خۇراپات
مۇھەممەتجان راشىدىن
بوزەك ئىزدەپ جاھاندىن ، بىزنى تاپقان خۇراپات ،
تالاي ئەلدە شاللىنىپ، بىزگە ياققان خۇراپات .
نادانلىقنىڭ تونىنى بىزگە ياپقان خۇراپات ،
گادايلىقنىڭ ئۇرۇقىنى بىزگە چاچقان خۇراپات ،
بەخت ! دېسەك بېرەلمەي بەدەر قاچقان خۇراپات .
تۇرسا بىزگە بۇ ئالەم تۆت-بەش كۈنلۈك قونالغۇ ،
ياسالمىساق بىر لامپا ياكى دەزمال ، ئۈنئالغۇ .
قاششاقلىقتا كۈن ئۆتسە ، خەلقىمىزگە ئۇۋالغۇ ؟
مارسلارغا ئۇچقانلار سالدى ئايغا تۇرالغۇ ،
پۇتىمىزغا ئەزەلدىن پالتا چاپقان خۇراپات .
قاششاقلىقتا قالمامدۇق ،بىز ئۇنىڭدىن قاچمىساق ،
ئەۋلادلارغا ئىلىم-پەن نۇرلىرىنى چاچمىساق؟
نەدە بىزگە باي بولۇش ، پەنگە ئىشىك ئاچمىساق ،
ئۆزى ئەسلا يوقالماس ، ئۆزىمىزنى تارتمىساق ،
بىزنى ئالداپ بويۇنغا تۇمار ئاسقان خۇراپات | 
شۆھرەت
تۆھپە
تىللا
قىزغىنلىق
ۋاقتى: 2015-11-16 22:25:19
