ئوماقلىرىمىزنىڭ بايرىمىغا مۇبارەك....

سىرداش

  بايقاشتىكى  سۈيۈملۈك ئەپەنىلەر- خانىملار!   ياخشىمۇ سىلە.!
يىلدا  بىر كىلىدىغان خەلقارا بالىلار بايرىمى ھارپا كۈنگە قەدەم  قويدى،  ھەممىڭلارنىڭ  ئۇماق پەرزەنتلىرىڭلارغا  مۇنبەر ئارقىلىق  بايراملىق  سالام يوللايمەن!
   ھەممىمىزنىڭ  بالىلىق ۋاقىتلىرى بولغان،  بالىلىق ۋاقىتلىرىمىزنى  ئەسلەيدىغان بولساق  بىزنىڭ  چىھرىمىزدە ئىختىيارسىز تەبەسسۇم  جىلۋىلىنىدۇ.  شۇنداق  بىزنىڭ  بالىلىق ۋاقىتلىرىمىز   ساپ ۋە تەبىلىكتە ئۆتكەن،  ھەممىمىزنىڭ  نۇرغۇن  تاتلىق ئەسلىمىلىرىمىز بار. مۇشۇ  بايرامنى ئالىدىغان بولساق  بىز  بوينىمىزدىكى قىزىل گالاستۇكنى  بىرنەچچە كۈن بۇرۇندىن باشلاپ يۇيۇپ قاتلاپ  ، ئاتا- ئانىمىز  ماشىنىچىغا بۇيرۇتۇپ مىڭ تەستە تىككۈزۈپ بەرگەن   بايراملىق كىيىملىرىمىزنى تىزراق كىيىش ئىستىكىدە  كۈندە بىر قېتىم سىلاپ قۇيۇپ  بايرام كۈنىنىڭ تىزراق كىلىشىنى كۈتۈپ ، يۇمران بارماقلىرىمىزنى  كۈندە  يۇمۇپ ھىساپلايدىغان، بايرام ھارپىسىدا تاڭنىڭ تىزراق  يۇرۇمىغانلىقىدىن قاخشاپ ئۇيقۇسىز ئۆتكۈزگەن ئاشۇ كىچىنى ، تاڭ يۇرۇماستىلا رەتلىك كىيىنىپ  دادىمىز بەرگەن بىرنەچچە موچىەن  پۇلنى  دوستلىرىمىزغا كۆرسىتىش ئۈچۈن تايچاقتەك چېپىۋاتقان ئاشۇ سەھەرنى،  رەڭگا-رەڭ بايراقلار  لەپىلدەۋاتقان، ئادەم دېڭىزىغا ئايلانغان مۇراسىم مەيدانىدا خۇددى گىنرالدەك جاسارەت ۋە مەغرۇر ھالدا   ھەيۋەتلىك دۇمباق تەڭكىشىگە دەسسەپ كىتىۋاتقان قىياپىتىمىزنى ئەسلىيەلمەي تۇرالمايمىز......
ھازىر قاراپ  بېقىڭ : سىزنىڭ  يېنىڭىزدا بۇدرۇق كۆزلىرىنى مۆلدۈرلىتىپ تۇرۇۋاتقان ئاشۇ ئۇماق پەرزەنتىڭىزنىڭ  ھىسياتى   سىزنىڭ  شۇ ۋاقىتتىكى ھىسياتىڭىز بىلەن ئوخشاش بەلكىم  ئۇنىڭدىن يۇقۇرى بولىشى مۇمكىن.   پەرزەنتىڭىزنىڭ  مۇشۇ دەقىقىدىكى  ھىسياتىغا كۈڭۈل بۆلۈپ قۇيۇڭ، ئۇنىڭ بايرىمىنى پۇل  بىلەن ئەمەس  چىن ھىسياتىڭىز بىلەن، ئاتا-ئانىلىق  مىھرىڭىز بىلەن تەبرىكلەپ قۇيۇڭ،  مىللىچە  كىيىنگەن شۇ  تۇرقىغا ھەۋەس بىلەن مەدھىيە ئوقۇڭ.
ھەممىمىزنىڭ  شۇ  يۈرەك پارىلىرىغا بولغان  قىزغىن ھىسياتىمىزنى  ئىپادىلەپ، بالىلىرىمىزغا بولغان يۈرەك سۆزلىرىمىزنى ، تەربىيىۋى ئەھمىيەتكە ئىگە بولغان ئەقلىيە سۆزلىرىمىزنى ئىنكاس شەكلىدە  مۇشۇ  تىما  ئاستىغا يېزىپ بارلىق ئاتا-ئانىلارنىڭ ئوخشىمىغان تىمىدىكى تەربىيىۋى  ئەھمىيەتكە ئىگە  بايانلىرىنى پەرزەنتلىرىمىزنىڭ  سەبى دىلىغا سۇنۇشىڭلارنى تەكلىپ  بېرىمەن.
ئەلبەتتە بالىلىرىمىز بۇ  تىمىنى كۆرمەيدۇ بىراق بىز  مۇشۇ  ئارقىلىق پەرزەنتلىرىمىز ئالدىدا  قانچىلىك  مەسئۇلىيىتىمىزنىڭ بارلىقىنى ھىس قىلالىشىمىزغا  ئىشىنىمەن.

سەييارە0

بالىلار
مۇساجان يۇنۇس

ئېھ بالىلار، بالىلار، مېھرى ئىللىق بالىلار،
چېھرى سۈزۈك شەبنەمدەك شېكەر تىللىق بالىلار.
سىلەر ئانا مۇرادى، ئانىلارنىڭ ئۈمىدى،
كۆڭلى يۇمران مايسىدەك، جىسمى مىق-مىق، بالىلار.

ئېھ بالىلار، بالىلار، ھىدى ئىپار بالىلار،
ئوماق سەبىي خۇلقىدىن نۇر چاچرىتار بالىلار.
شادلىقىڭلار، كۈلكەڭلار گويا ئىلاھ كۈيىدەك،
مەنىسىگە ھاياتنىڭ مەنە قوشقان، بالىلار.

ئېھ بالىلار، بالىلار، قار كەبى ئاق بالىلار،
رەشك، مىكرۇ، خىيانەت، چەلدىن يىراق بالىلار.
تۇزدىنمۇ ساپ جىسمىڭلار، سۇدىنمۇ پاك تۇيغۇڭلار،
پاكلىقىڭلار خۇداغا بېرەر ساۋاق، بالىلار.

ئېھ بالىلار، بالىلار، دىل شادلىقى بالىلار،
بار سىلەردە ھاياتنىڭ چىن شادلىقى بالىلار.
سىلەر بىلەن كۈن كۈنلەر، سىلەر بىلەن قىش ئۆلەر،
بار سىلەرگە بارچىنىڭ ئامراقلىقى، بالىلار.

ئېھ، بالىلار، بالىلار، بەختى پارلاق بالىلار،
سىلەر ئۈچۈن كېلەچەك ئاچار قۇچاق بالىلار.
نۇسرەت سۈيى ئىچىڭلار، چۆل باغرىغا كۆل چېپىپ،
قۇياش كەبى ئۆمرۈڭلار، بولسۇن ئۇزاق، بالىلار.


مەنبە:مىسرانىم

pari

ەسسالامۇ ئەلەيكۇم سىرداش ئەپەندىم بەك ئەھمىيەتلىك تېما يوللاپسىز  بۇ تېمىڭىز مېنى تايچاقتەك سەكرەپ يۈرگەن بالىلىقىمغا قايتۇرغاندەك بىر خىل ھېسياتقا ئەپكەپ قويدى ، دىمىسىمۇ ئاتا - ئانىلار ۋە ئوقۇتقۇچىلارنىڭ پۈتكۈل ئېس -يادى شۇ سەبىلەردە ،ئەزىز ئوماقلاردا . قانداق قىلساق شۇ سەبى دىللارنى خوش قىلالايمىز دىگەن ھېسياتتا ئەلۋەتتە . مەنمۇ شۇ
بايقاش مۇنبىرىدىكى بارلىق قېرىنداشلارنىڭ پەرزەنتلىرىنىڭ قۇتلۇق بايرىمىنى تەبرىكلەيمەن ! بايرىمىڭلەرغا مۇبارەك بولسۇن ئوماقلار !!

سىرداش

◤pari◥ يوللىغان ۋاقتى  2013-5-31 19:46
ەسسالامۇ ئەلەيكۇم سىرداش ئەپەندىم بەك ئەھمىيەتلىك تېم ...

رەھمەت

سىرداش

سەييارە0 يوللىغان ۋاقتى  2013-5-31 19:14
بالىلار
مۇساجان يۇنۇس

رەھمەت سىزگە،  

گۈلزار

سىرداش ئەپەندى ياخشىمۇسىز ؟
ھەر بىر تېمىڭىز ئادەمگە ھۆزۇر بېغىشلايدۇ . بۇ تېمىڭىزمۇ بىزنى ئاشۇ گودەك ، سەبى چاغلارغا باشلاپ بېرىپ گۈزەل ئەسلىمىلەر قوينىغا غەرق قىلدى .    ھەم  ئاشۇ  پىئونىر  بولغان ۋاقتىمدىكى بايرامدا  خوشاللىقىمدىن مەكتەپكە تاڭ سەھەردىلا بېرىۋالغانلىقىم ئېسىمگە كېلىپ ئىختىيارسىز كۈلۈپ تاشلىدىم .

  تۆنۈگۈنكى بايرام شادلىقىغا چۆمگەن ئوماقلارنىڭ كۈلكە ئاۋازلىرى قۇلاق تۈۋىمدە جاراڭلاپ تۇرماقتا ئىدى ، ئۇلارنىڭ  بۇ كۈلكىسىنى ئويلاپ  ئۇلارنىڭ مەڭگۈ شادلىققا چۆمۈشىنى چىن كۆڭلۈمدىن تىلىدىم .  
مەن مۇشۇ مۇناسىۋەت بىلەن مۇنبەردىكى بارلىق ئەزارلارنىڭ بالىلىرىنىڭ بايرىمىنى قىزغىن تەبرىكلەيمەن .   ھەم بىزگە مۇشۇنداق  گۈزەل  ، سەبى چاغلارنى ئەسلەش ھەم بالىلىرىمىزنىڭ بايرىمىنى  تەبرىكلەش پۇرسىتى يارىتىپ بەرگەن سىرداش ئەپەندىگە رەھمەت ئېيتىمەن . رەھمەت سىزگە

Qol~Ogli

     تۈنۈگۈن يېزىدىكى بىر كەنىت مەكتىپىگە چىقىپ بايراملىق پائالىيىتىگە قاتناشتىم، ئۇلارنىڭ تەييارلىغان سەنئەت نومېرلىرى سەرخىل بولۇپ كىشىنى بەكمۇ زوقلاندۇردى، پائالىيەتتە مەرىپەتپەرۋەر تىجارەتچىلەر، ئىدارە-ئورگانلار، شەخسلەر تۈرلۈك شەكىللەر بىلەن بالىلارغا كۆڭۈل ئىزھار قىلدى، شۇ كەنىت پارتىيە ياچايكا سېكىرتارى ئائىلىسىدە قىيىنچىقى بار 20نەپەر ئوقۇغۇچىغا ياردەم قىلىش بىلەن بىرگە ،كەنىت ئاھالىلەر كومىتىتىنىڭ مۇشۇ كەنىتتىن ئالى مەكتەپكە ئۆتكەن ھەر بىر ئوقۇغۇچىغا ھەر ئايدا 500 يۈەن تۇرمۇش خىراجىتى بېرىش قارارىنى ئېلان قىلدى .ئەگەر ھەممە كەنىت مۇشۇنداق قىلالىغان بولسا- ھە ... دىگەنلەرنى ئويلاپ كېتىپتىمەن...

زەپەر

ئەسسىلامۇ ئەلەيكۇم سىرداش ئەپەندىم ياخشىمۇ سىز ؟ سىزنىڭ بۇ تىمىڭىزنى كۈرۈپ چىقىپ قايتىدىن بۇرۇنقى ئۆسمۈرلۈك گۈدەك ھاياتىغا يىڭىدىن قەدەم قويغانلىقىمنى بىر قېتىم ئەسلەپ ئۆتتۈم . مەن باشلانغۇچ مەكتەپتە ئۇقۇۋاتقان ۋاختىمدا بالىلار بايرىمى يتىپ كەلگەندە تاماق يىيىشنىمۇ ئۇنتىغان ئاساستا مەكتەپتىن زادىلا كەتمەتتىم . ھەتتاكى شۇ بايرام كۈنى مەكتەپتە قۇنىدىغان ئىشلارمۇ بولغان .
دىمەك بالىلار بايرىمى بالىلار ئۈچۈن ئەڭ ياخشى بولغان قەدىرلەشكە تىگىشلىك مۇھىم بايراملارنىڭ بىرى ئىدى . بىز بۇرۇنلاردا بايرام دىسە 1 ياكى 2- ئاي بايرامغا تەييارلىق قىلاتتۇق . ئەپسۇس ھازىر بايرامغا بىر ھەپتىمۇ تەييارلىق قىلماس . بۇرۇنقى ئۈگەنگەن كونا ئەنئەنىۋىي نۇمۇرلارنى ئەپ بېرىپ بايرامغا تەييارلىق قىلىۋاتىمىز . دىمەك ھازىرقى ياشلىرىمىزدا يىڭىلىققا ئىنتىلىش .  ئەھۋاللىرى يوق دىيەرلىك  ئۇلار خۇددى ئىنجا يوق قۇرۇپلا قالغان توغراق شېخىدەك بۇلۇپ قالدى ئەمەسمۇ .
شۇڭا مەن بۇندىن كىيىنكى بالىلار بايرىمىدا بارلىق كىچىك دوسلارنىڭ بايرىمىنىڭ خۇشال -خۇرام مەنىلىك ئۈتۈشىنى . شۇنداقلا ئۇقۇتقۇچى -ئۇستازلارنىڭ ۋە مائارىپ ئۇرۇنلىرنىڭ بۇ بايرامغا ياخشى پۇزۇتسىيەدە  بۇلۇپ  ئۆزگۈچە بولغان ئىسىل نۇمۇرلارنى تەييارلاپ يىلدا بىر كىلىدىغان بالىلار بايرىمىنى يەن بىر بالداق يۇقىرى ھالەتتە ئەپ بېرىشىنى ئۈمۈد قىلىمەن . رەخمەت سىزگە