ئوقۇغۇچىلاردا قول كۆتۈرۈپ پىكىر قىلىش ئادىتىنى يېتىلدۈرۈش كېرەك

kichikoghul

ئوقۇغۇچىلاردا قول كۆتۈرۈپ پىكىر قىلىش
ئادىتىنى يېتىلدۈرۈش كېرەك

قارايدىغان بولساق،يىغىنلاردا،رەھبەرلىك پىكىر ئالغان ۋاقىتلاردا  ئارىمىزدىكى نۇرغۇن كىشىلىرىمىز ئۆزىنىڭ كۆڭلىدە ئويلاپ قويغان كۆپلىگەن ئىسىل تەكلىپ-پىكىر،لاھىيە- كۆزقاراشلىرى  بولسىمۇ ئۇنى يۈرەكلىك ھالدا ئوتتۇرغا قويالمايدۇ.ئەمما،بىرەرسى ئوتتۇرغا قويۇپ قالسا ھەممە تەڭلا  ئاۋاز قوشۇپ چۇۋۇرلىشىپ كېتىدۇ.شۇنىڭ بىلەن رەھبەرلىك «ھەممىڭلار تەڭلا  سۆزلىسەڭلار،مەن قانداق ئۇقىمەن،بىرسىڭلار ئورنىڭلاردىن تۇرۇپ سۆزلەڭلار»دېسە سۆزلەيدىغان بىرمۇ ئادەم چىقمايدۇ.مانا بۇ   ئەھۋالنى ئاشۇ  كىشلىرىمىزنىڭ  ئوقۇغۇچىلىق ھاياتىدا دەرسخانىدا  شەكىللەندۈرگەن ئادىتى دېمەي ئامالىمىز يوق.
بىز بۈگۈنكى يېڭى دەرس ئوقۇتۇش ئىدىيسى بويىچە ئوقۇتۇش ئېلىپ بېرىشتا مەيلى ئوقۇتقۇچى  مەخسۇس لايھىلىگەن سۇئاللار بولسۇن،مەيلى  دەرسخانىدا ئوقۇغۇچىلار تەرىپىدىن ئوتتۇرغا  قويۇلغان مەسلىلەر بولسۇن،چوقۇم باشلانغۇچ مەكتەپنىڭ  تۆۋەن يىللىقىدىن باشلاپلا ئىزچىل ھالدا ئوقۇغۇچىلارنىڭ تەڭلا ئاۋازدا خور توۋلىغاندەك ئوپچە جاۋاب بېرىدىغان ياكى ئوپچە مەسلە ئوتتۇرغا  قويىدىغان ناتوغرا ئادىتىنى تۈزتىشىگە ياردەم بېرىشىمىز،ھەر ۋاقىت  ئوقۇغۇچىلاردا بىر قولىنى نورمال كۆتۈرۈپ ئوقۇتقۇچىنىڭ روخسىتىنى ئالغاندىن كېيىن بىر ئوقۇغۇچىدىن كېيىن يەنە  بىر ئوقۇغۇچى ئورنىدىن تۇرۇپ پىكىر قىلىدىغان ياخشى ئادەتىنى ھەقىقىي يىتىلدۈرشىمىز كېرەك. ئاشۇ سىنىپنى كۆتۈرۋەتكۈدەك يوقىرى ئاۋازدا جاۋاپ بېرىۋاتقان ئوقۇغۇچىلارنىڭ بىرەرسىدىن ئايرىم سۇئال ئەمەس،بىرەر ئېغىز  گەپ سوراپ باقسىاق،  ئۇنىڭ ئېغىزىدىن سۆز چىقىپ  بولغىچە كۆزىدىن ياش چىققىلى تەييار تۇرغانلىقىنى كۆرىمىز. بۇ  بىزنىڭ  بۇ ئوقۇغۇچىدا ئۆز ئالدىغا مۇستەقىل پىكىر قىلىش(سۆزلەش)ئادىتىنى يىتىلدۈرمىگەنلىكىمىزنىڭ  نەتىنجىسى. شۇڭا ئوقۇغۇچىلىرىمز خەلپىتىم نېمە دېسە،تەڭلا شۇنى دەيدىغان تالىبلارغا ئوخشاپ قالماسلىقى كېرەك.
ئوقۇغۇچىلاردا كىچىكىدىن باشلاپ قول كۆتۈرۈپ پىكىر  بايان قىلىش ئادىتىنى يتىلدۈرۈش بىرىنچىدىن،ئوقۇغۇچىلاردا ئۆز ئالدىغا مۇستەقىل پىكىر قىلىش،مۇستەقىل قول سېلىپ ئىشلەش ۋە ئىجاتچانلىق ئىقتىدارىنى يېتىلدۈرۈشكە پايدىلىق.
ئىككىنچىدىن،ئوقۇغۇچىلاردا ئۆزىگە بولغان ئىشەنچ تۇرغۇزۇشقا،جۈرئەت ۋە قورقۇمسىزلىق روھىنى يىتىلدۈرۈشكە پايدىلىق.
ئۈچۈنچىدىن،ئوقۇغۇچىلاردا كىچىكىدىن باشلاپ سەمىمىي بولۇش،مەدەنىيەتلىك،تەرتىپ–ئىنتىزامغا ئاڭلىق رىئايە قىلىش ئادىتىنى يىتىلدۈرۈشكە پايدىلىق.
تۆتىنچىدىن،ئوقۇغۇچىلارنى كىچىكىدىن باشلاپ مۇستەقىل قاراشقا،مۇستەقىل ئىدىيىگە ئىگە،ئەقىدە-ئېتىقادلىق،غايىلىك،بايرىقى روشەن،مەيدانى مۇستەھكەم بولغان سوتسىيالىزم قۇرغۇچىلىرىدىن قىلىپ  يىتىشتۈرۈپ چىقىشقا پايدىلىق.
مەنبە: ئۆزۈم