«ئانىلار بايرىمى » ھەققىدە
قەدىمدىن تارتىپ كىشىلەر ئانىسىنى ھۆرمەتلەشنى، ئۇلارنىڭ ئۆزىگە سىڭدۈرگەن ئەجىر -تۆھبىسىگە رەھمەت ئېيتىشنى ئېسىل ئەخلاق،ئادەم بولۇشنىڭ ئۆلچىمى قىلىپ كەلدى.بۇ خىل ئەنئەنە پۈتكۈل ئىنسانىيەتكە ئورتاق بولۇپ دۇنيادىكى ھەر قايسى ئەل ۋە ھەر قايسى مىللەت خەلقلىرى ئارىسىدا ئانىلارنىڭ مىننەتسىز ئەجرىنى قەدىرلەش يۈزىسىدىن خىلمۇ -خىل ئادەت -يوسۇنلار ،بايراملار ۋە خاتىرلەش پائاليەتلىرى بارلىققا كەلدى. جۈملىدىن مىللىتىمىز ئارسىدىمۇ ئانىلارنى ھۆرمەتلەش ،ئۇلارنىڭ ئانىلىق ئەجرىگە رەھمەت ئېيتىش ئادىمىيلىكنىڭ زۆرۆر ئۆلچىمىدۇر .
«ئانىلار بايرىمى »ئامىرىكىدا بارلىققا كەلگەن.1906-يىلى 5-ئاينىڭ 9-كۈنى ئامىرىكىنىڭ مەلۇم بىر شەھىرىدە ئاننا جاۋېس ئىسىملىك بىر قىزنىڭ ئانىسى بەخىتكە قارشى ۋاپات بولغان .قىز ئۇنىڭغا بەكمۇ قايغۇرغان ۋە كېلەركى يىلى ئانىسىنىڭ ۋاپات بولغان كۈنى ئانىسىنى سېغىنىش پائاليىتى ئۇيۇشتۇرغان ،شۇنداقلا بارغانلا يېرىدە ئانىلار بايرىمىنى بارلىققا كەلتۈرۈشنىڭ زۆرۆرلىگىنى تەشەببۇس قىلغان ئۇنىڭ بۇ تەشەببۇسى نۇرغۇنلارنىڭ قىزغىن قوللىشىغا ئېرىشكەن .بۇنىڭ بىلەن 1913-يىلى5-ئاينىڭ 10- كۈنىگە كەلگەندە ئامىرىكا پارلامېنتى ئامىرىكا زوڭتوڭىنىڭ تەستىقلىشى بىلەن ھەر يىلى 5-ئاينىڭ ئىككىنچى يەھشەنبە كۈنىنى «ئانىلار بايرىمى »كۈنى قىلىپ بېكىتكەن .1934-يىلى5-ئايغا كەلگەندە ئامىرىكا ئەڭ دەسلەپ «ئانىلار بايرىمى »خاتىرلەنگەن پوشتا ماركىسى تارقاتقان .بۇ بايرام دۇنيادىكى ھەر قايسى ئەللەرگە تېز ئۇموملاشقان .
مەملىكىتىمىزدە «ئانىلار بايرىمى »ئەڭ دەسلەپ دۆلىتىمىزنىڭ شياڭگاڭ ،تەيۋەن، ئاۋمىن رايونلىرىغا ،ئىسلاھات ئېچىۋېتىشتىن كېيىن دۆلىتىمىزنىڭ ئىچكى رايونلىرىغا ئۇموملاشقان .بۇنىڭ بىلەن بۇ جايلاردىكى ھەر دەرىجىلىك ئاياللار بىرلەشمىلىرى «ئانىلار بايرىمى » كۈنىدە «ياخشى ئانا»نى سايلاشنى بۇ بايرامنىڭ موھىم مەزمونلىرىنىڭ بىرى قىلغان .ئاپتونۇم رايونىمىز تەۋەسىدە جۇملىدىن خەلقىمىز ئارسىدا يېقىنقى يىللاردىن بۇيان ھەر يىلى 5- ئاينىڭ ئىككىنچى يەكشەنبە كۈنىنى «ئانىلار بايرىمى »سۈپىتىدە نىشانلاش ئادەتكە ئايلانماقتا.يۇقۇرقىلاردىن شۇنى چوڭقۇر ھىس قىلىمىزكى ، «ئانىلار بايرىمى » دېمەك - ئانىلارنىڭ پەرزەنتلىرىنى تۇغۇپ چوڭ قىلىپ ،تەربىيلەش جەريانىدىكى جەبىر -جاپاسىغا رەھمەت ئېيتىش ،ھەم ئۇلارغا بولغان چوڭقۇر سۆيۈنۈش ھىسياتىنى ئىپادىلەش دىمەكتۇر.مەلۇمكى ، «ئانىلار بايرىمى »نىڭ پەيدا بولۇپ پۈتۈن دۇنياغا شۇنچە تېز ئۇموملىشىشنىڭ سەۋەبىمۇ ئانىنىڭ ئۆز پەرزەنتىگە بولغان چوڭقۇر مۇھەببىتى ،چىن ھىسياتى ،ۋە ئانىلىق مېھرىنىڭ ھەرقانداق نەرسىدىن ئۇلۇغ ئىكەنلىكىدىندۇر. «ئانىلار بايرىمى » نى قۇتلۇقلاش ۋە ئانىلارنى ئۇلۇغلاشنىڭ ئەھمىيىتى شۇ يەردىكى ،بۇ ئارقىلىق ئاياللارنىڭ جەمىيەتتىكى ئورنىنى ئۆستۈرگىلى ،ئۇلاردا خىزمەت، تۇرمۇش، ئۈگىنىش جەھەتلەردە تېىىمۇ مۇستەھكەم ئىشەنچ تۇرغۇزغىلى بولىدۇ .بولۇپمۇ ئاياللارنىڭ ئىجتىمائى ئورنىنى كەمسىتىدىغان ئۇلارنىڭ ياشاش قىممىتى ۋە جەمىيەتكە بولغان ئەجىر -تۆھبىسىگە سەل قارايدىغان كىشىلەرگە نىسبەتەن تەربىيەۋى ئۈنۈمى زور بولىدۇ، جەمىيەتشۇناسلارنىڭ تەتقىقاتىغا ئاساسلانغاندا ئاياللار ئائىلىنىڭ پۇتكۇل قۇرۇلمىسىدا يادرولۇق رول ئويناپلا قالماي ،پۇتكۇل جەمىيەت تەرەقىياتىدىمۇ غايەت زور رول ئوينايدىكەن تەرەقى تاپقان ئەللەردە پەرزەنتلەرگە بولغان ئانىنىڭ ئۇلۇغلۇقى ھەققىدىكى تەربىيە باشقا تەربىيەلەردىن موھىم ئورۇندا تۇرىدىكەن .ھەتتا ئۇلار ئانا تەربىيىسىنى ھەر قانداق تەربىيىنىڭ ئانىسى ھىساپلايدىكەن .مائارىپشۇناسلارنىڭ تەتقىقاتىغا ئاساسلانغاندا ،ئانىنىڭ بالىغا بولغان تەربىيىسى يەنى بالىنىڭ ھامىلە چېغىدىن تاكى مەكتەپ يېشىغىچە بولغان مەزگىلدىكى تەربىيە ئىنساننىڭ ئادەم بولۇشىدىكى ئەڭ زۆرۆر تەربىيە ھىساپلىنىدىكەن .
بىز بۇنىڭدىن انىلارنىڭ بىزنى بېقىپ چوڭ قىلغان ئەجىر -تۆھبىسىنى ھەرگىز ئۇنتۇپ قالماسلىقىمىز ،ئۇلارنىڭ بىزنىڭ پۇتكۇل ھۇجۇدىمىزغا سىڭدۈرگەن ئانىلىق مېھرىنى قەدىرلىشىمىزنىڭ ئىنتايىن زۆرۆرلۈكىنى چوڭقۇر ھېس قىلىشىمىز ، بىز ئۆز ئانىمىزنىڭ خۇشاللىقىدىمۇ ،قايغۇسىدىمۇ بىللە بولىشىمىز،ئۇلارنىڭ بىزدىن كۈتكەن ئارزۇ- ئارمانلىرىنى ئەمەلگە ئاشۇرۇش ئۈچۈن ئۆزلۈكسىز تىرىشىشىمىز لازىم.سەمىمىزدە بولسۇنكى ئانىنىڭ شاتلىقى ئائىلىنىڭ شاتلىقىدۇر ،مەلۇم مەنىدە مىللەتنىڭ ھەتتا جەمىيىئەتنىڭ شاتلىقىدۇر. | 
[ئۇلانما كۆچۈرۈش]
شۆھرەت
تۆھپە
تىللا
قىزغىنلىق
ۋاقتى: 2012-5-2 14:58:09
ۋاقتى: 2012-5-2 15:11:04
ئىگىسى
ۋاقتى: 2012-5-10 08:45:12