بۇ يازمىنى ئاخىرىدا ئامان تەھرىرلىگەن. ۋاقتى 2012-11-14 01:13
بىرىنچى يىللىق 2-قىسىم قانۇنىيەتنى تېپىش دەرسلىك لاھىيەسى
دەرس مەزمۇنى: دەرسلىك ماتىرىيالى 88-89-بەت 1-،2-،3-مىسال ۋە ئىشلەپ بېقىڭ.
ئوقۇتۇش نىشانى:
(1) كۈزىتىش، تەجرىبە قىلىش، پەرەز قىلىش، يەكۈنلەش قاتارلىق پائالىيەتلەر ئارقىلىق، ئوقۇغۇچىلارنى دەسلەپكى قەدەمدە شەكىللەرنىڭ تىزىلىش قانۇنىيىتىگە بولغان چۈشەنچىگە ئىگە قىلىش، ھەم قانۇنىيەتكە ئاساسەن، كىيىنكى جىسىمنىڭ قايسى شەكىل ئىكەنلىكىنى ئېيتىپ بىرەلەيدىغان بۇلۇش.
(2) ئوقۇغۇچىلاردا دەسلەپكى قەدەمدە، كۈزىتىش، ئەقلى خۇلاسە چىقىرىش ۋە ئەمەلىي مەشغۇلات قىلىش ئىقتىدارىنى يىتىلدۈرۈش.
(3) ئوقۇغۇچىلارنىڭ بايقاش ۋە ماتىماتىكىدىن ھۇزۇرلىنىش ئېڭىنى يىتىلدۈرۈش.
مۇھىم قىيىن نوقتا:
مۇھىم نوقتا: دەسلەپكى قەدەمدە شەكىللەرنىڭ تىزىلىش قانۇنىيىتىنى ئىگەللەش ، ھەم قانۇنىيەتكە ئاساسەن، كىيىنكى جىسىمنىڭ قايسى شەكىل ئىكەنلىكىنى ئېيتىپ بىرەلەيدىغان بۇلۇش.
ھەل قىلىش ئۇسۇلى: كۈزىتىش، تەجرىبە قىلىش، پەرەز قىلىش، ئەقلى خۇلاسە چىقىرىش قاتارلىق پائالىيەتلەر ئارقىلىق، قانۇنىيەتنى بايقاش.
قىيىن نوقتا: دەسلەپكى قەدەمدە ئوقۇغۇچىلارنىڭ ئەقلى خۇلاسە چىقىرىش ئىقتىدارىنى يىتىلدۈرۈش.
ھەل قىلىش ئۇسۇلى: ئەمەلىي مەشغۇلات قىلىش ۋە ئۆزئارا پىكىر ئالماشتۇرۇش .
كۆرسەتمە قۇرال: كۆپ ۋاستىلىق ئوقۇتۇش يۇمشاق دىتالى، ماتىماتىكا قۇتىسى.
ئوقۇتۇش جەريانى:
1.دەرسكە باشلاپ كىرىش
(1) سۆھبەت ئۇسۇلى ئارقىلىق يىڭى دەرىسكە باشلاپ كىرىلىدۇ.
6-ئاينىڭ 1-كۈنى قانداق كۈن؟
كىمنىڭ بايرىمى؟
سىز بۇقىتىمقى بالىلار بايرىمىنى قانداق ئۆتكۈزدىڭىز؟(ئوقۇغۇچىلار ئىختىيارى جاۋاپ بىرىدۇ)
ئۇنداقتا سىلەر بىرىنچى يىللىق(3) سىنىپتىكى ساۋاقداشلارنىڭ بالىلار بايرىمىنى قانداق ئۆتكۈزگەنلىكىنى بىلىشنى خالامسىلەر؟
ئوقۇتۇش يۇمشاق دىتالى كۆرسىتىلىدۇ:
تەپسىلى كۈزۈتۈڭلار: رەسىمدە نىمىلەر بارئىكەن؟
(بايراق، پانۇس، گۈل ۋە نۇرغۇنلىغان كىچىك دوستلار بار ئىكەن.)
بۇ بايراق، گۈل ۋە پانۇسلار قالايمىقان تىزىلىپتىمۇ ياكى بەلگىلىك تەرتىپتە تىزىلغانمۇ؟
(ئوقۇغۇچىلار جاۋاپ بىرىدۇ)
بەلگىلىك تەرتىپكە ئىگە، ئۇلارنىڭ ھەممىسى بەلگىلىك قانۇنىيەتكە ئاساسەن تىزىلغان. بۇ سائەتتە بىز دەل قانۇنىيەتنى تېپىشنى ئۈگۈنىمىز.( دەرس تىمىسى دوسكىغا يېزىلىدۇ)
2.قانۇنىيەتنى تېپىش ئۈستىدە ئىزدىنىش.
(1) ئوقۇتۇش يۇمشاق دىتالى ئارقىلىق بايراق رەسىمى كۆرسىتىلىدۇ:
ئوقۇغۇچىلارنى كۈزىتىش ۋە ئويىلىنىشقا يىتەكلىنىدۇ: كىيىنكى بايراق قانداق رەڭدە؟ (ئوقۇغۇچىلار جاۋاپ بىرىدۇ) ئوقۇغۇچىلارنىڭ جاۋابى مۇئەييەنلەشتۈرىلىدۇ.
(2) ئوقۇتۇش يۇمشاق دىتالى ئارقىلىق پانۇس ۋە ئوقۇغۇچىلارنىڭ رەتكە تىزىلغان رەسىمى كۆرسىتىلىدۇ:
بايراقنىڭ تىزىلىش قانۇنىيىتىنى تېپىۋالدۇق، ئۇنداقتا، پانۇس بىلەن كىچىك دوستلارنىڭ تىزىلىشىدا قانداق قانۇنىيەت باركىن؟
كىيىنكى پانۇس قانداق رەڭدە؟ كىيىنكى ساۋاقداش قىزمۇ ياكى ئوغۇلمۇ؟بايقىغانلىرىڭىزنى يېنىڭىزدىكى ساۋاقدىشىڭىزغا ئېيتىپ بىرىڭ. (ئوقۇغۇچىلار ئويلىنىدۇ ۋە ئۆزئارا پىكىر ئالماشتۇرىدۇ)
قېنى قايسى ساۋاقداش ئويلىغانلىرىنى سىنىپتىكى ساۋاقداشلىرى بىلەن ئورتاقلىشىشنى خالايدۇ؟ سىز قانداق ئويلىدىڭىز؟ (ئەركىن پىكىر قاتناشتۇرىدۇ)
(3) ئوقۇتۇش يۇمشاق دىتالى ئارقىلىق تىزىلغان گۈللەرنىڭ رەسىمى كۆرسىتىلىدۇ:
گۈللەرنىڭ تىزىلىش قانۇنىيىتى بايراق، پانۇس ۋە ئوقۇغۇچىلانىڭ تىزىلىش قانۇنىيىتى بىلەن ئوخشاشمۇ؟ ئويلاپ باقايلى: كىيىنكى گغل قايسى رەڭدە؟ ئۇنىڭدىن كىيىنكىسىچۇ؟
(4) خۇلاسە: بايراق، پانۇس،گۈل ۋە كىچىك دوستلارنىڭ ھەممىسى بەلگىلىك قانۇنىيەت بۇيىچە تىزىلغان.
(5) ھەربىر گۇرۇپپىدا قانداق شەكىللەر بار؟ قايسى تەرتىپ بۇيىچە تىزىلغان؟ بايقىغانلىرىڭىزنى ئىيتىپ بېقىڭ.
3. ئەمەلىي مەشغۇلات.
(1) بۇياپ بېقىڭ.
دەرسلىك 89-بەتتىكى «بۇياپ بېقىڭ» كۆرسىتىلىدۇ.
قېنى قايسى ساۋاقداش بەلگىلىك قانۇنىيەتتە بۇياپ چىقالايدۇ؟ ( ئوقۇغۇچىلار بوياپ چىقىدۇ)
قېنى قايسى ساۋاقداش قانداق بۇيىغانلىقىنى ئېيتىپ بىرىدۇ؟
ئۆزئارا مۇسابىقىلىشىپ بېقىشنى خالامسىلەر؟ (دەرسلىك 89-بەت ئىشلەپ بېقىڭ)
كىچىك گۇرۇپپا ئىچىدە ئۆزئارا باھالاپ بېقىڭلار، توغرا بۇياپسىلەرمۇ؟ (ئۆزئارا باھالاپ چىقىپ، خاتا جايلارنى توغرىلايدۇ.)
(2) تىزىپ بېقىڭ، ئويلاپ بېقىڭ.( )
بىز بىرقىسىم قانۇنىيەتلەر بىلەن تۇنۇشۇپ چىقتۇق، ئۇنداقتا ساۋاقداشلار ئۈزۈڭلار قانۇنىيەت ھاسىل قىلالامسىلەر؟ ماتىماتىكا قۇتىسىدىكى شەكىللەر ئارقىلىق تىزىپ چىقىڭلار؟ (ئوقۇغۇچىلار ئەمەلىي مەشغۇلات قىلىدۇ)
ئويلاپ بېقىڭ:
تىزىپ چىققان شەكىللىرىڭلارنى ساۋاقدىشىڭلار بىلەن ئورتاقلىشىشنى خالامسىلەر؟( ئۆزئارا باھالاپ چىقىدۇ)
4. تۇرمۇشتىكى ماتىماتىكا
ئەمەلىي تۇرمۇشىمىزدا نۇرغۇن جىسىملار بەلگىلىك قانۇنىيەت بۇيىچە تىزىلغان، ئويلاپ باقايلى: يەنە قايسى جىسىملارنىڭ تىزىلىشى بەلگىلىك قانۇنىيەتكە ئىگە؟ كىم ئېيتىپ بىرەلەيدۇ؟ (ئوقۇغۇچىلار ئېيتىپ بىرىدۇ)
دەرسلىك يۇمشاق دىتالى كۆرسىتىلىپ، تۇرمۇشتىكى ماتىماتىكىدىن ھۇزۇر ئېلىشقا يىتەكلىنىدۇ.
5. خۇلاسە: بۇ سائەتلىك دەرس ئارقىلىق نىمىلەرنى بىلىۋالدىڭىز؟
6.تاپشۇرۇق: ئۆيگە قايتقاندىن كىيىن ئىنچىكىلىك بىلەن كۈزىتىپ بېقىڭ، ئۈيىڭىزدىكى قايسى نەرسىلەر بەلگىلىك قانۇنىيەت بۇيىچە تىزىلغان؟
| 
قىزغىنلىق
تىللا
تۆھپە
شۆھرەت
يوللىغان ۋاقتى 2012-11-12 23:10:32
يوللىغان ۋاقتى 2012-11-14 01:12:00