بۈيۈك (مۇزاتى)

مۇزاتى

بۈيۈك

مەخمۇت ئاۋۇت(مۇزاتى)

بىلسە ھايات گۈلباغىدا ، باغۋەن بولۇپ ئۆتمەك بۈيۈك،
ئېلىپ قۇۋۋەت ئىرپان بىلەن ،سىر تېگىگە يەتمەك بۈيۈك.

دىلنى غەپلەت چىرمىغاننىڭ، مەنزىللىرى ھاڭدۇر-داۋان،
ئويغۇتۇپ نىمجان ناداننى ،  يارۇ-يۆلەك ئەتمەك بۈيۈك.

دىلى يورۇق،جىسمى مېيىپ ، گەر ئىلتىجا قىلسا ساڭا،
سۇنۇپ ئاڭا  سېخى قولۇڭ  ،بىرگە   ئېلىپ  كەتمەك بۈيۈك.

بولسىمۇ تەنھا زىيادە، غەيرەت داۋاندىن ئاشقىدەك،
قويۇلۇپ تامچە  دېڭىزغا ، ئەلدە ئەلچە  ئۆتمەك بۈيۈك.

  قەھرىتاندا دوستقا كېرەك ،مىسلى گۈلخان دوست دېگەن،
شۇ ئەزىز  چىن دوست ئۈچۈن ، جاننى پىدا ئەتمەك بۈيۈك.

ناھايەت بىر دەرتلەر  كېلىپ ،قالسا بىراۋ غۇربەت چېكىپ،
باش سىلاپ ئاڭا مېھىرلىك ،ياىشىلىق  بەرمەك بۈيۈك.

سېخىيلىقنىڭ كۆڭۈل كۆسى ، گويا دېڭىزچە كەڭ بولۇر،
ئەلدە بىلسەڭ ئەر ئۆزۈڭنى،ئۇنى قوغداپ  ئۆتمەك بۈيۈك.

مەنبە : ئۆز ئىجادىيىتىم.

زەپەر

ئىجادىي تىمىللىرىڭىز ئۈزۈلمىگەي . مەزمۇنى ياخشى شىئېركەن