ھايات

مەرىپەت

                                         ھايات

                                      ئابدۇرېھىم ئابدۇۋەلى

        
                                
                               تېپىۋالسام خىلۋەت بىر جاينى،
                               ئەڭ سەمىمىي يىغلىۋالغۇم بار.
                               مەست بوپ كەتسە پۈتكۈل كائىنات،
                               زىمىستاندىن ئىزلەيمەن باھار.

      

                             ئەڭ سەمىمىي يىغلىۋالغۇم بار،
                             قان رەڭگىنى ئالغاندا تۇرمۇش.
                             چىن دىلىڭدىن سۆيمەك بەك قىيىن،
                             ئۇندىنمۇ تەس ئۇنى ئۇنۇتۇش.

      

                            مەست بوپ كەتسە پۈتكۈل كائىنات،
                            كىرىۋالسام قەبرەمگە يېنىپ،
                            مونكىر-نەكىر كىلىپ بولغىچە،
                            يىغلىۋالسام يەنە بىر قېنىپ.

         

                            زىمىستاندىن ئىزلەيمەن باھار،
                            گۈل تېرىدىم گۈلنى ئۈزگەندە.
                            ھايات دىگەن ئۆزى بىر سىناق،
                            ياش تۆكىسەن قەدرى يەتكەندە...


                               ئاقسۇ.  2010 -يىل 7-نۇيابىر

      

چەكسىز

بەك ياخشى شېئىركەن داۋاملىق يوللاپ تۇرۇڭ
来自: Android客户端

سىرداش

بەك ياخشى شېئىركەن

pari

ياخشى يېزىلغان شېئىر بىلەن دىدارلاشتۇرغىنىڭىغا كۆپ رەھمەت دوستۇم .
شېئىرنىڭ يېزىلىش ئالاھىدىلىكىمۇ ئالاھىدە ئىكەن ئەمەسمۇ . رەھمەت ، بۇ خىل شېئىر يېزىش ئۇسولىنىمۇ بىلۋالدىم .

زەھرا

شۇنداق ،ھايات ۋاقتىمىزدا ساغلام تېنىمىزنىڭ ،گۈزەل تۇرمۇشنىڭ قەدىرىگە يېتىشىمىز لازىم.