ئادەتتە جىق خىيال سۈرەمسىز؟

ئارمان520

ئادەتتە جىق خىيال سۈرەمسىز؟
مەنبەسى:جۇڭگو ئۇيغۇرچە رادىيو تورى     |تەھرىر:گۈلرىز سۈرئەت|   

ئادەتتە جىق خىيال سۈرەمسىز؟ ئامېرىكا ۋە گېرمانىيە تەتقىقاتچىلىرى، خام خىيالنى كۆپ قىلىدىغان كىشىلەرنىڭ مېڭىسى تېخىمۇ ئەقىللىق بولۇشى مۇمكىن. ئۇلارنىڭ مېڭىسىنىڭ ئۇچۇر بىر تەرەپ قىلىش، ۋاقىتلىق ساقلاش ۋە پىششىقلاپ ئىشلەش ئىقتىدارى كۈچلۈك بولۇپ، بىرلا ۋاقىتتا ئىككى ئىشنى قىلالايدۇ دەپ قارىغان.  ۋىسكونسىن ئۇنىۋېرسىتېتىدىكى دەننىر لېۋىنسون باشچىلىقىدىكى تەتقىقاتچى خادىملار مەكتەپ ئىچىدىكى 18 ياشتىن 65 ياشقىچە بولغان پىدائىيلارنى قوبۇل قىلىپ، ئۇلارغا بىر قىسىم ئاددىي ۋەزىپىلەرنى ئورۇنداشنى تاپشۇرغان، مەسىلەن ھەربىر نەپەسلەنگەندە كۇنۇپكىنى بىر قېتىم بېسىپ قويۇش ياكى كونۇپكا تاختىسىدا كومپيۇتېر ئېكرانىدا كۆرسىتىلگەن ھەرپلەرنى بېسىش دېگەندەك. تەتقىقاتچى خادىم:بۇ تۈردىكى ۋەزىپىلەر ئىنتايىن ئاددىي بولۇپ، پىدائىيلارنىڭ دىققىتى ئوڭايلا چېچىلىپ كېتىدۇ دەپ قارىغان.  تەتقىقاتچىلار پات-پات پىدائىيلاردىن پۈتۈن دىققىتى بىلەن ۋەزىپە ئىجرا قىلىۋاتقانلىقىنى ياكى خام خىيال قىلىشتىن دىققىتى چېچىلغان-چېچىلمىغانلىقىنى سوراپ تۇرغان. ۋەزىپە تاماملانغاندىن كېيىن تەتقىقاتچى خادىم پىدائىيلارنىڭ خىزمەتنى ئەستە ساقلاش ئىقتىدارىنى تەكشۈرۈپ، ئۇلارغا ھەرپلەرنى ئەسلەتكەن ھەمدە ئاددىي ماتىماتىكىلىق تەڭلىمىلەردىن سۇئال سورىغان.  خىزمەتنى ئەستە ساقلاش ئەمەلىيەتتە قىسقا مەزگىللىك ئەستە ساقلاش بولۇپ ئۇچۇرغا قارىتا ۋاقىتلىق ساقلاش ۋە پىششىقلاپ ئىشلەش ئېلىپ بارىدىغان ئەستە ساقلاش سىستېمىسىدىن ئىبارەت. ئۇ چوڭ مېڭىنىڭ بىرلا ۋاقىتتا كۆپ ۋەزىپىنى ئىجرا قىلىشىغا يول قويىدۇ، سىغىمى چەكلىك. خىزمەتنى ئەستە ساقلاش ئىقتىدارى قانچە كۈچلۈك بولسا، كىشىلەر قولى بىلەن ئىش قىلغاچ، يەنە نۇرغۇن خام خىياللارنى سۈرەلەيدۇ.  نەتىجىدە كۆرسىتىلىشىچە، بارلىق پىدائىيلارنىڭ ۋەزىپىنى تاماملىشى ياخشى بولغان. ئادەتتىكى ۋەزىپىنى ئىجرا قىلغاندا دىققىتى كۆپرەك چېچىلغان پىدائىيلارنىڭ خىزمەتنى ئەستە ساقلاش نەتىجىسى ئەڭ يۇقىرى بولغان. گېرمانىيىلىك مېڭە تېخنىكا تەتقىقات ئورنىدىكى چانلىن دوكلاتىدا:« بىزنىڭ تەتقىقات نەتىجىمىز، كىشىلەرنىڭ كۈندىلىك تۇرمۇشتىكى دائىملىق پائالىيىتى، مەسىلەن ئاپتوبوسقا ئولتۇرۇش، يۇيۇنۇش قاتارلىقلارنىڭ ئىجرا قىلىنىشى خىزمەتنىڭ ئەستە ساقلىنىشىنى قوللاشتىن بولغان» دېيىلگەن. خام خىيال سۈرۈش پۈتۈنلەي خاتامۇ ئەمەس. «پىسخىكا» ژۇرنىلىنىڭ 2010-يىلى ئىيۇلدىكى بىر پارچە ماقالىسىدە، خام خىيال سۈرۈش شۇ ۋاقىتنىڭ ئۆزىدىكى ئازابنى يوقىتىشقا پايدىلىق دېيىلگەن.  پىسخولوگلار، بۇ تۈرلۈك تەتقىقاتنىڭ يەنە بىر پايدىسى-بىر قىسىم ئەھۋاللارنى ئۇنتۇشنى خالايدىغان كىشىلەرگە ياردەم قىلىش دەپ قارىغان. پىسخولوگلار يەنە ئەگەر كىشىلەر ناچار كەيپىياتتىن قۇتۇلماقچى بولسا، ئەڭ ياخشىسى ئۆزىدىن ئىنتايىن يىراق بولغان ئىشلارنى ئويلاش كېرەك؛ بىر قىسىم ئوي-خىياللىرىنى توختاتماقچى بولسا، ئەڭ ياخشىسى باشقا ئىشلارنى ئويلاش بولۇپمۇ مەدەنىيەت پەرقى چوڭراق، تېخىمۇ يىراق بولغان ئىشلارنى ئويلاش كېرەك دەپ تەكلىپ بەرگەن.

tarhanbag

خام خىيال سۈرۈش دىگەن ئاڭلىماققا ئەخمەقلىكتەك قىلسىمۇ، ئەمىلىيەتتە تەپەككۈردۇر. ئىنتايىن دانالىق كىشىلەرنى ئويلىمىغاننى ئويلاشقا جۇرئەت قىلغانلىقتىن ئاپىرىدە بولىدۇ.

jamxid

خام -خىيال نۇرغۇن تەسەۋۋۇرلارنىڭ قوزغىلىشىنى تەمىن ئېتىدۇ.بۇخىل تەسەۋۋۇرلار ئىچىدە يېڭى -يېڭى ئىختىرالارنى ۋۇجۇتقا كەلتۈرىدىغان بايقاشلار مەيدانغا كېلىدۇ.نىسپىيلىك نەزىرىيەلىرى ،ئېلېمېنىتلار دەۋر جەدىۋىلى،يانفون ،ئالما تېلپونلىرىدىكى  ئۆزگىچىلىكلەر ھەممىسى ئەنە شۇ خام -خىيالنىڭ پىششىقلىنىشىدۇر.ئەمەلىيەتكە ئايلىنىشىدۇر.

سىرداش

خام خىيال  سۈرۈشمۇ  بىر لەززەتلىك ئىش جۇمۇ.  

زەپەر

مەن ئادەتتە تۇلا خىيال سۇردىغانلاردىن ئەمەسكەن . بىراق خىيال سۈرۈش ئادەمگە نىسپىتەن بىر خىل ھۇزۇر بېغىشلايدۇ.

تاۋلان

خىيال تەپەككۇرنى قاناتلاندۇردىغان قۇرال ،شۇڭا ئالىملار ،يازغۇچىلار .....ئومۇمەن داڭلىق كىشلەر خىيالنى كۆپ قىلدىغانلقى توغرىسىدا ماتىرياللار كۆپ.