سىز نېمە ئۈچۈن كەمبەغەل بولۇپ قالدىڭىز؟
توردا "كەمبەغەل" دېگەن سۆز دائىم كۆزگە چېلىقىدۇ، ئەرزان باھالىق ماشىنىلار"كەمبەغەللەر ماشىنىسى" دېسە بولىدۇ، ئاددى كومپىيۇتېرلارنىمۇ"كەمبەغەللەر كومپيۇتېرى" دېسە بولىۋېرىدۇ،ئىتالىيە Aدەرىجىلىك پۇتپۇل مۇسابىقىسىدە بىر ئاجىز كوماندا كۈچلۈك كوماندىنى يېڭىپ چېمپىيۇن بولۇۋېدى،"كەمبەغەللەر غەلبە قىلدى"دېيلدى،بازارلاردىكى ئەرزان باھالىق مايكىلارنى بەزىلەر"كەمبەغەللەر كىيىمى" دېۋىدى،بۇنىڭغىمۇ ھېچكىم ئېتىراز بىلدۈرمىدى. ئومۇمەن، پۇلى يوقلار كەمبەغەللەردۇر. پۇلى بارلارنىمۇ كەمبەغەل دېيىشكە بولىدۇ. ناۋادا ئۇ ئۆزىنى باي دەپ قارىمىسىلا.
كىشىلەرنىڭ تۇرمۇشى ئومۇميۈزلۈك ياخشىلانغان ئەھۋال ئاستىدا ،كەمبەغەل بىلەن باي دېگەن ئۇقۇمدا ھېچقانداق پەرق قالمىدى، بىر قانچە ۋاقىتلارغىچە، سىز تاشقى كۆرۈنۈشىدىن بىر ئادەمنىڭ باي ياكى كەمبەغەل ئىكەنلىكىنى ئاسانلىقچە پەرق ئېتەلمەيسىز. بىلگايتىس ھەر دائىم ئاددىي كىيىملەرنى كىيىپ يۈرىدۇ، ۋاھالەنكى، شەھەرلەردىكى مەدىكارلارغا قاچانلا قارسىڭىز ئۇچىسىدا ساپلا پىچەت كاستوم-بۇرۇلكا.
"كەمبەغەل" بىلەن "باي" بىر-بىرىگە قارىمۇ-قارشى ئىككى ئۇقۇم، چەت ئەللىكلەر مەبلەغ سالغان شىركەتلەردە ئىشلەيدىغان"ئاق ياقىلىق"لارنىڭ ئايلىق مائاشى 3000يۈەن بولسىمۇ، يەنىلا ئۇ ئايدىن بۇ ئايغا يەتكۈزەلمەي قاقشايدۇ، ھالبۇكى، پىنسىيەگە چىققان بۇۋايلارنىڭ مائاشى ئاران 1000يۈەن ئەتراپىدا بولسىمۇ، ئەمما ئۇلار ئۆز تۇرمۇشىغا شۈكۈر-قانائەت قىلىپ ئۆتىدۇ.
كەمبەغەللەر بىلەن بايلار بەزى ھاللاردا ئوخشاش تەسىراتقىمۇ كېلىپ قېلىشى مۇمكىن، بايلار مەركەزلەشكەن رايۇنلاردا، بىر ئادەمنىڭ چىرايلىق تۇرالغۇسى ۋە ماشىنىسى بولسىمۇ، ئۇ يەنىلا تۆۋەن مائاشلىق ئادەم بولۇشى ۋە ھەر كۈنى جان بېقىش ئۈچۈن پايپېتەك بولۇپ يۇرۇشى ئېھتىمال.ئەمما، نامرات رايۇنلارغا نىسبەتەن ئېلىپ ئېيتقاندا، ئۇنىڭ تۇرمۇش سەۋىيىسىگە شۇ يەردىكى كاتتا بايلارمۇ ھەيران قېلىشى مۇمكىن.
كىرىمى قانچە يۇقىرى كىشىلەر، ئۆزىنى شۇنچە كەمبەغەل ھېس قىلىدۇ. مەركىزىي تېلېۋىزىيە ئىستانىسى بۇ ھەقتە تەكشۈرۈش ئېلىپ بارغاندا،ئايلىق كىرىمى 1000يۈەندىن تۆۋەن كىشىلەرنىڭ كۆپىنچىسى ئۆزلىرىنىڭ تۇرمۇش سەۋىيىسىنى ھاللىق سەۋىيىگە يەتتى دەپ قارىغان. ھالبۇكى، قىسمەن ئايلىق مۇئاشى 3000-5000گىچە بولغان كىشىلەر بولسا، ئۆزلىرىنىڭ تۇرمۇشىنى ھاللىق ئۆلچەمدىن خېلى يىراق دەپ ھېس قىلغان.
ھاللىق سەۋىيە پەقەت تۇرمۇشنىڭ ئاساسىي قاتلىمىلا بولالايدۇ، نوپۇزلۇق ئورگانلارنىڭ ھاللىق سەۋىيە ھەققىدىكى تەبىرى مۇنداق: بىرى،كىشى بېشىغا توغرا كېلىدىغان GDPكۆرسەتكۈچى 800دوللارغا يەتكەن بولۇش: يەنە بىرى، يېمەك-ئىچمەككە كەتكەن ىىراجەت ئائىلە كىرىمىنىڭ 50پىرسەنتتىن تۆۋەن بولغان بولۇش.
كىم يېمەك-ئىچمەك ئۈچۈن باش قاتۇرۇپ يۈرگەن بولسا، شۇ كىشىنى كەمبەغەل دېسە بولىدۇ. تۇرمۇش بايلار ئۈچۈن تۇرمۇشتۇر. كەمبەغەللەرگە نىسبەتەن ئېلىپ ئېيتقاندا، ئۇ پەقەت كۈن كەچۈرۈشتىن ئىبارەت.
ئاشۇ تولىمۇ نامرات كىشىلەرگە نىسبەتەن ئېلىپ ئېيتقاندا، "سىز نېمە ئۈچۈن كەمبەغەل بولۇپ قالدىڭىز"دېگەن مەسىلىنى مۇھاكىمە قىلىپ ئولتۇرۇشنىڭ ھېچقانداق ئەمەلىي قىممىتى بولمىسا كېرەك. چۈنكى ئۇلارنىڭ ھازىرقى ئەھۋالىنى ئۆزگەرتىشكە قۇربىتى يەتمەيدۇ. ئۇلارنىڭ كەمبەغەللىك ۋە بايلىققا بولغان تونۇشى چەكلىك تۇرمۇش تەجرىبىلىرىدىن كەلگەن بولۇپ، تۇرمۇشقا كېرەكلىك بولغان بويۇملارغا ئىگە بولۇش ئەھۋالىغا ئاساسەن ھۆكۈم قىلىنغان. ھالبۇكى، شەھەردىكى كەمبەغەللەر ياكى باي رايۇنلاردىكى كەمبەغەللەرنى قىيىن ئەھۋالغا چۈشۈرۈپ قويغان نەرسە قورساق مەسىلىسى ئەمەس، بەلكى تەرەققىيات مەسىلىسى.
باي بولغانلىق شەرەپ ئەمەس، كەمبەغەل بولۇپ قالغانلىقمۇ نومۇس ئەمەس.
بىر ئادەمنىڭ قىممىتىنى ماددىي ئۆلچەم بىلەن ئۆلچەشكە بولمايدۇ. تۇرمۇش ئۇسۇلى رەڭگا-رەڭ،بايلار خوشال-خورام ياشايدۇ، كەمبەغەللەر ئازاب-ئوقۇبەت چېكىپلا يۈرىدۇ. دېگنمۇ ئەخمىقانە گەپ، تۇرمۇشنىڭ بەختلىك بولۇشى كۆپ ھاللاردا باي-كەمبەغەللىك بىلەن مۇناسىۋەتسىز، قانداق ئادەمنى كەمبەغەل دەيدىز،قانداق ئادەمنى باي دەيمىز دېگەن مەسىلىدە ئەزەلدىن ئېنىق ئۆلچەم بولغان ئەمەس.
ھەممە ئادەم ئۆزىگە: مەن نېمە ئۈچۈن كەمبەغەل بولۇپ قالدىم؟دېگەن سوئالنى قويۇپ باقسا بولىدۇ.
مەنبە:بايلىق توردىن بۇ يازمىنى ئاخىرىدا يۇلۇچى تەھرىرلىگەن. ۋاقتى 2012-8-12 21:49
| 
قىزغىنلىق
تىللا
تۆھپە
شۆھرەت
يوللىغان ۋاقتى 2012-8-12 21:47:03
يوللىغان ۋاقتى 2012-8-12 22:24:47
