تېلەك (مۇزاتى)

مۇزاتى

تېلەك  

مەخمۇت ئاۋۇت(مۇزاتى)

ئۇل -ئاساسى ئائىلىنىڭ  -ئىناقلىق،
بولار ھاسىل ئۇندىن ئۆيدە خوشاللىق؛
سۈرسە ھۆكۈم  ئائىلىدە  قالاقلىق،
ئۆتەر كۈنلەر شۇنچە تەستە،ئازاپلىق.

ئەر-ئاياللار بىر-بىرىگە ئىشەنسە،
كۆڭۈل سىرىن يوشۇرماستىن چۈشەنسە؛
يول قويۇشنى، ھۆرمەتلەشنى ئۆگەنسە،
ئۇقۇشماسلىق، زىددىيەتنى تۈگەتسە.

ئەر قاۋاققا ، قىمارلارغا قاچمىسا،
ئايال پۇلنى بەدخەجلىك قىپ چاچمىسا؛
پەرزەنت‹‹ۋاڭبا››،‹‹دىبا››لارغا قاچمىسا،
ئەر-ئاياللار ئايرىم غەزىنە ئاچمىسا.

بولسا ئۆيدە ئەر-ئاياللار  كۆيۈملۈك،
بەرسە مېھىر پەرزەنتىگە سۆيۈملۈك؛
قىلسا ۋاپا بىر-بىرىگە  ئۆمۈرلۈك،
سۈرسە ھۆكۈم ئائىلىدە چىن ئۆملۈك.

قىلسا ئادا بۇرچىنى ئەر جايىدا،
(ئۇۋالچىلىق تارتسىمۇ گەر گاھىدا) ؛
بولۇپ ،مىشچان تۇرۇۋالماي سايىدا،
قىلسا ھامان ئائىلىگە  جان پىدا.

ئايال ئەرگە قىلمىسا گەر خىيانەت،
ئۆگەتسە ھەم پەرزەنتىگە دىيانەت؛
ھۆسىن-جامال خۇدادىن بىر ئامانەت،
قىلماس ھېچكىم مېھرىبانغا  ئاھانەت.

ئۆسسە پەرزەنت بولۇپ تېمەن-سالامەت،
تىرىشچانلىق  قىلسا ئاتا كامالەت؛
بولسا ئۇدۇن  ئەجدادىدىن دىيانەت،
كۈلەر ئاڭا ئىستىقبالى، كىپ ئامەت.

تىلىگىم شۇ: بولسا ھەمراھ  ئىناقلىق،
بولماس بۇنداق ئائىلىدە بىتاپلىق؛  
ئىجىللىقتىن بولسا بەرپا  ئاۋاتلىق،
گۈلگە تولۇپ ھەر ئۆي، كۈلەر ھاياتلىق!

مەنبە : ئۆز ئىجادىيىتىم.

ئامان

يارايسىز بۇرادەر، شېئىرلىرىڭىز بىر-بىرسىدىن ئېسىل چىقىۋاتىدۇ. ئىجادىيىتىڭىز تېخىمۇ بەرىكەتلىك بولغاي.

قەسىر

    ھاياتىنى سۆيسە ئىنسان ھەر مىنوت،
     كامال تاپۇر مىسرالاردا ئىيتقانلار.
    ئۆزىنى ھەم ئۆزگىلەرنى چۈشەنسە،
   ياش تۆكمەيدۇ بىھۇدە كۆپ ئىنسانلار.

   ئىجادىي تېمىڭىز ئۈزۈلمىسۇن،كېيىنكى مۇۋەپپەقىيىتىڭىزگە تەلەكداشمەن!