نىكاھ بىر ئادەمنىڭلا دۇنياسى ئەمەس

گۈلزار

نىكاھ بىر ئادەمنىڭلا دۇنياسى ئەمەس

  

ئاممىۋى سورۇنلاردا ئېرى ھەمىشە ئۇنىڭ قولىنى تۇتۇپ تۇرۇپ،يېڭى دوستلىرىغا پەخىرلەنىگەن ھالدا؛(بۇ مېنىڭ مېھرىبان،چىرايلىق خوتۇنۇم)دەپ تونۇشتۇراتتى،بۇ چاغدا ئۇنىڭ دوستلىرى ئۇنىڭغا ھەۋەس بىلەن قارىشىپ قالاتتى.

بىر كۈنى.بىر دوستى ئۇنىڭ قېشىغا كېلىپ نىكاھ جەھەتتىكى بەخىتسىزلىكىدىن ۋايسىغىلى تۇردى،ئۇ ئېرىنىڭ ئۆيدە دېرىزىلەرنى دائىم ئېچىۋېتىشنى ياخشى كۆرىدىغانلىقى،ئۆزىنىڭ ئۇنداق قىلىشنى خالىمايدىغانلىقى،ھەمىشە ئېرى بايقىمىغان پۇرسەتتىن پايدىلىنىپ دېرىزىنى ئوغرىلىقچە يېىپىۋېتىدىغانلىقى،شۇنىڭ بىلەن ئېرىنىڭ دائىم ئۆزىگە سوغۇق مۇئامىلە قىلىدىغانلىقىنى سۆزلەپ بەردى، ئۇ جىمجىت ئولتۇرۇپ ھېچقانداق گەپ قىلماي دوستىنىڭ گەپلىرىنى ئاڭلىدى.ئاندىن ئۇ دوستىنى كۈتۈپخانىسىغا باشلاپ كىردى،كۈتۈپخانىدا ناھايىتى يوغان بىر پارچە رەسىم ئېسىقلىق بولۇپ،ئارقا كۆرۈنۈشى شاڭخەينىڭ داڭلىق پۇتبۇل مەيدانى ئىدى،ئۇ ئۇنىڭ بىلەن ئېرىنىڭ بەخىتلىك بېقىشىپ چۈشكەن سۈرىتى ئىدى،دوستى ئۇنىڭدىن ؛(سەن پۇتبۇلنى ياخشى كۆرەمسەن؟)دەپ سورىدى.ئۇ ئاستاغىنە؛(ياق،مەن پۇتبۇلنى ياخشى كۆرمەيمەن،پەقەت كىتاب  ئوقۇش ۋە گۈل بېقىشنى ياخشى كۆرىمەن)دەپ جاۋاب بەردى.

  ئۇ يەنە دوستىنى ئۆزىنىڭ ياتاق ئۆيىگە باشلاپ كىردى.ئىشىكنى ئېچىۋىدى، كۆز ئالدىدا ئىنتايىن قىزىقارلىق كۆرۈنۈش پەيدا بولدى.ئۆيىنىڭ ھەممىلا يېرىگە رونالدونىڭ رەسىمى ئېسىقلىق ئىدى.ھەتتا ياستۇق لۆڭگىسىدىمۇ پۇتبۇلنىڭ سۈرىتى بار ئىدى.ئۇنىڭ دوستى تېخىمۇ ھەيران قالدى؛(سەن پۇتبۇلنى ياخشى كۆرمەيدىغان تۇرۇپ،يەنە نېمىشقا ئۆيۈڭنىڭ ھەممە يېرىنى خۇددى پۇتبۇل مەيدانىدەك ياسىۋالدىڭ؟)دەپ سورىدى.ئۇ يەنىلا ئېغىر-بېسىقلىق بىلەن؛(ئېرىم ياخشى كۆرىدۇ)دېدى.دوستى؛(بىراق سەن ياخشى كۆرمەيدىغان تۇرساڭ؟)دېدى يەنە.بۇ قېتىم ئۇ كۈلۈپ تۇرۇپ؛(ئويلاپ باق،بىر پۇتبۇل ئۈچۈن.سەن بىلەن نۇرغۇن كېچە-كۈندۈزلەرنى بىرگە ئۆتكۈزگەن،نۇرغۇنلىغان بوران-چاپقۇنلۇق كۈنلەردە ساڭا ھەمرا بولغان ئەرنىڭ كۆڭلىگە ئازار بېرىش ئەرزىمدۇ؟)دېدى.

ئۇ قايسى بىر ھېكايىدە ئېيتىلىغان نىكاھ توغرىسىدىكى چۈشەنچىنى ئەسلەپ؛(نۇرغۇنلىغان بوران-چاپقۇنلۇق كۈنلەردە ساڭا ھەمرا بولغان ئەرنىڭ كۆڭلىگە ئازار بېرىش ئەرزىمدۇ؟)دېدى.

ئۇ قايسى بىر ھېكايىدە ئېيتىلىتغان نىكاھ توغرىسىدىكى چۈشەنچىنى ئەسىلەپ(نىكاھنىڭ غەلبىلىك بولۇشى ھەر ئىككى ئادەمگە باغلىق،ئەگەر ئۇ مەغلۇپ بولسا،يەنە بېرەيلەننىڭمۇ ھېچقانداق ئەھمىيىتى قالمايدۇ،دۇنيادا مۇتلەق بەختكە تولغان نىكاھ يوق.بەخت پەقەت چەكسىز كەڭ قورساقلىق بىلەن ئۆز-ئارا ھۆرمەت قىلىشتىن كېلىدۇ؟)دېدى

ئاشۇ كۈنى ئاخشىمى ئۇنىڭ دوستى بالدۇرلا دېرىزىلەرنى ئېچىپ،دېرىزە تۈۋىدە تۇرۇپ ئېرىنىڭ ماڭىدىغان چاغدا،ئۇنىڭ دوستى ئاخىر ئېرىنىڭ ئۆزى ئوزاقتىن بۇيان كۈتكەن تەبەسسۇمىنى كۆردى. ئاشۇ كۈنى چۈشتىن بۇرۇن ئۇ ئېرىنىڭ كەينى-كەينىدىن ئەۋەتكەن بەش قېتىملىق قىسقا ئۇچۇرىنى تاپشۇرۋالدى.ئۇ ھەممىسىدىلا ئوخشاش بىر سۆز،يەنى(مەن سىزنى سۆيىمەن)تەكرارلانغانىدى.

ئەمەلىيەتتە،نۇرغۇن كىشىلەرنىڭ نىكاھدىكى مەغلۇبىيىتى قارىشى تەرەپنى ياخشى كۆرمىگەنلىكتتىن ئەمەس،بەلكى نىكاھنىڭ ئەزەلدىن پەقەت بىر ئادەمنىڭ دۇنياسى ئەمەس ئىكەنلىكىنى چۈشەنمىگەنلىكىدىن بولىدۇ.بىر ئايال ئېرىنىڭ خورەك تارتىشىغا ماسلىشالماي يۈرۈپ،ئادەتلىنىپ قالغاندىن كېيىن،ئېرىنىڭ خورەك ئاۋازى بولمىسا ئۇخلىيالمايدىغان دەرىجىگە بېرىپ قالىدۇ.مانا بۇ نىكاھ، بىر ئەر ئايالىنىڭ تەتۈر،بىشەملىكىگە ھەتتا سەۋەبسىز جېدەللىرىگە كۈنۈپ كېتىدۇ.مانا بۇ نىكاھ،نىكاھنىڭ مەڭگۈلۈك بولۇشى كۆزگە كۆرۈنمەيدىغان،ئاشۇ ئىنچىكە ھالقىلارنىڭ ساقلانغانلىقىدا.نىكاھ،پەقەت بىر ئادەمنىڭلا دۇنياسى ئەمەس.

مەنبە؛ھاياتلىق ژۇرنىلى

asrar

نىكاھ ئۇلۇغ ،نىكاھ مۇقەددەس ! شۇنداق ئىكەن ئۇنى قەدىرلىشىمىز كېرەك،نىكاھنى بىر ئادەمنىڭ دۇنياسى دەپ قارىماسلىقىمىز ،ئورتاق نىشان ،ھايات مەناسى ئۈچۈن قەدىناسلار قەدىرلىك ياشاپ ،نىكاھنىڭ  مۇقەددەسلىكىنى مەڭگۈ قەدىرلەيلى !
تېمىڭىزغا رەخمەت .

دىلرۇس

«نىكاھ»«نىكاھ»قايۈشۇرۇنغان مەنانى ئاددىي كۆزىمىز بىلەن  ئىككى ئادەمنىڭ بىرلىشىشى، ئىككى ئائىلىنىڭ بىرلىشىشى دەپ قاراش مۈمكىن. بۇ يەردىكى ئىككى ئادەم تىرىك ، خاس خارەكتېرگە ئىگە ئادەم. دۇنيادا خارەكتېرى تامامەن ئوخشايدىغان ئىككى ئادەم بولمىسا كېرەك. ئەمەليەتتە نىكاھنىڭ ئۆزى ماسلىشىش، ھەرگىزمۇ ئۆزگەرتىش ئەمەس (سىز ئۆزگەرتىمەن دەپمۇ ئۆزگەرتەلمەيسىز). سىزدە ماسلىشىش قانچە كۈچلۈك بولسا، نىكاھنىڭ بەخت پەيزىنى شۇنچە سۈرەلەيسىز...
تۇرمۇشىمىزغا ئاسايىش ئېلىپ كېلىدىغان تېتىملىق تېمىڭىزغا رەھمەت.

بەختىيار(بايقاش

* گۈزەل نىكاھ ئىنسان ھاياتىدىكى ئەڭ چوڭ بەختتۇر، بەختسىز نىكاھ تىرىك تۇرۇپ دوزاخقا كىرىشتۇر.
* مۇھەببەت گۈزەل، نىكاھ مۇقەددەس.
* مۇھەببەت خۇشاللىقنى مەقسەت قىلىدۇ، نىكاھ پۈتكۈل ھاياتنى مۇددىئا قىلىدۇ.
* ئىشەنچ نىكاھ مۇناسىۋىتىدىكى ئىككى تەرەپ ئۈچۈن ئەڭ مۇھىم بايلىق، شۇنداقلا، خۇشاللىق ئىزدەش، مۇناسىۋەتنى چىڭىتىشقا كەم بولسا بولمايدىغان گۆھەر.
* نىكاھ بەزىلەرنىڭ نەزىرىدە ئويۇن سانىلىدۇ، ئاقىۋەتتە ئۇلار ئۆمۈرلۈك دەرتتە قالىدۇ؛ لېكىن كۆپ ساندىكى كىشىلەر ئۈچۈن نىكاھ دۇنيادىكى ئەڭ مۇقەددەس ئىش بولۇپ، بۇنداق كىشىلەرنىڭ ھاياتى گۈزەللىككە تولىدۇ.
* مۇھەببەتنى ئاساس قىلغان نىكاھ ئىنسانىيەت ئارىسىدىكى تەڭداشسىز بەختتۇر.
* مۇھەببەت ئاياللاردىكى ئاجىزلىقنى ئازايتىپ، ئەرلەردىكى جاسارەتنى كۈچەيتىدۇ.
كىشىگە ھوزۇر ۋە بىلىم ئاتا قىلىدىغان تېتىملىق يازمىلىرىڭىزغا رەھمەت!

دىلكەش

بەك ياخشى تىما يوللاپسىز .ھەقىقىي ياخىشى كۆرۈش ئاشۇنداق بولىدۇ .

زەپەر

ئۇيغۇرلار ئىچىدە نىكاھ ناھايتى ئۇلۇغ  شۇڭا نىكاھنى قەدىرلىشىمىز  قالايمىقان تالاق قىلماسلىقىمىز  ئەر بولغا ھەر بىر كىشى چۇقۇم ئېغىزىمىزنى مەھكەم تۇتىشىمىز ئەڭ زۈرۈل   نىكاھنى بەزىلەر ئۇيۇن ھىساۋىدا كۈرىدۇ . بۇ ئەخماقلىق بىر ئىش

pari

ياخشى تېما يوللاپسىز دوستۇم ھارمىغايسىز .