ئاق نان

خۇشال2015

ئاق نان
مۇھەممەتجان راشىدىن

ئاق نان ئۇلۇغ ، ئاق نان مۇقەددەس ،
تىرىكلىكىنىڭ ئاق نان تۈۋرىكى .
بۇغدىيىغا شۇڭا دېھقاننىڭ
قايدا يەتسۇن باغۋەن كۆۋرۈكى ؟

گادايلىق يوق ئاق نان بار يەردە ،
ئەمىنلىك بار ئاق نان بار يەردە .
لېكىن ، دوستۇم ، بولىدۇ تەييار
بىر چىمدىم ئۇن ئالەمچە تەردە .

ئېتىزلارنى ئەزىزلەڭ ، دوستۇم ،
ناننى سۆيۈڭ ، ئاق نانى سۆيۈڭ .
ئاق نان پىشقان تونۇرلار ئۇلۇغ ،
ئانىلار ، دېھقاننى سۆيۈڭ !
2000-يىلى 2-ئاينىڭ 28-كۈنى

ئىلتەرش

بۇ شېئىرنى كۆرۈپ ئاتاقلىق شائىرىمىز ئابلىكىم ھەسەننىڭ‹‹جاپاكەش ئانام››دېگەن شېرى ئېسىمگە كېلىپ قالدى.
نان دىگەننى تۇنۇرسىز
پىشۇرغىلى بولمامدۇ؟
نان دېگەننى ئوتۇنسىز
پىشۇرغىلى بولمامدۇ؟
نانمۇ كۆيسە ئاناممۇ
كۆيىدىكەن ئەمەسمۇ!
كىرپىگىڭىز كۆيۈپتۇ
چاچلىتىڭىز كۆيۈپتۇ
خۇددى نانمۇ كۆيگەندەك.
نان يىمەك ئاسان بولغىنى بىلەن نۇرغۇن مۇشەقەتلەر ئارقىلىق ئاغزىمىزغا تېگىدۇ.شۇڭا ناننى ئۇلۇغلاش ناھايىتى ئاقىلانىلىك.بەك تەسىرلەندىم .رەھمەت سىزگە قولىگىزگە دەرت كەلمىسۇن.