يېڭى يىل تەبرىكنامىسى
ھۆرمەتلىك بايقاش ئەھلى، بايقاش مۇنبىرىدىكى كونا-يېڭى تورداش دوستلار ياخشىمۇسىلەر؟
پۈتۈن دۇنيا خەلقى كونا يىل بىلەن خوشلىشىپ، يېڭى يىلنى كۈتۈۋېلىۋاتقان قۇتلۇق دەقىقىلەردە، بايقاش مۇنبىرىمىزمۇ شانلىق نەتىجىلەر بىلەن تولغان 2012-يىلى بىلەن خوشلىشىپ، ئۈمۈت ۋە ئىشەنچكە تولغان 2013-يىلىنى كۈتۈۋېلىش ئالدىدا تۇرۇۋاتىدۇ. بىز مۇشۇ مىنۇتلاردا بايقاش مۇنبىرىنىڭ ئۆتكەن بىر يىل جەريانىدا تۈرلۈك توسالغۇلارنى يېڭىپ، مىللى مائارىپ ئىشلىرى ئۈچۈن خىزمەت قىلىشتەك رولى ۋە خاسلىقىنى نامايەن قىلىپ، تور دۇنياسىدا مەزمۇت پۇت دەسسەپ تۇرۇۋاتقان يارقىن ئوبرازىنى ئەسلىمەي تۇرالمايمىز.
ھەممىمىزگە مەلۇمكى، 2012-يىلى بايقاش مۇنبىرىمىز ئۈچۈن تۈرلۈك-تۈمەن خىرىس، زىددىيەت ۋە كۈرەشلەرگە تولغان، ھەرخىل ئەگرى–توقايلىق ۋە دۈشمەنلىك ھەركەتلىرى ئالدىدا ئۆزىنىڭ تىز پۈكمەس جاسارىتىنى نامايەن قىلدۇرغان، رايونىمىزدىكى ھەر دەرىجىلىك، ھەرخىل مەكتەپلەردىكى مائارىپچىلارنى ئۆز قوينىغا جەم قىلىپ، بىرلىك، ئىتتىپاقلىق، ھەمكارلىق روھىنى جارى قىلدۇرۇپ، قېرىنداش مۇنبەرلەرنى ھەيرەتتە قالدۇرغان، شانلىق نەتىجىلەرگە تولغان بىر يىل بولدى. بايقاش مۇنبىرى بۇ نەتىجىلىرى بىلەن رايونىمىزدىكى مائارىپچىلارنىڭ ئىللىق ئائىلىسى، سىرداش دوستى، قابىل ياردەمچىسى ۋە مەنىۋى تۇرمۇشىنىڭ مۇھىم تەركىۋى قىسمىغا ئايلاندى.
بۇ نەتىجىلەر بايقاش مۇنبىرىدىكى بارلىق كونا-يېڭى تورداش دوستلارنىڭ بىر نىيەت، بىر مەخسەتتە ئۆز ئارا ھەمكارلىشىپ، ئۆزلىرىنىڭ ئىجادى، سەرخىل تېما-ئىنكاسلىرى ئارقىلىق، مۇنبەرنى قوللىغانلىقىنىڭ نەتىجىسى. بۇ پەخىرلىنەرلىك نەتىجىلەر بايقاش مۇنبىرى ئۈچۈن خالىس تۆھپە قوشۇۋاتقان بارلىق كونا-يېڭى تورداش دوستلارغا مەنسۇپ! كېلىش ئالدىدا تۇرغان 2013-يىلىدا تېخىمۇ زور نەتىجىلەرنى قولغا كەلتۈرۈش ئۈچۈن غەيرىتىمىزنى يەنىمۇ ئاشۇرۇپ، بىرلىك، ئىتتىپاقلىق، ھەمكارلىق روھىمىزنى تېخىمۇ جارى قىلدۇرۇپ، ئورتاق ئالغا باسايلى! ئىتتىپاقلىق كۈچ! ئىتتىپاقلىق غەلىبە! نەتىجە ھامان تىرىشقانلارغا، ئىزدەنگۈچىلەرگە مەنسۇپ!
مۇشۇ مۇناسىۋەت بىلەن بايقاش مۇنبىرىدىكى ئاتامان ۋە باشقۇرغۇچىلار بايقاش مۇنبىرىنى يېقىندىن قوللىغان بارلىق كونا-يېڭى تورداش دوستلارغا چوڭقۇر رەخمەت ئېيتىمىز ۋە يېڭى يىللىق سالام يوللايمىز:
بايقاش مۇنبىرىنى يېقىندىن قوللىغان، بايقاش مۇنبىرى ئۈچۈن ئەجىر-مېھنەت سىڭدۈرگەن بارلىق كونا-يېڭى تورداش دوستلار، ياخشىمۇسىلەر؟ جاپا چەكتىڭلار، رەخمەت سىلەرگە!
بايقاش مۇنبىرى ئارقىلىق ئۇيغۇر مىللى مائارىپىمىزنىڭ كەلگۈسى تەرەققىياتى ئۈچۈن سىڭدۈرگەن جاپالىق ئەجىر-مېھنىتىڭلار مەڭگۈ ئۆچمەيدۇ!
2013-يىللىق يېڭى يىلىڭلارغا مۇبارەك بولسۇن! بۇ يېڭى يىلدا تېنىڭلارغا سالامەتلىك، ئائىلەڭلارغا بەخت-ئامەت، خىزمىتىڭلارغا ئۇتۇق ۋە شان-شەرەپلەر يار بولغاي!
بايقاش مائارىپ تورى ئىشخانىسى
2012-يىلى 12-ئاينىڭ 31-كۈنى
| 
[ئۇلانما كۆچۈرۈش]
792 دانەتىللا
قىزغىنلىق
تىللا
تۆھپە
شۆھرەت
يوللىغان ۋاقتى 2012-12-31 23:06:33
يوللىغان ۋاقتى 2012-12-31 23:08:54
يوللىغان ۋاقتى 2012-12-31 23:33:04
يوللىغان ۋاقتى 2012-12-31 23:39:34
