دۈشەنبىلىك يۇمۇرلار
بىر بالا دايىم دانىخورەكنى سىقىدىكەن .ئانىسى ئۇنىڭغا كايىپتۇ :
_سىقما ،سىقىۋەرسەڭ داغ بولۇپ قالىدۇ .
كەچتە بۇ بالا ئايغا قاراپ ئۇھ تارتىپتۇ :
_ئاي بىچارىمۇ دانىخورەكنى سىقىپتىكەن_دە !
***********
دادىسى بازاردىن سېتىۋالغان بىر ئويۇنچۇقنى ئۈيىگە ئەكىلىپتۇ_دە ،بەش بالىسىنى
چاقىرىپ مۇنداق دەپتۇ:
_كىم ئانىسىنىڭ گېپىنى بەك ئاڭلايدۇ،ئانىسى بىلەن تاكاللاشمايدۇ ،ئانىسى تاپشۇرغان ئىشنى
ياخشى قىلىدۇ ؟شۇ بالا بۇ ئويۇنچۇقنى ئوينىيالايدۇ .بەش بالا بىردەم جىم-جىتلىققا چۆككەندىن
كېيىن ھەممىسى تەڭلا بىر ئېغىزدىن :
_دادا بۇ ئويۇنچۇقنى سىز ئوينىسىڭىز بولغۇدەك ،_دەپتۇ .
*********
ئىككى بالا باققۇچى ئۆز خوجايىنلىرى توغرىسىدا مۇڭدىشىپ قاپتۇ .
بالا باققۇچى ئا : _مەن تۇرۇۋاتقان ئۆيدىكى خانىم بەك ياخشى، مۇئامىلىسىمۇ ئوبدان ،بىراق
ئەپەندىم بەك ئەسكى.
بالا باققۇچى ب : ئۇ قانداق ئەسكى ؟
بالا باققۇچى ئا : دائىم ئاچچىقلايدۇ ،ھە دىسىلا مىنى تىللايدۇ .
بالا باققۇچى ب: ئۇنداقتا، سەن قىينىلىپ قاپسەن _دە !
بالا باققۇچى ئا : مەنمۇ بوش كەلمەيمەن ،ئۇنىڭغا شورپا ئەكىرىدىغان چاغدا
قاچىسىغا تۈكۈرۈپ قويىمەن ،يەنە تېخى يۈز لۇڭگىسىگە شىلىم سۈرۈپ قويىمەن .
*********
ئاتا -بالا مال بازىرىغا بېرىپتۇ .
بالا : دادا ،چوڭلار نىمىشقا قوينىڭ دۈمبىسىگە شاپىلاقلاپ ،قۇيرىقىنى تۇتۇپ باقىدۇ ؟
ئاتا : ئۇلار سېتىۋالىدىغان قوينىڭ سىمىز -ئۇرۇقلىقىنى بىلىپ بېقىش ئۈچۈن شۇنداق قىلىدۇ .
بىر نەچچە كۈندىن كىيىن بالا ھاسىراپ -ھۆمىدىگىنىچە دادىسىنىڭ يېنىغا يۈگرەپ بېرىپتۇ-دە _
_چاتاق بولدى ،دادا ،پوچتالىيون ئاكاش ئاچامنى سېتىۋالىدىغان ئوخشايدۇ ،ئۇ ئاچامنىڭ
ئۇرۇق -سىمىز لىكىنى بىلىپ بېقىۋاتىدۇ .
***********
بىر ھورۇن قىز زادىلا يۇيۇنمايدىكەن ،كىيىملىرىنىمۇ يۆتكىمەيدىكەن ،بىر كۈنى ئاپىسى مىھمان
چاقىرىپتۇ ۋە قىزىغا :
_قىزىم ،يۈز -كۆزلىرىڭنى پاكىزراق يۇغىن ،كىيىملىرىڭنى ئالماشتۇر ،_دەپتۇ .قىزى :
_ئاپا ،مىھمانلار كەلمەي قالسا مىنىڭ يۇيۇنۇپ ،كىيىنىشلىرىم بىكارغا كەتمەمدۇ ؟_دەپتۇ .
************
دوختۇر : _ساڭا ئالدىنقى قېتىم يېزىپ بەرگەن دورا قانداقراقكەن ،پايدىسى بولدىمۇ ؟
ئاغرىق : _بەك ياخشى ئىكەن ،تاغام مىنىڭ شۇ دورامنى خاتا ئىچىۋېلىپ ،ئۇزۇن ئۆتمەيلا
ئۆلۈپ كەتتى .ھازىر مەن ئۇنىڭ مال -دۇنياسىنىڭ ۋارىسى بولۇپ قالدىم .
***********
تالىپ : ئايالىڭىز قانداق چاغدا ئاز سۆزلەيدۇ ؟
ئۆمەر : 2-ئايدا .
تالىپ : نېمىشقا ؟
ئۆمەر : 2- ئاي 28 كۈنلۈك ئەمەسمۇ .
***********
ئا : دوختۇرنىڭ دېشىچە ،ئۇرۇقلاشنىڭ ئەڭ ياخشى ئۇسۇلى سۇ ئۈزۈش ئىكەن .
ب: بۇ گەپكە تازا ئىشەنگىلى بولمايدۇ ،كۈن بۇيى سۇدا ياشايدىغان كىتلارنىڭ
بىرسىمۇ ئۇرۇق ئەمەسقۇ ؟!
***********
مەلۇم شېركەتنىڭ لىدىرى ياش خىزمەتچىلەرنى كۈتۈۋېلىش يىغىنىدا :
_توي قىلمىغان قىزلىرىم بار ،ئۇلارنى ياتلىق قىلغاندا بىر ئۆلۈشتىن تويلۇق سوۋغا بىرىمەن .
30 ياشلىق قىزىمغا 10 مىڭ يىۆەن ،35 ياشلىق قىزىمغا 50 مىڭ يىۈەن ،40 ياشلىق قىزىمغا
100 مىڭ يىۈەن ،بېرىمەن .ئۇلار بىلەن توي قىلغان يىگىت ھەرگىز زىيان تارتمايدۇ ،_دەپتۇ .
بۇ چاغدا بىر خىزمەتچى ئورنىدىن تۇرۇپ :
_لىدىر ،50 ياشلىق قىزىڭىز بارمۇ ؟_دەپ سوراپتۇ .
***********
زىراپە مايمۇنغا ياتلىق بوبتۇ . بىر يىلدىن كىيىن زىراپە ئاجرىشىشنى تەلەپ قىلىپ مايمۇنغا :
_ئېگىز -پەس سەكرەپ يۈرۈشۈڭنى ئەمدى كۆرگۈم يوق ! _دەپتۇ .مايمۇنمۇ كۆڭلىدىكىنى
دەپتۇ :
_ئاجراشساق ئاجىرىشايلى ،سۆيۈشۈش ئۈچۈن دەرەخكە چىقىۋىرىپ ئەمدى ھاردىم ،_دەپتۇ .
**********
بىر كۈنى بىر دېھقان ئېشىكىنى يېتىلەپ شەھەرگە كىرىپتۇ ،بىرۆيلەن دېھقاننى ئەخمەق قىلىش
ئۈچۈن :
_تاماق يىدىلىمۇ ؟_دەپ سوراپتۇ . دېھقان :
_ يىدىم ،_دەپ جاۋاپ بىرىپتۇ .
_ سىلىدىن سورىمىدىم ،ئېشەكتىن سوراۋاتىمەن ،_دەپتۇ ھېلىقى .ئادەم .
دېھقان ئېشىكىنى قامچىلاپ :
_شەھەردە تۇققىنىڭ بارلىقىنى نىمىشقا ماڭا دىمىدىڭ ؟_دەپتۇ .
***********
يىگىت : سىز مىنىڭ قوياشىم ،يۇلتۇزۇم ...........
قىز : ماڭا مۇھەببەت ئىزھار قىلىۋاتامسىز ياكى ئاستورونومىيەدىن دەرس بىرىۋاتامسىز ؟
************
ئوغلى : ئاپا ،كۇپتىكى سۈتنىڭ ئىچىدە چاشقان تۇرىدۇ .
ئاپىسى : ئېلىپ تاشلىۋەتكەنسەن ؟
ئوغلى : ياق ،مۈشۈكنى سېلىپ قويدۇم .
مەنبەسى : مىسرانىم مۇنبىرى | 
[ئۇلانما كۆچۈرۈش]
شۆھرەت
تۆھپە
تىللا
قىزغىنلىق
ۋاقتى: 2015-1-18 18:21:10
