بايقاشنىڭ خاسلىقىنى يارىتايلى ۋە قوغدايلى!
ھۆرمەتلىك مۇنبەر ئەھلى ھەممىڭلارغا كەمىنە گۈلزاردىن ئوتلۇق سالام .
بايقاش مۇنبىرى قۇرۇلغىلى ئاز كەم ئىككى يىل بولسىمۇ ئەمما كۆرۈلۈش قېتىم سانى بىلەن يوللانغان تېما ۋە ئىنكاس جەھەتتە ھەر قايسى مائارىپ ۋە مۇنازىرە تور بەتلىرىنىڭ ئالدىدا كېتىۋاتىدۇ . مۇنبەرنىڭ مۇشۇ تەرققىياتلارغا ئېرىشىشىنى مۇنبەردىكى ھەر قايسى ئەزالارنىڭ تىرىشچانلىقىدىن ئايرىپ قارىغىلى بولمايدۇ . مەن مۇشۇ مۇناسىۋەت بىلەن كېچىنى- كۈندۈزگە ئۇلاپ مۇنبەرنىڭ كەلگۈسى تەرقىياتى ئۈچۈن ھاردىم - تالدىم دىمەي ئىلشەۋاتقان ھەر قايسى مۇنبەر ئەزالىرىغا چىن كۆڭلۈمدىن رەھمەت ئېيتىمەن .
ھەممىمىز مەلۈمكى بايقاش مۇنبىرى - مائارىپ مۇنبىرى ، مىللى مائارىپ سېپىدە جاپالىق ئىشلەۋاتقان ئوقۇتقۇچىلارنىڭ مەسلىھەتچىسى ۋە ياردەمچىسى بولۇشتەك خاسلىقى بىلەن رايونىمىزدىكى كەڭ ئوقۇتقۇچىلارنىڭ ئىللىق ئائىلىسى، سىرداش دوستى ۋە قابىل ياردەمچىسىگە ئايلاندى.
بايقاش- مائارىپ مۇنبىرى بولۇش سۈپىتى بىلەن مۇنبەردە دەرس تەييارلىقى ، دەرسلىك دىتال ،ئىمتىھان سۇئالى ، ئوقۇتۇش بايلىقلىرى، كومپيۇتىر بىلىملىرى ، مائارىپ سېپىدىكى تۆھپىكارلار ، ئائىلە باشلىقلىرى سەھپىسىنى ئاساس قىلغان كەسپى مائارىپ ماتىرىياللىرى ئامبىرى ۋە مائارىپ ساھەسىدىكى ھەل قىلىشقا تىگىشلىك مەسىلىلەرنى مۇنازىرە قىلىدىغان مائارىپچىلارنىڭ مۇنازىرە سورىنى، ئىللىق ماكانغا ئايلاندى .
بۇ مەۋسۈم باشلىنىپ رايونىمىزدىكى نۇرغۇنلىغان ئوقۇتقۇچىلار بۇ ئىللىق ماكانغا ئەزا بۇلۇپ كىرىپ، ئوقۇتقۇچىلارنىڭ ئېھتىياجىغا ماس، پايدىلىنىش قىممىتى يۇقىرى بولغان تۈرلۈك ماتىرياللارنى يوللاپ مائارىپ مۇنبىرىنىڭ خاسلىقىنى تېخىمۇ نامايەن قىلماقتا . بىز بۇ ئەزالارغا مۇنبىرىمىزدىكى بارلىق ئەزالار نامىدىن رەھمەت ئېيتىمىز . شۇنداقلا مۇنبىرىمىزگە يېڭىدىن ئەزا بولۇۋاتقان ۋە ئەزا بۇلۇشنى ئويلاۋاتقان دوستلارنى قىزغىن قارشى ئالىمىز.
بۇ خوشاللىنارلىق ئىشلار بىلەن تەڭ يەنە بىزنى ئويغا سالىدىغان ئىشلارمۇ تەڭ يۈز بەرمەكتە . يېقىندىن بۇيان مۇنبەردە يېڭى ئەزالارنىڭ كۆپىيىشىگە ئەگىشىپ مائارىپ مۇنبىرىنىڭ بۇ خاسلىقى تەسىرگە ئۇچراپ قالايمىقان ھەم ئەھمىيەتسىز تېمىلار كۆپىيىپ كېتىۋاتماقتا . مۇنبەرگە يېڭىدىن تىزىملاتقان ئاز بىر قىسىم ئەزالار مۇنبەر تىللاسىغا ئېرىشىش ئۈچۈن بىر قىسىم قۇرۇق، پايدىلىنىش قىممىتى يوق ماتىرياللارنى يوللاپ مۇنبەر ئەزالىرىنى ئالداشتەك رەزىل قىلمىشلار بىلەن شوغۇللانسا . يەنە بىر قىسىم ئەزالار بەزى تېمىلار نى مۇشۇ توربەتتىن ئېلىپ يەنە قايتۇرۇپ يوللاشتەك بولمىغۇر قىلمىشلار بىلەن شوغۇللانماقتا. باشقۇرغۇچىلار بۇ ئەزالارغا ئەسكەرتىش بەرگەن بولسىمۇ ، يەنە ئۆزىنىڭ بىلگىنىنى قىلماقتا. يەنە بىر قىسىم ئەزالار بۇ ئىشلارنى قوللىماقتا .
يېقىندا بىر ئەزا « سىزمۇ ئويلاپ بېقىڭ (5) »دىگەن تېمىغا « ماتىرىيال ئوغرىسى ئوغرى ئەمەس دەيدىكەنغۇ بەزىلەر» دەپ يازسا، يەنە بىر ئەزا بۇنى قوللاپ «مەنچە بولغاندىمۇ ماتىريال ئوغرىسى ئوغرى ئەمەس دوستلار ،ماتىريال دىگەننى ئۇيان-بۇياندىن ئوغۇرلاپ ئۈگەنمىسە بولماس، ھەم تىز ئالغا باسماس ،شۇنداق بولغاندىن كىيىن ماتىريال ئوغرىسى ئوغرى ئەمەس.مەنمۇ باشقلارنىڭ ماتىريالىنى ئوغورلاپ تۇرۇشنى خالايمەن .» دەپ يازغان . مىنىڭچە بۇنداق باشقىلارنىڭ قان- تەر بەدىلىگە كەلگەن ئەمگەك مىۋىسىنى ئوغرىلاپ ئۆزىنىڭ قىلىۋېلىش چەكتىن ئاشقا نومۇسسىزلىق. بىز بۇ يەردە سىزنى ماتىريال چۈشەرمەڭ دىمەيمىز . مۇنبەردىكى ماتىرياللار ئوقۇتقۇچىلارنىڭ پايدىلنىشى ئۈچۈن سۈنۈلغان، بۇلارنى چۈشۈرۈپ پايدىلنىڭ ھەم ئىشلىتىڭ ، ئەمما باشقىلارنىڭ ئەمگەك مىۋىسىگە ھۆرمەت قىلىڭ ئۇنى قاراپ تۇرۇپلا ئۆزىڭىزنىڭ قىلىۋېلىشتىن ئۇيۇلۇڭ . بۇنداق دىسەك تىللايىم يوق دىيىشىڭىز مۇمكىن. لېكىن تىللاغا ئېرىشىش يوللىرى ناھايىتى كۆپ، ئاددىسى بايقاشقا كۈندە كىرىپ بىر سائەتلا مەشغۇلات قىلىپ بەرسىڭىزمۇ تىللا بېرىلىدۇ. تېما ئىگىسىگە پايدىلىق پىكىر-تەكلىپلىرىڭىزنى ئىنكاس قىلسىڭىزمۇ تىللا بېرىلىدۇ. تورىمىز يەنە ھەرقايسى بايراملارنى قولدىن بەرمەي تىللاغا ئىھتىياجلىقلارنىڭ پايدىلىنىشى ئۈچۈن تىللا سوۋغا قىلىپ كىلىۋاتىدۇ. ئۇنىڭدىن باشقا مائارىپ ئىشلىرىغا پايدىلىق بولغان ماتىرىياللارنى يوللىسىڭىزمۇ تېخىمۇ كۆپ تىللا بېرىلىدۇ.
قانداق تېما يوللاشنى بىلەلمىدىم دەمسىز؟ ئۇنداقدا بۇ تېمىنى تەپسىلى كۆرۈڭ: http://baykax.com/bbs/forum.php?mod=viewthread&tid=10943
قىسقىسى، بارلىق تورداشلارنىڭ بايقاش مۇنبىرىنىڭ ئۇيغۇر مىللى مائارىپ ئىشلىرى ئۈچۈن خىزمەت قىلىش، شۇنداقلا ئوقۇتقۇچىلارنىڭ ئىللىق ئائىلىسى، سىرداش دوستى، قابىل ياردەمچىسى ۋە مەسلىھەتچىسى بولۇشتەك خاسلىقىنى تېخمۇ نامەيەن قىلىش ۋە خاسلىقىنى قوغداش ئۈچۈن بىر كىشلىك ھەسىسىنى قوشۇشىنى، مۇنبەرگە يوللىنىۋاتقان ئەخلەت تېما، كۆچۈرۈلگەن تېما ۋە باشقىلارنى ئالداش ئۈچۈن يوللانغان تېمىلارغا بىردەك زەربە بېرىپ، بايقاش مائارىپ مۇنبىرىنى تور دۇنياسىدىكى ئەڭ ياخشى بولغان مائارىپ ماتىرىيال ئامبىرىغا ئايلاندۇرۇش ئۈچۈن تىرىشچانلىق كۆرسىتىشىنى ئۈمۈت قىلىمەن
| 
[ئۇلانما كۆچۈرۈش]
قىزغىنلىق
تىللا
تۆھپە
شۆھرەت
يوللىغان ۋاقتى 2013-3-27 23:56:17
يوللىغان ۋاقتى 2013-3-28 00:26:27
يوللىغان ۋاقتى 2013-3-28 01:24:44
يوللىغان ۋاقتى 2013-3-28 01:30:51