پەملىمە ( ئۆڭمەس)

مۇزاتى

پەملىمە

مەخمۇت ئاۋۇت ئۆڭمەس


ئۆزگە توندا تەرلىنىپ يايراپ ئۇچۇشنى پەملىمە،
بىئەقىيدە،ھىجرانسىز ۋىسال قۇچۇشنى پەملىمە.

ئەجىرسىز ئاچقاي قۇچاق نە شاد كۈلۈپ ئامەت ساڭا،
زەررە نەپسىز لاپ بىلەن كۆڭۈل ئۇتۇشنى پەملىمە.

ئەل كۆزى ئوتكۇر قۇياشتۇر  تون ياپالمايسەن ئاڭا،
ئەتمىشىڭ ئايدىڭ، ئايان  ئۇندىن قېچىشنى پەملىمە.

مېھنىتىڭ قۇدرىتى بىرلە چۆلدە چېچەك ئاچقۇسى،
باقسىمۇ مەنزىل كۈلۈپ تەرسىز يېتىشنى پەملىمە.

دىل شاراب جامىڭنى لىقلاپ ئەل تامام سۇنماي تۇرۇپ ،
توز سىياق  جىلۋەڭ بىلەن ئابروي تېپىشنى پەملىمە.

ئۆتنىسى باردۇر جاھاننىڭ بىرسىگە تەل يۈز بەدەل،
بى ھالال نەپسىڭنى دەپ ۋىجدان سېتىشنى پەملىمە.

كەم ئەقىل بولغۇسى بەربات  بى رەھىمدۇر بۇ جاھان،
شەكلىنىپ،كەيپىڭ ئۇچۇپ جاندىن كېچىشنى پەملىمە.

مەنبە: ئۆز قەلىمىم.

بەختىيار(بايقاش

بارىكاللا،شېئىرىڭىزنى ئوقۇپ تولىمۇ سۆيۈندۈم...

خۇمارى

ئەل كۆزى ئوتكۇر قۇياشتۇر  تون ياپالمايسەن ئاڭا،
ئەتمىشىڭ ئايدىڭ، ئايان  ئۇندىن قېچىشنى پەملىمە.
مۇنۇ  مىسرالارنى بەكمۇ ياقتۇردۇم،توغرا ئەلنىڭ كۆزىدىن قېچىپ قۇتۇلغىلى بولمايدۇ.ئىتەك بىلەن قۇياشنى ياپقىلى بولمايدۇ.شۇڭا ئەڭ مۇھىمى ،سەمىمى ساداقەت  ھالال ئەمگەك بىلەن ياشاش كىرەك.شۇندىلا ئۆمرىمىز خاتىرجەم،مەنىلىك ئۆتىدۇ.قەلىمىڭزگە بەرىكەت تىلەيمەن!

دىلرۇس

پىكىر چوڭقۇرلىقى، ۋەزىن توقلىقى، مىلودىيەنىڭ ئويناقلىقى بىلەن ئادەمنىڭ دىل خانىسىغا ئۆزگىچە رەڭ بېرىدىغان بۇ غەزىلىڭىزنى قايتا- قايتىلاپ ئوقۇپ، يادقا ئېلىۋالدىم.
رەھمەت ئۇستاز.