تاللىساڭ (مۇزاتى)

مۇزاتى

تاللىساڭ

مەخمۇت ئاۋۇت(مۇزاتى)

ئۆمۈرلۈك جۈپ تاللىماق بولساڭ ئەگەر،
تاللا ئەسلى ساپ ئېسىلنى سەن بىلىپ؛
بولسا ئەگەر تاللىغاننىڭ قولى گۈل،
بېرەر لەززەت،تۇرمۇشۇڭغا قەنت سېلىپ.

گەر ئېزىپ بىر ئەقلى كەمنى تاللىساڭ،
سېنى ئوۋلار،  ياخشى كۈندە ئۆز كۆرۈپ؛
ئۆتۈپ كۈنلەر ،قاچقىنىدا ئامىتىڭ،
كەلسە سىناق، چانارسەندىن يۈز ئۆرۈپ.

ھۆسنى گۈل دەپ تاللىما سەن ئالدىراپ،
چىن ئەمەستۇر ئۇندىكى تاشقى سىياق؛
تۈلكىنىڭ  ھېلىسى كۆپتۇر بايقىساڭ،
ئەھلى پەسكە تىكمە كۆز، تۇرغىن يىراق.

جۈپ بولۇشقا  قەلبى ئۇزنى تاللىغىن،
گۈل چىرايدىن، ۋاپادارنى ئۆز بىلىپ؛
چىن يۈرەكتىن سۆيسە ئەگەر ئۇ سېنى،
قەدىرلىگىن، بەر ئورۇن قوينۇڭ كېرىپ.

قولى گۈل، ئەقلى كامالنى تاللىساڭ،
بولغۇسى ئۇ  ساڭا ھەمدەم، مېھرىبان؛
دىل بېرىپ  قىلغىن ئەقىدە سەن ئاڭا،
نە پۇشايمان ئۇ ئۈچۈن كەتسە بۇ جان.

مەنبە: ئۆز ئىجادىيىتىم.

زەپەر

يارايسىز . يېقىندىن بىرى ئۈزىڭىزنىڭ ئىجادىي تىمىللىرىڭىزنى بايقاش ئەھلىگە سۇنۇپ ئۇلارنىڭ روھىنى كۈتۈرۋاتىسىز . قۇلىڭىزغا دەت بەرمىگەي

گۈلزار

تەربىيىۋى ئەھمىيىتى يوقۇرى بولغان شېئىركەن  . رەھمەت . ئىجادىيەتلىرىڭىزگە ئۇتۇق تىلەيمەن .