بالىلارغا ئېلىپ بېرىلىدىغان مالىيە باشقۇرۇش تەربىيىسى

ئامان

ئامېرىكىدا بالىلارغا ئېلىپ بېرىلىدىغان مالىيە باشقۇرۇش تەربىيىسىنىڭ نىشانى ۋە تەلەپلىرى

ئالتە ياشتا: سانى كۆپ بولمىغان پۇللارنى تونۇيالايدىغان، كۆپ مىقداردىكى تەڭگە پۇللارنى سانىيالايدىغان بۇلۇش.

يەتتە ياشتا: مال باھا كارتىسىنى چۈشىنەلەيدىغان بولۇش.

سەككىز ياشتا: ئىشتىن سىرت پۇل تاپقىلى بولىدىغانلىقىنى چۈشىنىش ۋە پۇلنى ئامانەت قويۇشنى بىلىش.

توققۇز ياشتا: ھەپتىلىك ئاددى چىقىم پىلانى تۈزەلەيدىغان ھەم مال سىتىۋالغاندا باھا سېلىشتۇرۇشنى بىلىدىغان، ئوخشاش بولمىغان تۈر، ئوخشاش بولمىغان قىممەتتىكى پۇللارنى ئېنىق تونۇيدىغان، بانكا كارتىسى ۋە پۇل چېكىنى بىلىدىغان ھەم بۇ ئىككىسىنى پەقەت بانكىدا ئامانەت پۇلى بولغاندىلا ئىشلەتكىلى بولىدىغانلىقىنى چۈشىنىدىغان، ئىناۋەتلىك قەرزنىڭ ئاساسى پرىنسىپىنى چۈشىنىپ، پۇل قەرز ئالغاندىن كېيىن قايتۇرۇشنى، پۇلنى ئامانەت قويۇش، مەبلەغ سىلىش ياكى ئاتا – ئانىسىغا ساقلاشقا بېرىشنىڭ ئارتۇقچىلىق–يېتەرسىزلىكلىرىنى سېلىشتۇرالايدىغان، پۇل تېپىش ئۇسۇلىغا دائىر مىساللارنى ئېيىتىپ بېرەلەيدىغان بولۇش.

ئون ياشتا: ھەر ھەپتىدە ئاز–ئازدىن پۇل تېجىگەندە، تەدىرىجىي پۇل توپلىغىلى بولىدىغانلىقىنى چۈشىنىش.

ئون بىر ياشتا: تېلېۋىزىيە ئىلانلىرىدىن ئەمەلىيەتنى بايقىيالايدىغان بولۇش.

ئون ئىككى ياشتا: ئىككى ھەپتىلىكتىن يۇقىرى چىقىم پىلانى تۈزەلەيدىغان ۋە ئەمەلىيلەشتۈرەلەيدىغان، بانكا مۇلازىمىتى توغرىسىدىكى بايانلارنى چۈشىنەلەيدىغان ۋە پايدىلىنالايدىغان بولۇش.

ئون ئۈچ ياشتا: ئۆزىنىڭ قىسقا مەزگىلدىكى ۋە كۆز ئالدىدىكى كىرىم–چىقىم نىشانىنى بېكىتەلەيدىغان (مەسىلەن، جۈمە كۈنى كەچتە سىنقويغۇ پىلاستىنكىسى ئىجارە ئېلىش، ياز كەلگۈچە يېڭى CD ئاپراتى سېتىۋىلىش قاتارلىقلارنى پىلانلىيالايدىغان)، ئاددى ئۆسۈملەرنى ھېسابلىيالايدىغان، خام چوت پىلانى تۈزەلەيدىغان ۋە ئۆزگەرتەلەيدىغان بولۇش.

ئون يەتتە ياشتا: بۇ ۋاقىتتا بالىلار ياشلىق مەزگىلىگە كىرگەنلىكى ئۈچۈن ئۇلاردىن تۈرلۈك ئامانەت قويۇش ۋە مەبلەغ سىلىش شەكىللىرىنىڭ خەۋپ–خەتىرى ۋە پايدىسىنى سېلىشتۇرالايدىغان، يىللىق ئۆسۈمنى ھېسابلاش ئارقىلىق پۇلنى نەگە ئامانەت قويۇش، نەدىن قەرز ئېلىشنى قارار قىلالايدىغان بولۇش تەلەپ قىلىنىدۇ.

مەنبە: «شىنجاڭ مائارىپى» ژورنىلى

زەپەر

بىزنىڭ باللىرىمىز قاچانمۇ بۇ ھالەتكە يىتەر ھە . ھازىرقى بەزى بالىلار ئىچىدە ھەتتا 10 ياشتىمۇ بۇلنىڭ قانچە پۇل ئىكەنلىكىنى ئۇقماسلىقتەك ئەھۋاللار ساقلىنىپ كىلىۋاتىدۇ. ئامىرىكا دىھقانلىرنىڭ  پەرزەنىتلىرىگە كىچىكلىكىدىن باشلاپ مالىيە باشقۇرۇش جەھەتتىكى تەربىيلىنىشىنى ئۈزىمىزگە ئۆلگە قىلساق دەيمەن . ھەي .
ياخشى تىمىكەن ئامان مۇئەللىم خەۋەردار قىلغانلىقىڭىزغا كوپ تەشەككۈر بىلدۈرمەن .

گۇلزار

زەپەر يوللىغان ۋاقتى  2012-12-29 09:21
بىزنىڭ باللىرىمىز قاچانمۇ بۇ ھالەتكە يىتەر ھە . ھازىرق ...

نىمە دەۋاتىسىز زەپەر ئەپەندى  ، بىزنىڭ بالىلىرىمىز ئۈنچىلىك دۆت ئەمەس 10 ياشقا كىرگىچىمۇ پۇلنى تونۇمايدىغان . سىز بىر ئوقۇتقۇچى تۇرۇپ مەكتەپتە ئوقۇغۇچىلارغا  مەخسۇس پۇلنى تونۇتۇش توغرىسدىكى دەرسلىكنى بىلمەمسىز ، ھازىر بۇ دەرسلىك يەسلى سىنىپلىرىغىمۇ ئۆتۈلمەكتە . يەسلى بالىلىرىغۇ تۇرغاي ھازىر 3 ياشلىق باللارمۇ پۇلنى تونۇيدىغان بولۇپ كەتتى .