نەۋرۇز بايرىمى ھەققىدە تەبرىك سۆزى

نونى

تەبرىك سۆزى
(مەمتىمىن ياسىن)

ئەسسالامۇ ئەلەيكۇم ھۆرمەتلىك نەۋرۇز ئەھلى !
نەۋرۇز بايرىمىنى تەبرىكلەش مۇناسىۋىتى بىلەن بۈگۈن بىز بۇ يەرگە جەم بولۇپ ئولتۇرۇپتىمىز.مۇشۇ مۇناسىۋەت بىلەن مەن ھەممىڭلارنىڭ بۇ خاسىيەتلىك بايرىمىنى قىزغىن قۇتلۇقلايمەن! ھەممىڭلارغا بەخت-ئامەت يار بولسۇن!
نەۋرۇز بايرىمى ئۇيغۇرلارنىڭ،شۇنداقلا تۈرك تىلىدا سۆزلىشىدىغان بارلىق مىللەتلەرنىڭ ئۇزاق تارىخىي تەرەققىياتلار جەريانىدا مەدەنىيەت يارىتىش ۋە مەدەنىيەت قوبۇل قىلىش ئاساسىدا شەكىللەندۈرگەن، شۇنداقلا ئەجدادتىن ئەۋلادقا داۋاملاشتۇرۇپ كېلىۋاتقان ئاممىۋى ئاساسى كۈچلۈك، قەدىمىيلىككە ۋە ئومۇمىيلىققا ئېگە،دىندىن خالىي، ئەنئەنىۋى بايراملىرىنىڭ بىرىدۇر.
نەۋرۇز پائالىيىتى ئارقىلىق قىش–زىمىستاننى قوغلاش، ئاسايىشلىق يېڭى باھارنى كۈتىۋېلىش، يېڭى يىلنىڭ يېڭىچە خۇشاللىق ئەكېلىشىنى تىلەش،يېشىللىققا پۈركەنگەن تەبىئەتنى كۈيلەش، كىشىلەرنى ئىلىم–مەرىپەتكە ئۈندەش، ئىتتىپاقلىق ۋە ئىناقلىقنى تەشەببۇس قىلىش، ساخاۋەتلىك ۋە دىيانەتلىك بولۇش قاتارلىق ئىلغار ئىجتىمائىي مەزمۇنلار ئەكس ئەتتۈرۈلىدۇ. شۇڭا، ئۇ تەبىئەت بايرىمى، مول ھوسۇل بايرىمى، ئەمگەك بايرىمى، ئىناقلىق–ئۇيۇشۇش بايرىمى، ھۈنەر–كەسىپ بايرىمى، تەنتەربىيە بايرىمى،شادلىق بايرىمى،كۆرەك قىلىش بايرىمى، ئەدەبىيات–سەنئەت بايرىمى، مىللىي خاسلىقنى كۆرسىتىش بايرىمىدۇر. ئەلنىڭ تۈرلۈك ھۈنەر–كەسىپ، تېخنىكىلىرىنى نامايىش قىلىدىغان، ئۆگىتىدىغان، ھەر تەرەپلىمە ئىقتىدار يېتىلدۈرىدىغان، ئېچىۋېتىلگەن، خەلق مەكتىپىدۇر.
نەۋرۇز بايرىمى تۆۋەندىكى تەرتىپ بويىچە ئۆتكۈزىلىدۇ:
1.ناغرا-سۇنايلار چېلىنىپ،شەھەر-يېزىلار بايرام كەيپىياتىغا كىرگۈزۈلىدۇ.2.كىشىلەر شەخسىي تازىلىق ۋە مۇھىت تازىلىقى قىلىدۇ.3.سوغۇق قوغلاش،ئىللىق ئاپتاپ-باھارنى كۈتۈۋېلىش پائالىيەتلىرى ئېلىپ بېرىلىدۇ.4.كىشىلەر بىر- بىرىنى يوقلىشىدۇ.5.نەۋرۇز ئېشى ئېتىلىدۇ.6.نەۋرۇز سەيلىسى ئۆتكۈزۈلىدۇ.7.تۈرلۈك تەنتەربىيە پائالىيەتلىرى ئۆتكۈزىلىدۇ.8.يۇرت-يۇرتلاردا نەۋرۇز مەشرىپى بولىدۇ.9.كىشىلەر ئارا ياخشى تىلەكلەر تىلىنىپ،مېھرىبانلىق تەرغىپ قىلىنىدۇ.
2004-يىلى ۋىلايەتلىك پارتىكوم «ھەر مىللەت خەلقىنى تەشكىللەپ،نەۋرۇزنى ئورتاق تەبرىكلەشنى يولغا قويۇش پىكرى»(2004-يىل 1-نۇمۇرلۇق ھۆججەت)نى تارقاتتى ھەمدە مەخسۇس نەۋرۇز بايرىمىغا رەھبەرلىك قىلىش گورۇپپىسى تەسىس قىلىپ، ھەر يىلى 3-ئاينىڭ 21-كۈنىدىن باشلاپ 3-ئاينىڭ 25-كۈنىگىچە بايرام قىلىشنى بېكىتتى.
ھۆرمەتلىك نەۋرۇز ئەھلى !
بىز بۇ بايرامنىڭ قوبۇل قىلىشچانلىقى،دىندىن خالىيلىقى ۋە رەڭگا-رەڭلىكىدىن پايدىلىنىپ،زامانىۋىي مەدەنىيەتنى يېتەكچى قىلغان ئاساستا ئۆرپ-ئادەتلىرىمىزگە ئىلمىي ۋارىسلىق قىلىپ،دىن ئەسەبىيلىكىگە ئۈنۈملۈك قارشى تۇرۇپ،يېڭىسارنىڭ مۇقۇملۇقىنى قوغداش يولىدا باتۇرلارچە كۈرەش قىلايلى !
كۆپچىلىككە رەھمەت !

توققۇزبۇلاق

ياخشى يېزىلغان سوزكە ئەجرىڭىزگە كوپ رەخممەت

مىرابلا

كىچىكىپ بولسىمۇ شۇ «نۇرۇز بايرىمى » ڭىزغا مۇبارەك بولسۇن.