كېتەرمەن

داشقال

كېتەرمەن

مېنى كەلدى دېگەنلەر
سوۋغا قىلدى بىر بۈيۈك ئىسىم .
سىزەرمەن ئەركىنلىك كەبى
چاقىرىلغاندا ئىسمىم ھەر قىتىم .

مېنى مەندەك ياراتقۇچى
ھەممىنى بىلىدۇ .
دادامنىڭ ئاق چاچلىرىنى
ئانامنىڭ مىھىر ئوكيانلىرىنى ھەم
ماڭا ئوخشىتىپ سىزىدۇ .

مەن بىر زىمىن بولىشىم مۇمكىن
قەلىب چوڭقۇرلىقىدىكى خىياللارغا .
بەلكىم دىڭىز بولارمەن
پىلتىڭلاۋاتقان بىلىجانلارغا .
بولارمەن ئاسمان ياكى ئاي
ئەركىنلىك ئىزدەۋاتقان نىشانلارغا ...

كېلىش يېزىلغان كىتاپتەك
كېتىشمۇ يېزىلغان ئاخىرقى قۇرلارغا .
كېتەرمەن ئۆزۈمدەك ياكى بىر كىمدەك
كۆمۈپ مېنى ئەركىلەتكەن يۈرەكلەرنى
مارجاندەك گۈل ياكى پىراقلارغا ...

مېنى كەتتى دەڭلار
سورىغان تاڭلارنىڭ ئاۋازىغا .
سىڭەرمەن بۇلۇت بولۇپ
تۆكۈلگەن يامغۇرنىڭ دەرگاھىغا ...