مەن خوتۇندىن قورقىمەن
سالام ساڭا ئانىجان مەن سېنىڭ ئۆز ئوغلۇڭمەن، نۇرى ئۆچۇپ كۆزۇڭنىڭ تونالمىدىڭ مېنى سەن. ئاۋاق ئىدىم ئىلگىرى سالاپەتلىك ھازىرمەن، شۇڭا بەزەن ئۆزەمنى ئۆزەم ئاران تونىيمەن. دىسەم ساڭا ئۇيالما دىمىسەم مەن ئۆلىمەن، ئەيىبىم شۇ ئانىجان مەن خوتۇندىن قورقىمەن. ئىشتىن چۈشۈپ سېنىڭغا سالام بېرەي دىمەيمەن، خوتۇن ئىشتىن كەلگۈچەڭ تاماق ئېتىپ راستلايمەن. بەرمەي ساڭا لوقما ئاش چىنىلەرنى قاتلايمەن، كۆرگىن مانا ھالىمنى مەن يەنىلا ياشايمەن. دىسەم ساڭا ئۇيالما دىمىسەم مەن ئۆلىمەن، ئەيىبىم شۇ ئانىجان مەن خوتۇندىن قورقىمەن. تويغۇنۇڭنى مېنىڭدەك بىرەر قېتىم بىلمەيمەن، كىيىم ئېلىپ بىرەر قۇر ئانام كەيسۇن دىمەيمەن. تاپساق يەيمىز ئىككىمىز ساڭا بېرەي دىمەيمەن، ئېشىپ قالسا ئەپقويۇپ ھەرگىز زايە قىلمايمەن. دىسەم ساڭا ئۇيالما دىمىسەم مەن ئۆلىمەن، ئەيىبىم شۇ ئانىجان مەن خوتۇندىن قورقىمەن. ھېرىپ كەتتى خوتۇن دەپ پۇت-قولىنى سىقىمەن، پاكىس يۈرسۇن خوتۇن دەپ كىيىمىنى يۇيىمەن. جېنىم ئانا كىرىڭنى ئۆزەڭ يۇيسەن بىلىمەن، بىرەر قېتىم ئېلىپ كەل مەن يۇپ بېرەي دىمەيمەن. دىسەم ساڭا ئۇيالما دىمىسەم مەن ئۆلىمەن، ئەيىبىم شۇ ئانىجان مەن خوتۇندىن قورقىمەن. ئېسىل بېزەپ ئۆيۈمنى خانلار كەبى ياتىمەن، قىشتا ئىسسىق،يازدا سوق مەن راھەتتە ئۆتىمەن. ئاپتاپ چۈشمەس زەي ئۆيدە سەن تۈگۈلۈپ ياتىسەن، كاللام بەكلا ئىشلىگەچ تەغدىر بۇ دەپ ئارتىمەن. دىسەم ساڭا ئۇيالما دىمىسەم مەن ئۆلىمەن، ئەيىبىم شۇ ئانىجان مەن خوتۇندىن قورقىمەن. يۆتىلىسەن كېچىچە تۇرماي ئۇخلاپ ياتىمەن، قاشسا ئۇيقۇم ئەگەردە سېنى تىللاپ كېتىمەن. ئىنجىقلىسا خوتۇنۇم شۇنچە سەگەك ياتىمەن، چاچراپ تۇرۇپ ئورنۇمدىن ئىسسىق چايلار تۇتىمەن دىسەم ساڭا ئۇيالما دىمىسەم مەن ئۆلىمەن ئەيىبىم شۇ ئانىجان مەن خوتۇندىن قورقىمەن.¬ ئاغرىپ قالساڭ ئانىجان دورا ئېلىپ بەرمەيمەن، بىلسەڭ ئانا خوتۇنسىز بىر سىنىتمۇ بۇزمايمەن ئاھ-ئاھلىسا خوتۇنۇم ۋاي دوختۇر دەپ يۈگرەيمەن، بالنىستلاردا ياتقۇزۇپ ۋاپادارلىق ئەيلەيمەن. دىسەم ساڭا ئۇيالما دىمىسەم مەن ئۆلىمەن، ئەيىبىم شۇ ئانىجان مەن خوتۇندىن قورقىمەن.
ئۆزەڭ يىمەي يىگۈزۈپ چوڭ قىلدىڭ مەن بىلىمەن، ئويلىغانسەن بىركۈن دەپ راھەتىنى كۆرىمەن، بارلىقىمنى قۇربان قىپ خوتۇن ئۈچۈن بىراق مەن، راھاتىنى ئۆزەمنىڭ ئۆزەم بىلمەي يۈرىمەن. دىسەم ساڭا ئۇيالما دىمىسەم مەن ئۆلىمەن، ئەيىبىم شۇ ئانىجان مەن خوتۇندىن قورقىمەن. ھەسرەت ئاقۇر كۆزۈڭدىن ياشلىرىڭدىن بىلدىممەن، بەلكىم ئوغلۇم ۋاپاسىز دەيدىغانسەن تىلىڭدىن، بىراق ئانا خوتۇنچۈن كېچىمەنغۇ جېنىمدىن، ۋاپاسىزمۇ قېنى مەن راست گەپ قىلغىن دىلىڭدىن. دىسەم ساڭا ئۇيالما دىمىسەم مەن ئۆلىمەن، ئەيىبىم شۇ ئانىجان مەن خوتۇندىن قورقىمەن. كالتە قۇيرۇق تۈلكىدەك ھەييارلىقمۇ بىلىمەن، قۇلغۇڭدىكى زىرەڭنىڭ ئوخشىشىنى تاپتىممەن. يۇپ قوياي دەپ چېچىڭنى ئالماشتۇردۇم پەم بىلەن، بەرسەم ئەمدى خوتۇنغا ئۆتۈر كۈنۈم شات بىلەن. دىسەم ساڭا ئۇيالما دىمىسەم مەن ئۆلىمەن، ئەيىبىم شۇ ئانىجان مەن خوتۇندىن قورقىمەن.
ھېيىتلاردا خوتۇنغا يېڭى كىيىم ئالىمەن، <چىڭ رېن جې>دەپ خوتۇنغا ئەتىر گۈللەر سۇنىمەن. بايرىمى دەپ خوتۇننىڭ سوغا-سالام قىلىمەن، بايرىمىڭدا ئانىجان سەندىن يىراق قاچىمەن. دىسەم ساڭا ئۇيالما دىمىسەم مەن ئۆلىمەن، ئەيىبىم شۇ ئانىجان مەن خوتۇندىن قورقىمەن. قارغىۋەتسەڭ مەيلى دەپ قايتمىدىممەن يولۇمدىن، قارغىش تەگمەي يەنىلا يۈردۈم چۇشمەي پېتىمدىن، ئانا دىگەن ئوغلىنى يامانلىماس دىلىدىن، شۇڭا ئۇنتۇپ سېنىمەن ھېيىقىمەن خوتۇندىن. دىسەم ساڭا ئۇيالما دىمىسەم مەن ئۆلىمەن، ئەيىبىم شۇ ئانىجان مەن خوتۇندىن قورقىمەن. خوتۇن ئۇرسا بەزىلەر ساراڭكەن دەپ ئۆڭىمەن، مەزلۇملارنى ئۇرماسلىق دىندا بارغۇ بىلىمەن. خۇتۇن تۇرۇپ ئانامنى دۈشكەللىسە كۈلىمەن، دىتىڭ بارغۇ خوتۇن دەپ ھەر يېرىگە سۆيىمەن. دىسەم ساڭا ئۇيالما دىمىسەم مەن ئۆلىمەن، ئەيىبىم شۇ ئانىجان مەن خوتۇندىن قورقىمەن. سەھەر ياكى كېچىدە ئەسكى-تۇسكى تېرىيسەن، مەن ۋاپاسىز ئوغلۇڭغا يەنە تىنماي يىغىسەن. بەرسەڭ ئانا ئالىمەن بەرمىسەڭ ھەم پەم بىلەن، ئۆلۈپ كەتمە شۇڭا سەن مەن سېنى بەك سۆيىمەن. دىسەم ساڭا ئۇيالما دىمىسەم مەن ئۆلىمەن، ئەيىبىم شۇ ئانىجان مەن خوتۇندىن قورقىمەن. يىللار ئۆتۈپ بىر كۈنى مەنمۇ سەندەك قېرىيمەن، خارلىغاچقا سېنى مەن سەندىن بەتتەر بولىمەن. ئامال قانچە ئانىجان مەن خوتۇننىڭ قۇلىمەن، بىركۈن چوقۇم پەسلىشىپ ئىت كەبى مەن يۇرىمەن. دىسەم ساڭا ئۇيالما دىمىسەم مەن ئۆلىمەن، ئەيىبىم شۇ ئانىجان مەن خوتۇندىن قورقىمەن.
مەنبە: «باغداش مۇنبىرى» بۇ يازمىنى ئاخىرىدا يۇلۇچى تەھرىرلىگەن. ۋاقتى 2012-8-10 23:43
|