| شىنجاڭدا ئوتتۇرا، باشلانغۇچ مەكتەپ ئوقۇغۇچىلىرىنىڭ تاپشۇرۇق يۈكى يېنىكلىتىلدى
مۇخبىرنىڭ شىنجاڭ ئۇيغۇر ئاپتونوم رايونلۇق مائارىپ نازارىتىدىن ئىگىلىشىچە ، ئوتتۇرا، باشلانغۇچ مەكتەپ ئوقۇغۇچىلىرىنىڭ يۈكىنى يېنىكلىتىش ئۈچۈن ، شىنجاڭدا تۇنجى قېتىم ئوتتۇرا، باشلانغۇچ مەكتەپ ئوقۇغۇچىلىرىنىڭ ئوخشىمىغان يىللىقلىرىنىڭ تاپشۇرۇق مىقدارى ئايدۇڭلاشتۇرۇلغان . بەلگىلىمىنىڭ ھەقىقىي تۈردە ئەمەلىيلىشىشىگە كاپالەتلىك قىلىش ئۈچۈن ، شىنجاڭدا ئوقۇغۇچىلارنىڭ تاپشۇرۇق مىقدارىنى ئارىلاپ تەكشۈرۈش ۋە نازارەت قىلىش مېخانىزمى ئورنىتىلىدىكەن .
ئاپتونوم رايونلۇق مائارىپ نازارىتى ئوتتۇرىغا قويغان ‹‹شىنجاڭ ئۇيغۇر ئاپتونوم رايونىنىڭ ئوتتۇرا ، باشلانغۇچ مەكتەپ ئوقۇتۇشىنى دائىمىي باشقۇرۇش ئاساسىي تەلىپى (سىناق نۇسخىسى)›› دە تاپشۇرۇق ئورۇنلاشتۇرۇش ۋە تەكشۈرۈش جەھەتتە ، كۈندىلىك تاپشۇرۇقنىڭ مىقدارى ۋە تاپشۇرۇق ئىشلەشكە كېتىدىغان ئوتتۇرچە ۋاقىتقا قاتتىق ئۆلچەم بېكىتىلگەن ، باشلانغۇچ مەكتەپ 1-، 2-يىللىق ئوقۇغۇچىلىرىغا يېزىقچە ئائىلە تاپشۇرۇقى بەرمەسلىك ، باشقا يىللىقتىكى ئوقۇغۇچىلارنىڭ كۈندىلىك يېزىقچە تاپشۇرۇق ئىشلەشكە كېتىدىغان ۋاقتى بىر سائەتتىن ئېشىپ كەتمەسلىك ، تولۇقسىز ئوتتۇرا مەكتەپ ئوقۇغۇچىلىرىنىڭ كۈندىلىك يېزىقچە تاپشۇرۇق ئىشلەشكە كېتىدىغان ۋاقتى بىر يېرىم سائەتتىن ئېشىپ كەتمەسلىك ، تولۇق ئوتتۇرا مەكتەپ ئوقۇغۇچىلىرىنىڭ كۈندىلىك يېزىقچە تاپشۇرۇق ئىشلەشكە كېتىدىغان ۋاقتى ئىككى سائەتتىن ئېشىپ كەتمەسلىك بەلگىلەنگەن . مۇزىكا، گۈزەل-سەنئەت، تەنتەربىيە پەنلىرىدە ئەمەلىي مەشغۇلاتقا ئېتىبار بېرىپ ، پىرىنسىپ جەھەتتە دەرسلىكتىن سىرت يېزىقچە تاپشۇرۇق بەرمەسلىك بېكىتىلگەن .
ئۇنىڭدىن باشقا يەنە مەجبۇرىي مائارىپ باسقۇچىدىكى ئوقۇغۇچىلارنىڭ ئوقۇش نەتىجىسىنى دەرىجە شەكلى ئارقىلىق ئىپادىلەشكە بولىدىغانلىقى، ئوقۇغۇچىلارنىڭ نەتىجىسىنى رەتكە تۇرغۇزۇپ ئېلان قىلىشقا بولمايدىغانلىقى بەلگىلەنگەن .
|
|
شۆھرەت
تۆھپە
تىللا
قىزغىنلىق
ۋاقتى: 2015-12-14 21:39:45
ئىگىسى
