بالىلارنىڭ چىشى كىچىك ۋاقتىدا رەتسىز ئۆسۈپ قالسا، چوڭ بولغاندا رەتلىمەك تەسكە توختايدۇ. بىر قىسىم ئاتا-ئانىلارنىڭ بالىلىرىنىڭ چىشى رەتسىز ئۆسۈپ قالغانلىقتىن، چىراي شەكلىگە تەسىر يەتكۈزۈشىدىن ئەنسىرەيدۇ. شۇنداقلا بۇنىڭ سەۋەبىنى تېپىشقا تىرىشىدۇ. ئۇنداقتا بالىلارنىڭ چىشىنىڭ رەتسىز ئۆسۈپ قېلىشىنىڭ سەۋەبى نېمە؟ بۇ توغرىسىدا شىنجاڭ ئۇيغۇر ئاپتونوم رايونلۇق ئۇيغۇر تېبابىتى دورىخانىسى ئېغىز بوشلۇقى بۆلۈمىنىڭ ۋىراچى گۈلپىيە مۇنداق دېدى:

    ـ ئادەتتە بالىلارنىڭ چىشىنىڭ رەتسىز ئۆسۈپ قېلىشىغا تۆۋەندىكى تۆت خىل ئامىل بەكرەك تەسىر كۆرسىتىدۇ.

    1. بارمىقىنى شوراش. بەزى بوۋاقلار تۇغۇلۇپ ئۇزاق ئۆتمەيلا بارمىقىنى شورايدۇ. بۇ ئۈستۈنكى چىشنىڭ سىرتقا ئۆسىشى، ئاستىنقى چىشىنىڭ ئىچىگە قاراپ ئۆسىشىنى پەيدا قىلىپ، چىشنىڭ رەتسىز ئۆسۈپ قېلىشنى كەلتۈرۈپ چىقىرىدۇ.

    2. تىلنى ئويناش. سۈت چىش بىلەن ئۆمۈر چىش چىقىدىغان مەزگىلدە، سۈت چىشنىڭ بوشاپ، ئۆمۈر چىشىنىڭ چىقىشى ياكى قالدۇق يىلتىزنىڭ ساقلىنىش قېلىشى سەۋەبلىك بالىلار دائىم تىلى بىلەن چىش چىقىدىغان ئورۇننى يالايدىغان ئەھۋال كۆرۈلىدۇ. ۋاقىت ئۇزارغانسېرى تىلنى ئويناش ئادىتى شەكىللىنىپ چىشنىڭ رەتسىز ئۆسۈپ قېلىشىنى كەلتۈرۈپ چىقىرىدۇ.

    3. نەرسىلەرنى قالايمىغان چىشلەش. چىش چىقىش مەزگىلىدە بالىلار سوسكىسىنى چىشلەشكە ئامراق كېلىدۇ، بۇ خىل ھالەت ئۇزاق مەزگىل داۋاملاشقاندا چىشنىڭ رەتلىك ئۆسۈشىگە تەسىر كۆرسىتىدۇ.

    4. ئاستىنقى كالپۇكنى چىشلەش. ئادەتتە بالىلار بەش ياشتىن ئاشقاندىن كېيىن كەيپىياتىدا تۇراقسىزلىق كۆرۈلۈپ، كالپۇكنى چىشلەش ئارقىلىق غەمكىنلىكنى ئىپادىلەيدۇ. بۇنداق ھەرىكەت چىشنىڭ كۆركەم ئۆسۈشىگە بەلگىلىك تەسىر يەتكۈزىدۇ.

(تەھرىر : سەپەر)

• بوۋاقلارنى سۈرەتكە تارتقاندا .......
• بالىلارنىڭ چىشىنىڭ رەتسىز ئۆسۈپ قېلىشى
• بالىلارغا قاتتىق يېمەكلىكلەرنى بېرىپ ت
• كالا سۈتى بىلەن بېقىلغان بالا نېمە ئۈچۈ
• سۈت پاراشوكى بىلەن بېقىلغان بالىلار يۇۋ
• بالىڭىز يۆتىلىپ قالغاندا دۈمبىسىنى ئۇۋ
• بالىلار كۈزدە ئاچچىقسۇنى كۆپرەك ئىستېم
• بالىلاردا ئىشتىھاسىزلىق كۆرۈلسە...
• تەۋرەنمە ئويۇنچۇق ئاپتوموبىلى ۋە بالىل
• ئەللەي ناخشىسىنى ئېيتىپ بېرىش بالدۇر تۇ
• ئۈچ ياشقا توشمىغان بالىلار چىش پاستىسى
• بوۋاقلارنىڭ يىغلىشى
• بوۋاقلار يات نەرسىلەرنى يۇتۇۋالغاندا.
• بالىلار رەڭلىك كۆزەينەك تاقىماسلىق كېر
• بالىلار ساغلاملىقىنى ساقلاشتىكى ئون چو
• بالىلارغا ياتقۇزۇپ دورا ئىچۈرمەڭ