دوپپام بار

سىرداش

دوپپام بار
(5-ئاينىڭ 5- كۈنىدىكى دوپپا  مەدىنىيەت بايرىمىغا بېغىشلايمەن)
سىرداش

نەقىشلىرى جۇلالىق، زەيتۇن گۈللۈك دوپپام بار،
ئۈنچى-مارجان تۇتۇلغان  مەرۋايىتتەك دوپپام بار،
قوش يۈرەكتەك  نۇرلانغان  بادام گۈللۈك دوپپام بار،
گۇلزار كەبى يالتىرغان چىمەن گۈللۈك دوپپام بار،
كەيسەم «ئاۋۇ ئۇيغۇركەن»دىگۈزگۈدەك دوپپام بار.



‹‹ئۇيغۇر » بولۇپ تۇنۇلدۇم ئۇسۇل بىلەن نەغمىدە،
ھەممەماڭا كۆز تىكشتى خۇش-تەبەسسۇم چېھرىدە،
قىزغىن چاۋاك چېلىشىپ،تەڭ ئويناشتى بەزمىدە،
ئەمما بەلگەم بۇلا ئەمەس،ساقلاپ قويغان غەزنىدە،
«ئۇيغۇر»لىقىم روشەنلىكى، بىر چىرايلىق دوپپام بار.

كىيىپ باققىن  ئەي دوستۇم، مىللىتىڭنىڭ تاجىنى،
ئەگەشتۈرگىن كەينىڭدە، دوپپا كەيگەن خانىشنى
ئۈگەتكىن سەن ئوغلىڭغا بۇ ئەقىدە -خاھىشنى
قاراپ باقساڭ قىزىڭغا،  كۈرۈسەن سەن  پەرىنى
ھەممىمىزگە يارىشىملىق   زەپ چىرايلىق دوپپام بار.

دوپپىمىزنى كەيمىسەك، كىيگۈزمەيدۇ باشقىسى،
قىياپەتلەر دۇرۇس بولسا ،غايە ئىشقا ئاشقۇسى،
ئەۋلاتلارغا  بولالىساق ئۆلگىدارلىق ياخشىسى،
مىللىتىمىز ئەنئەنىسى مەڭگۈ داۋام ئەتكۈسى،
قېنى سەنمۇ سىناپ باققىن ، ساڭا سوۋغا دوپپام بار.

2013-يىلى5-ئاينىڭ 2-كۈنى

ئامان

بەك ياخشى يېزىپسىز، قولىڭىزغا دەرت كەلمىسۇن دوستۇم.

مۇزاتى

بۇ شېئىر (مۇخەممەس) ياخشى يېزىلىپتۇ، مۇخەممەسنىڭ تەلىپىگە يەنىمۇ ئۇيغۇن بولىشى ئۈچۈن 2-كۇبلىتنى 1-كۇبلىتنىڭ ئورنىغا قويساق ئەڭ مۇۋاپىق بولغۇدەك دەپ قارىدىم........

قاراقۇرۇم

ناھايتى ياخشى يېزىپسىز،

گۈلزار

سىرداش ئەپەندىم سىزنىڭ تېمىلىرىڭىز بىلەن  ئىىنكاسلىرىڭىزنى كۆرمىگىلى ئۇزۇن بولغان ئىدى . بۇ دوپپا بايرىمى سىزنى مۇنبەرگە باشلاپ كەلدىمۇ نىمە ؟ قارىغاندا كۈندە بايرام بولسا بولغىدەك . شۇندىلا سىزنىمۇ ھەم تېما ئىنكاسلىرىڭىزنىمۇ كۆرگىلى بولىدىغان ئوخشايدۇ .  
مۇنبەرداشلار سىزنىڭ نادىر تېمىلىرىڭىز بىلەن تېتىملىق ئىنكاسلىرىڭىزنى سېغىندى . ۋاقتىڭىزنىڭ يەتكىنىچە مۇنبەرگە كېلىپ تۇرغايسىز .
بۇ شىئېرنىمۇ شۇنداق ياخشى يېزىپسىز . رەھمەت .

pari

ياخشىمۇ سىز سىرداش ئەپەندىم ؟ ئۇيغۇر مىللىتىمىزنىڭ ئەنئەنىۋى بايراملىرىنى سەمىمىزگە سالغىنىڭىزغا كۆپ رەھمەت .
شۇنداق ياخشى يېزىپسىز بۇ شېئىرنى قولىڭىزغا دەرت كەلمىسۇن ، داۋاملىق يېزىپ تۇرغايسىز !!

ئىلغار

شۇنداق ياخشى يېزىپسىز بۇ شېئىرنى قولىڭىزغا دەرت كەلمىسۇن ، داۋاملىق يېزىپ تۇرغايسىز !!

سىرداش

مۇزاتى يوللىغان ۋاقتى  2013-5-2 02:05
بۇ شېئىر (مۇخەممەس) ياخشى يېزىلىپتۇ، مۇخەممەسنىڭ تەلى ...

رەھمەت سىزگە،  مەن ھازىرلا  ئۆزگەرتەي.

tursunjan

بايرام مۇبارەك

سىرداش

گۈلزار يوللىغان ۋاقتى  2013-5-2 14:32
سىرداش ئەپەندىم سىزنىڭ تېمىلىرىڭىز بىلەن  ئىىنكاسلىرى ...

ياخشىمۇ سىز  گۇلزار خانىم!
مىنىڭ بۇ بايقاشقا بولغان مىھرىم بەكمۇ چوڭقۇر، ھەركۈنى   ، ھەر سائەتتە كۈرۈپ تۇرسام دەپ ئويلايمەن، ۋاقىت دىگەننى   لەڭمەن پىلتىسىدەك سوزغىلى  بولسىدى ...................  مەن بەكمۇ خىجالەتتە ئىكەنلىكىمنىلا  ئىپادىيەلەيمەن............ مۇنبەرداشلىرىمنىڭ كەچۈرۈشىنى سۇرايمەن!