دوستلۇق مىزانلىرى

گۈلزار

دوستلۇق مىزانلىرى

كىشىلىك تۇرمۇش دوستلۇقتىن ئايرىلالمايدۇ. دوستلىشىشقا ماھىر بولمىسىڭىز، دوستسىز قالىسىز، دوستسىز تۇرمۇشنىڭ نېمە لەززىتى؟ بىر دوست كۆپەيسە بىر يول كېڭىيىدۇ، دەپتىكەن كونىلار. دوستىڭىزنىڭ كۆپ ياكى ئاز بولۇشى ئۆزىڭىزگە باغلىق. شۇنداق ئىكەن، دوستلۇق مۇناسىۋەتتە تۆۋەندىكىلەرگە ئەھمىيەت بېرىڭ:

△ دوستىڭىزغا سەمىمىي مۇئامىلە قىلىڭ، سۆھبەتتە ئۇنىڭ سۆزلىرىنى كۆڭۈل قويۇپ تىڭشاڭ، گېپىنى ئورۇنسىز بۆلۈۋەتمەڭ.  
△ دوستىڭىز سىزگە دەردىنى ئېيتىۋاتقاندا تېما بىلەن مۇناسىۋەتسىز گەپلەرنى قىلماڭ، يەنى خۇشاللىقلىرىڭىزنى سۆزلىمەڭ.   
△ دوستىڭىز قوبۇل قىلالمىغۇدەك ۋەز - نەسىھەتلىرىڭىزنى تەكرارلاۋەرمەڭ.

△ دوستىڭىزنىڭ سىزگە ئامانەت مەخپىيەتلىكلىرىنى باشقىلارغا ھەرگىز تىنماڭ.
△ دوستىڭىزنىڭ ئالدىدا يەنە بىر دوستىڭىزنى ھەدەپ ماختاۋەرمەڭ. دوستىڭىز ئۆزىگە بولغان يېقىنلىقىڭىزدىن شۈبھىلەنمىسۇن.
△ دوستلار ئارا ئۇقۇشماسلىق بولغاندا، ئۇلارنىڭ بىر-بىرىدىن ئاغرىنغانلىقىنى يەنە بىر تەرەپكە يەتكۈزۈشكە ئالدىرىماڭ، بەلكى ئۇلارنىڭ پۇشايمان قىلغانلىقىنى، بىر-بىرىگە قىيالمايدىغانلىقىنى ئېيتىپ، ئۇلارنىڭ چىگىشىنى يېشىپ، دوستلۇقىنى ئەسلىگە كەلتۈرۈشكە تىرىشىڭ.  
△ دوستلىرىڭىزنىڭ ياخشى كۆرىدىغان نەرسىلىرىنى (سىز ئۆچ بولسىڭىزمۇ) ھەرگىز مەسخىرە قىلماڭ.
△ خاتىرە كۈنلىرىنى ئېسىڭىزدە چىڭ ساقلاپ، ئاددىي بولسىمۇ سوۋغات بېرىپ كۆڭلىنى ئېلىڭ.
△ دوستىڭىزنىڭ ئاجىزلىقلىرىنى ئۆزىڭىزنىڭ ئارتۇقچىلىقىغا سېلىشتۇرۇپ خىجىل قىلماڭ.   
△ دوستلار ئارا دەتالاشتا ئەزۋەيلىمەي جىم تۇرۇۋېلىش ئاقىلانىلىك. ئوبدان ئويلىنىپ ئاندىن گەپ قىلسىڭىز، ئۇقۇشماسلىقنىڭ ئالدىنى ئالالايسىز. ئەگەر خاتالىق دوستىڭىزدىن ئۆتۈپ، كۆڭلىڭىز رەنجىسە، دەرھاللا يۈزىگە سالماي، سەل ئويلىنىشقا ۋاقىت بېرىڭ، ھەرگىز باشقا دوستلارغا دەرد تۆكمەڭ.

مەنبە : تور دۇنياسى   

pari

ياخشىمۇ سىز دوستۇم ؟ بەك ياىشى تېما يوللاۋاتىسىز ، سىزنىڭ بۇ تېمىلىرىڭىز ئارقىلىق دوستلۇققا بولغان چۈشەنچەم يەنىمۇ چوڭقۇرلاشتى .ساقلىۋالغۇدەك ياخشى دۇردانىلەركەن رەھمەت دوستۇم ساقلىۋالدىم .

دىلرۇس

دوستلۇق مۇناسىۋەتتە بىز بىلىپ- بىلمەي كەتكۈزۈپ قويىمىز. نىھايەت، بۇ دوستلۇق دۇردانىلەرنى ئېسىمىزدە مەھكەن ساقلاپ، ئەمەليىتىمىزدە كۆرسىتەلىسەكتى، دوستلۇق رىشتىمىز ئەبەدىي ئۈزۈلمەيتى. ئەسلى بىز ھەقىقىي دوستقا، ئوتتىمۇ، سۇدىمۇ بىللە بولالايدىغان دوستقا مۇختاج ئىدۇق، لېكىن بۇلارنى ئۆزىمىز ۋەيران قىلىپ، يەنە ئۆزىمىز دادلاپ كېتىمىز، يۈرىكىمىزنى تۇتۇپ ئوبدانراق ئويلاپ كۆرسەك، سەۋەلىك بىزدە ئىكەن ئەمەسمۇ؟ ھېچ بولمىسا سەۋەنلىكنىڭ يېرىمى بىزدە ئىكەن ئەمەسمۇ؟ دوستلۇقنى قەدىرلەيلى، ئۇنى بۇ تېمىدا قەيت قىلىنغان دۇردانىلەر بىلەن ئاۋۇندۇرۇشقا تىرىشايلى، ھېچ بولمىسا بىر- ئىككسىنى بولسىمۇ ھەركىتىمىزدە، تىلىمىز ۋە دىلىمىزدا كۆرسىتەيلى، باغرىمىز دوستلۇققا قانسۇن، دوستلار كۆڭلى سىز، مەندىن سۇ ئېچسۇن!
قىممەتلىك سوۋغىڭىزغا رەھمەت ئۇستاز!

مەتتۇردى

ئەسسالامۇ ئەلەيكۇم
بۇبەك ياخشى تىمىكەن مۇشۇنداق ياخشى تىمىلىرىڭىز ئۈزۈلۈپ قالمىسۇن؟رەخمەت سىزگە

بەختىيار(بايقاش

گۈلزار ئالى باشقۇرغۇچى كىشى قەلىبىنى لال قىلىدىغان تېتىملىق تېمىلارنى يوللاپ كېلىۋاتىسز،رەھمەت سىزگە!

قەسىر

###دوستىڭىزنىڭ ئازراق سەۋەنلىكىنى بايقاپ قالسىڭىز،تەنبىھ بىلەن ئەمەس بەلكى،تەسەللىي تەربىيە ئارقىلىق ئەمەلىي ھەركىتىڭىزدە ياردەم بېرىڭ.خۇددى «ئەقىلگە ئىشارەت،نادانگە سۆز»دېگەندەك.

###دوستىڭىزدىن سەۋەنلىك ئۆتۈپ قالسا سەۋەبىنى سوراشتىن بۇرۇن دىلىگە ئازار بېرىپ قويۇشتىن قەتئىي ساقلىنىڭ.

###دوستىڭىزنىڭ بېشىگە چۈشكەن ھەر قانداق قىيىنچىلىققا قاراپ تۇرماستىن بېغىشلاش-ئاتاش،سەمىمى ھەمكارلىشىش روھىڭىزنى ئۆزلۈكسىز يېڭىلاپ تۇرۇڭ.

  تېمىڭىزگە رەھمەت، قايىل قىلارلۇق ئالتۇن قۇرلاردىن بەھىرلەندىم ........

زەپەر

مۇشۇنداق دوسلىقنى قەدىرلەيدىغان  ياخشى تىمىڭىز ئۈزۈلمىگەي رەخمەت سىزگە سىزمۇ باركەنسىز گۈلزار ھە يۇقاپ كەتمەڭ . سىزگە ئاتاپ بىر يۇمۇر كەلتۈرۈپ قويغانتىم پەقەتلا كورمەپسىزدە .كۈرۈپ بېقىڭ