مۇۋاپىقىيەت –تىرشچانلىقىڭ بىرخىل جۇغلانمىسى
ئىككى ئات بىردىن ھارۋىنى سۆرەپ مېڭىپتۇ. ئالدىدىكى ئات بىر خىل رىتىمدا كېتىۋېرىپتۇ. بىراق، كەينىدىكى ئات بىردەم- بىردەم توختىۋاپتۇ. شۇنىڭ بىلەن كىشىلەر كەينىدىكى ھارۋىغا بېسىلغان يۈكنى ئالدىدىكى ھارۋىغا يۆتكەپتۇ. يۈك پۈتۈنلەي يۆتكىلىپ بولغاندىن كېيىن، كەينىدىكى ئات يېپيېنىك ھالدا تاراقشىپ مېڭىپ كېتىپتۇ ھەمدە ئالدىدا ئىككى ھارۋىلىق يۈكنى سۆرەپ كېتىۋاتقان ئاتقا: «جاپانى بولىشىغا تارت، تەرىڭ بەكراق ئاقسۇن، سەن قانچە كۈچەپ ئىشلىگەنسېرى ئادەملەر سېنى شۇنچە بوزەك قىلىۋېرىدۇ » دەپتۇ.
قورۇققا يېتىپ كەلگەن چاغدا، خوجايىن: «بۇ يۈكلەرنى بىرلا ئات سۆرىيەلىگەنىكەن، ئىككى ئات بېقىپ نېمە قىلىمەن؟ ئۇنىڭدىن كۆرە ماۋۇ يۈك سۈرگىنىنى ئوبدانراق بېقىپ، ئاۋۇ ئاتنى سويۇپ تېرىسىنى ئىشلەتكىنىم ياخشى ئەمەسمۇ» دەپتۇ ھەم شۇنداق قىلىپتۇ. بىر ئادەمنىڭ خىزمەتتىكى روھى ئۇنىڭ خىزمەت ئۈنۈمى بىلەن بىۋاستە مۇناسىۋەتلىك بولۇپلا قالماستىن، بەلكى ئۇنىڭ كىشىلىك پەزىلىتىگىمۇ تەسىر كۆرسىتىدۇ. خىزمەت بىر ئادەمنىڭ خاراكتېرىنىڭ ئىپادىلىنىشى بولۇپ، ئۇ سېنىڭ قىزىقىش ۋە ئىنتىلىشىڭگە ۋەكىللىك قىلىدۇ. شۇڭا بىر ئادەمنىڭ ئىشلىگەن خىزمىتىگە قاراپلا ئۇنى ئاساسىي جەھەتتىن چۈشىنىۋالغىلى بولىدۇ.
شۇڭا ھەرقانداق ئەھۋال ئاستىدا خىزمىتىڭگە نىسبەتەن زېرىكىش تۇيغۇسىدا بولما، بۇ ئەڭ يامان ئىش. ناۋادا سەن شارائىتنىڭ زورلىشى تۈپەيلى زېرىكىشلىك خىزمەت بىلەن شۇغۇللىنىۋاتقان بولساڭمۇ، ئۇنىڭدىن بەرىبىر خوشاللىق ۋە ئەھمىيەتلىك نەرسىلەرنى تېپىپ چىقىشىڭ كېرەك. شۇنىسى ئېسىڭدە بولسۇنكى، قىلىشقا تىگىشلىك ھەم چوقۇم قىلمىسا بولمايدىغان خىزمەتنىڭ پۈتۈنلەي ئەھمىيەتسىز بولۇپ كېتىشى ناتايىن. گەپ سېنىڭ خىزمەتكە تۇتقان پوزىتسىيىنىڭ قانداقلىقىدا. ياخشى روھىي كەيپىيات ھەرقانداق خىزمەتنى ئەھمىيەتلىك ھەم قىزىقارلىق خىزمەتكە ئايلاندۇرالايدۇ. قەلبىڭدە چوقۇم «قىلىۋاتقان خىزمىتىمنى ھېچنىېمىگە قارىماستىن جان كۆيدۈرۈپ ئىشلەيمەن » دەيدىغان ئېدىقاد ۋە ئىرادە بولسۇن. ئەگەر خىزمىتىڭگە سادىق بولمىساڭ ھەم ئۇنى جان پىدالىق بىلەن ئىشلىمىسەڭ، ئۆز- ئۆزۈڭنى ئاخىرقى ھېسابتا ھېچنىېمىگە ئەرزىمەيدىغان نەرسىگە ئايلاندۇرۇپ قويىسەن. خوجايىن يېنىدا بولمىسىمۇ جان كۆيدۈرۈپ ئىشلەيدىغان ئادەم كەلگۈسىدە چوقۇم تېخىمۇ كۆپ مەنپەئەتكە ئېرىشىدۇ. ئەگەر سەن باشقىلار دىققەت قىلغان چاغدىلا قاتتىق ئىشلەۋاتقان قىياپەتكە كىرىۋالساڭ، ئۇنداقتا مۇۋاپىيەتنىڭ يۈكسەك پەللىسىگە مەڭگۈ يىتەلمەيسەن. ئۆز- ئۆزۈڭدىن خوجايىنىڭدىنمۇ ئارتۇق ئۈمىدلەرنى كۈتسەڭ، خىزمەتتىن ئايرىلىپ قېلىشتىن غەم يېمىسەڭمۇ بولىدۇ. ناۋادا ئۆزەڭ كۆزلىگەن ئەڭ يۇقىرى پەللىگە يېتەلىسەڭ، كېيىنكى ئىشلىرىڭ تېخىمۇ ئوڭۇشلۇق، يولۇق تېخىمۇ داغدام بولىدۇ. مەن كىشىلەر تەرىپىدىن: «بىر كېچىدىلا داڭ چىقارغان » دەپ قارالغان ئادەملەرنىڭ ئەمەلىيەتتە مۇۋاپىقىيەت قازىنىشىدىن ئىلگىرى ئۈن- تىنسىز ھالدا نۇرغۇن ئۈنۈملۈك خىزمەتلەرنى ئىشلەنگەنلىكىنى بايقاپ قالىمەن. مۇۋاپىقىيەت- تىرىشچانلىقنىڭ بىر خىل جۇغلانمىسى. ھار قايسى كەسىپتە يۈكسەك پەللىگە ئۆرلەيمەن دېسەڭ، ئۇزاق مۇددەت تىرىشىپ ئىشلەشكە ۋە ئەتراپلىق پىلان تۈزۈشىڭگە توغرا كېلىدۇ. مۇۋاپىقىيەت پەلەمپەينىڭ ئەڭ يۇقىرىسىغا ئۆرلەشنى نىيەت قىلساڭ، مەڭگۈ تەشەببۇسكار روھنى ساقلىشىڭ كېرەك، شۇنداق بولغاندا، ھەرقانداق مەززىسىز خىزمەت بولسىمۇ، ئۇنىڭدىن چوقۇم تېگىشلىك نەپكە ئېرىشەلەيسەن. ئۆز- ئۆزىنى ھەرىكەتلەندۈرۈپ، قوزغاپ تۇرىدىغان مۇشۇنداق ئادەتنى يېتۈلدۈرۋالساڭ، كەلگۈسىدە خوجايىن ۋە رەھبەر بولىشىڭدىمۇ گەپ يوق. بۈيۈك نەتىجىلەرنى ياراتقان ئادەملەر بىلەن نام- نىشانسىز ياشاپ ئۆتكەن ئادەملەرنىڭ ئەڭ تۈپ پەرقى شۇ يەردىكى، مۇۋاپىيقەت قازانغانلار ئۆز ئىشىغا باشتىن- ئاخىر مەسئۇل بولۇشقا ئەھمىيەت بەرگەن. دۇنيادا ھېچكىم سېنى مۇۋاپىقىيەت قازىنىشقا زورلىمايدۇ ھەم ھېچكىممۇ سېنىڭ ئۆز نىشانىڭغا يېتىش يولۇڭنى توسۇۋالالمايدۇ. ئەگەر سېنىڭ قەلبىڭدىمۇ يۇقىرىدىكى ھېكايىدەك ھۇرۇن ئاتتىن بىرى بولسا، ئۇنى دەرھال قوغلاپ چىقىرىۋەت، ئۇنىڭ سېنى مەغلۇبىيەت پاتقىقىغا سۆرەپ ئەكىرىپ،كېتىشىدىن ھەزەرئەيلە.
مەنبە: بىلىملەر تورىدىن. | 
قىزغىنلىق
تىللا
تۆھپە
شۆھرەت
يوللىغان ۋاقتى 2012-8-13 04:30:45
يوللىغان ۋاقتى 2012-8-13 07:27:23
