلاھاتىنىڭ چوڭقۇرلىشىشى، مەكتەپلەرنىڭ ئوقۇتۇش شارائىتىنىڭ ياخشىلىنىشىغا ئەگىشىپ، ھەر دەرىجىلىك، ھەرخىل مەكتەپلەردە كۆپ ۋاستىلىك ئوقۇتۇش ئەسلىھەلىرى تولۇقلىنىپ، ئومۇملىشىشقا قاراپ يۈزلەندى. بۇنىڭ بىلەن ئوقۇتقۇچىلارغىمۇ كومپىيوتېردا دەرس تەييارلاش، دەرسلىك دېتالى تۈزۈش ۋە كومپىيوتېردىن پايدىلىنىپ دەرس ئۆتۈش تەلىپى كۈنسېرى كۈچىيىپ بارماقتا.  بىراق ئوقۇتقۇچىلارنىڭ كومپىيوتېر مەشخۇلات سەۋىيىسى تەكشى ئەمەس، شۇنداق بولغاچقا  ئاز بىر قىسىم ئوقۇتقۇچىلىرىمىز ئۆز ئالدىغا دەرسلىك دىتالى ئىشلەپ، دەرس ئۆتۈپ، يۇقۇرىنىڭ كۆپ ۋاستىلىق ئوقۇتۇش ئېلىپ بېرىش تەلىپىدىن چىقىۋاتىدۇ. ئەمما يەنە كۆپ قىسىم ئوقۇتقۇچىلىرىمىز تور بەتلەرنى ئارىلاپ، ئۆزىگە كېرەكلىك دىتاللارنى ئىزدەپ، ئۆتكەلدىن ئۆتۈۋېلىشقا، مۇناسىپ دىتاللارنى تاپالمىغاندا ئىلمىي مۇدىر غوجامنىڭ قاتتىق-قۇرۇق گېپىنى ئاڭلاشقا، ماۋسۇم ئاخىرىدا «زامانىۋى ئوقۇتۇشنىڭ ھۆددىسىدىن چىقالمىدى» دىگەن قالپاقنى كىيىشكە مەجبۇر بۇلىۋاتىدۇ. بۇلار رايونىمىزدىكى ھەر دەرىجىلىك، ھەرخىل مەكتەپلىرىمىزدە ئومۇمىيۈزلۈك كۆرىلىۋاتقان رىيال ئەھۋال.
بىز ھەممىمىز بىلىمىز، ياش ئوقۇتقۇچىلىرىمىزنىڭ ھازىرقى خىزمەت ئورنىغا چىقىشى ئوڭاي قولغا كەلگەن ئەمەس. بىزنىڭ ئالى مەكتەپكە ئۆتۈشىمىز تەس، ئالى مەكتەپكە ئۆتكەندىن كېيىن لاياقەتلىك ئوقۇش پۈتتۈرۈپ، مۇۋاپىق ئىش ئورنىغا  چىقىشىمىز تېخىمۇ تەس. مۇشۇنداق شارائىتتا بىز ئۆز كەسپىمىزگە ئىشتىياق باغلاپ، ئۆزىمىزنى تەربىيەلەشكە، دەۋىرگە ماس كەسپى ئىختىدار ۋە ماھارەت يېتىلدۈرۈشكە ئەھمىيەت بېرىشىمىز تولىمۇ زۆرۈر. بىز شۇندىلا خىرىس ۋە رىقابەتكە تولغان بۇ دەۋىردە ئىش ئورنىمىزدا مەزمۇت پۇت دەسسەپ تۇرالايمىز، تاللاش ۋە شاللاشلار ئۈستىدىن غالىپ كېلەلەيمىز.
توردىشىمىز پەتتار شەمسى قوللۇنىشچانلىقى يۇقۇرى نادىر تېمىلىرىدىن باشقا يەنە، ئوقۇتقۇچىلارنىڭ مەكتەپلەردە يولغا قويۇلۇۋاتقان كۆپ ۋاستىلىق ئوقۇتۇش تەلىۋىدىن چىقىش جەھەتتىكى ئەمەلى ئېھتىياجىنى كۆزدە تۇتۇپ، « power point 2010 نى ئۆگىنىش سۆرەتلىك دەرسلىكى» ۋە «گىئومېتىرىيىلىك دوسكا (几何画板5.05)نى ئۆگىنىش سۆرەتلىك دەرسلىكى»نى ئىشلەپ، بايقاش مۇنبىرىمىزگە يوللاپ، مۇنبىرىمىزدىكى بۇ جەھەتتىكى بوشلۇقنى تولدۇردى.
مەن مۇنبىرىمىزدىكى ياش، ئوتتۇرا ياش ئوقۇتقۇچىلىرىمىزنىڭ توردىشىمىز پەتتار شەمسىنىڭ مۇنبىرىمىزگە يوللانغان بارلىق تېمىلىرىنى تەپسىلى كۆرىشىنى، ھەمدە تۆۋەندىكى ئىككى تېمىسى ۋە  تېما ھەققىدىكى چۈشەندۈرۈشلەرنى تەپسىلى كۆرۈپ بېقىشىنى تەۋسىيە قىلىمەن:

power point 2010 نى ئۆگىنىش سۆرەتلىك دەرسلىكى
http://baykax.com/bbs/forum.php? ... p;extra=&page=1

گىئومېتىرىيىلىك دوسكا (几何画板5.05)نى ئۆگىنىش سۆرەتلىك دەرسلىكى
http://baykax.com/bbs/forum.php?mod=viewthread&tid=10498

بۇ ئىككى دەرسلىكنىڭ ئەسلى باھاسى 70.00 يۈەن، توردىشىمىز پەتتارجان بۇ ئىككى خىل دەرسلىكنى بايقاش مۇنبىرىدىكى تورداشلارغا 50.00 يۈەندىن سېتىپ بېرىشكە قوشۇلدى. (ئەگەر بىرسىنى سېتىۋالماقچى بولسىڭىز باھاسى 30.00 يۈەن) مىللىتىمىز ئارىسىدىن مۇشۇنچىلىك ئىىتىدارلىق ياشلىرىمىزنىڭ چىقمىقى ئوڭاي ئەمەس. بۇ تېمىلار ئۇنىڭ ئۇزۇن ۋاقىتلىق ئىزدىنىشى ۋە قان-تەرى بەدىلىگە روياپقا چىققان، ئۇنىڭ ئىجادىيىتىگە ئۇتۇق تىلەش بىلەن بىللە ئۇنى ھەر جەھەتتىن قوللىشىمىز، ئىلھام ۋە مەدەت بېرىشىمىز كېرەك. ئۇنىڭ ئۈستىگە خەلقىمىز ئارىسىدا «ھۈنەر- قىلسا ئۈنەر»، «ئەر كىشىگە 72 خىل ھۈنەر ئازلىق قىلىدۇ» دەيدىغان ھېكمەت بار.
بىر ۋاخ تاماقنىڭ ئورنىغا نان بىلەن غىزالىنىپ،ياكى بەش قاپ تاماكىنى ئاز چېكىپ، ئېشىنغان 50.00 يۈەنگە سىزنى باش قېتىمچىلىقىدىن قۇتۇلدۇرۇپ ئەسقاتىدىغان ھۈنەرنى، سىزگە ئۆمۈر بويى ھەمرا بۇلىدىغان تېخنىكا-ماھارەتنى، سىزنى ئىلغارلىق شەرىپىگە يېتەكلەيدىغان ئۇستازنى سېتىۋالغۇڭىز يوقمۇ؟
ھازىرقى دەۋىر بىلىم ئىگىلىكى دەۋرى، بىلىم يېڭىلاش، تېخنىكا ماھارەت ئىگەللەش دەۋرى. بىز كىتاپخانىلاردىن نەچچە ئون يۈەنگە كومپىيوتېر تېخنىكىسىغا ئائىت كىتاپلارنى سېتىۋالىمىز، ئۇنىڭ ئۈنۈمى قانچىلىك؟ ئالدىڭىزدا سۈرەت، ئاۋازلىق چۈشەندۈرۈش ۋە مائۇس ھەركىتى ئۆز ئارا بىرلەشتۈرۈلگەن ئۈگەتكۈ تۇرۇپتۇ، ئۇنىڭ ئۈنۈمى قانچىلىك؟.... مەن مۇنبەردىكى تورداشلارنىڭ ئەستايىدىل ئويلىنىپ كۆرۈشىنى، بىلىم-ماھارەت يېڭىلاش، ئۆزىنى مۇكەممەللەشتۈرۈش ۋە توردىشىمىز پەتتارجاننى قوللاش، مەدەت بېرىش يۈزىسىدىن بۇ ئىككى خىل دەرسلىكنى سېتىۋېلىشىنى ئۈمۈت قىلىمەن!
سېتىۋېلىش ئادرىسى:
                                              QQ:   352555801         پەتتار شەمسى
                                          يانفۇن: 13579554044
تاۋباۋ تورىدىن سېتىۋېلىش ئادرىسى:
http://item.taobao.com/item.htm?id=18941779228

(سېتىۋالماقچى بولسىڭىز پەتتار شەمسى بىلەن QQ ياكى تېلىفۇندا ئالاقىلىشىڭ، ۋە ‹‹مەن بايقاش تورىنىڭ ئەزاسى›› دەپ ئۆزىڭىزنى تونۇشتۇرۇشنى ئۇنتۇماڭ.)

ئادمىن: 13579690249،  ئامان: 18935799468

بايقاش

ئۆز قېرىنداشلىرىمىزنى ئۆزىمىز قوللىمىساق كىم قوللايدۇ؟ مەن خىزمەتداشلىرىم ۋە ئەل ئاغىنىلىرىمگە تەۋىسىيە قىلغان ئىدىم ھازىرغا قەدەر 10 يۈرۈش زاكاس قىلىنىپ بولدى. بايقاشتىكى مائارىپ سۈيەر قېرىنداشلىرىمىزنىڭمۇ كۈچىنىڭ يىتىشىچە قوللاپ بېرىشىنى، پەتتار شەمشى ئەپەندىمنىڭ تېخىمۇ نادىر دەرسلىكلەرنى ئىشلىشىگە ياردەم بېرىشنى ئۈمۈد قىلىمەن.

سەييارە0

بەكمۇ ياخشى دەرىسلىك ئىكەن،ئىھتىياجلىق دوسلارنىڭ سېتىۋېلشىنى تەۋسىيە قىلمەن.

ئوغلانبەگ

قېنى كۆرۈپ باقاي.

ئەبگاھ

شۇنداق، قىممەتلىك ماتىرىيال ئىكەن.

كارول1

مىنىڭچە ياخشى ماترىيال ئىكەن چۈنكى ياشقا چوڭ بولغان ئوقۇتقۇچىلارغا نىسبەتەن بۇنداق دىتال ئىشىلتىش مۈشكۈل بىر ئىش شۇڭا مۇشۇ دىتالنى سىتۋىلىپ ئۈگۈنۋالسا نىمانداق ياخشى ھە  يەنە كىلىپ ئىككى خىل بىلىم ئاران 50 يۇەن ئىكەن  ئەگەر مەن بىلمىگەن بولسام چوقۇم ئالاتتىم  قىرىنداشلار ئۆز قىرىندىشمىزنى ئۆزىمىز قوللايلى  بولمىسا كىم قوللايدۇ ؟

گۈلزار

بۇ دەرسلىك دىتالىنى مەنمۇ خىزمەتداشلىرىمغا تەۋسىيە قىلىشنى ئويلاۋاتىمەن ئەمما ھازىر تەتىل ۋاقتىمىز توشمىغاچقا تەۋسىيە قىلالمىدىم ، مەكتەپكە يىغىلغاندا چوقۇم تەۋسىيە قىلىپ بىر نەچچىنى سېتىۋالىمىز .
رەھمەت سىزگە

نۇردۇن

بەكمۇ ياخشى دەرىسلىك ئىكەن،ئىھتىياجلىق دوسلارنىڭ سېتىۋېلشىنى تەۋسىيە قىلمەن.

muzika

بەكمۇ ياخشى ماتىريال ئىكەن، مەن دوسلىرىمغا تەۋسىيە قىلاي.