چىنىقىشنىڭ كام بولۇشى ‹‹پارنىك بالا›› لارنى كۆپەيتتى

   ‹‹ئاتا – ئانىلارنىڭ بالىلىرىنى يۈگۈرتمەسلىكى، مەكتەپلەرنىڭ يۈگۈرتۈشكە جۈرئەت قىلالماسلىقى، ئوقۇغۇچىلارنىڭ يۈگۈرۈشنى خالىماسلىقى ياكى يۈگۈرۈشنىڭ ئەھمىيىتىنى بىلمەسلىكى››گە قارىتا، نەنجىڭ سانائەت ئۇنىۋېرسىتېتى تەنتەربىيە بۆلۈمىنىڭ مۇدىرى ۋاڭ زۇڭپىڭ ئوقۇغۇچىلارنىڭ ئۆگىنىش نەتىجىسىدە ئۆرلەش بولغان بولسىمۇ، بىراق بەدەن ساپاسى تۆۋەنلەپ كەتتى. ئوغۇللارنىڭ 1000 مېتىر، قىزلارنىڭ 800 مېتىرغا يۈگۈرۈش تۈرلىرىنى مىسالغا ئالساق، ھازىر ئۇلارنىڭ ئوتتۇرىچە نەتىجىسى 10 يىلدىن بۇرۇنقىدىن ئون سېكۇنتتىن كۆپرەك ئازلاپ كەتتى، دېدى.

   ھازىر مەكتەپلەردە ‹‹كىچىك بودەكلەر›› كۈنسېرى كۆپەيمەكتە. يېڭىدىن ئېلان قىلىنغان ‹‹2011 – يىللىق بېيجىڭ شەھىرىنىڭ ساغلاملىق تەكشۈرۈش دوكلاتى››دىن ئاشكارىلىنىشىچە، تولۇق ئوتتۇرا مەكتەپكە قوبۇل قىلىش سالامەتلىك تەكشۈرۈشىگە قاتناشقان 75 مىڭ ئوقۇغۇچىنىڭ %14 لاياقەتلىك بولغان. كۆرۈش ئىقتىدارى ئاجىز بولغانلار %86كە يەتكەن. بۇنىڭ ئىچىدە ئوغۇللارنىڭ %15تىن، قىزلارنىڭ بولسا %10تىن ئېشىپ كەتكەن.

   ‹‹ھازىرقى بالىلارنىڭ بويى ئېگىز بولسىمۇ، بىراق ئۇلار پارنىك بالىلىرىغا ئوخشايدۇ. نەنجىڭدىكى بىر تولۇق ئوتتۇرا مەكتەپ مۇدىرى 20 يىل كۆزىتىش ئارقىلىق ئوقۇغۇچىلارنىڭ بەدەن ساپاسىنىڭ تۆۋەنلەپ كېتىشىدىكى سەۋەبنى ئۇلارنىڭ ‹‹ ئۇزۇنغا يۈگۈرمىگەنلىكى، تېز يۈگۈرمىگەنلىكى، ئېگىزگە، يىراققا سەكرىمىگەنلىكى››دە بولۇۋاتقانلىقىدىن دەپ قارىغان. كۆپلىگەن ئاتا – ئانىلار ئالىي مەكتەپ ئىمتىھان رىقابىتى ئوقۇغۇچىلارنىڭ يىراقنى كۆرەلمەسلىك نىسبىتىنىڭ يۇقىرى بولۇشىنى، بەدەن ساپاسىنىڭ تۆۋەن بولۇشىنى كەلتۈرۈپ چىقارغان مۇھىم ئامىل دەپ قارايدۇ. ئاتا – ئانىلار بالىلىرىنى كۆپرەك چېنىقىشقا قاتناشتۇرۇشنى ئويلايدۇ. بىراق ئۇلارنىڭ ئۆگىنىش ۋەزىپىسى زىيادە ئېغىر، ۋاقتى يوق، ئۇنىڭدىن باشقا ئاتا – ئانىلارنىڭ بالىلارنىڭ ساغلاملىقىنى ئاسراش ئۇسۇلىنىڭ كەمچىل بولۇشىمۇ ‹‹پارنىك بالا››نىڭ كۆپىيىشىدىكى مۇھىم سەۋەبلەرنىڭ بىرى بولۇپ قالدى. كۆپلىگەن ئاتا – ئانا پەرزەنتلىرىنى زىيادە ئەتىۋارلايدۇ، ئائىلە ئىشلىرىنى قىلدۇرمايدۇ، سىرتقا چىقسا ئاپتوموبىلدا ئولتۇرغۇزىدۇ، بەزىدە بالىلارغا ئوزۇقلۇق تولۇقلاشنى ئويلاپ، ئىلمىي يېمەك – ئىچمەككە دىققەت قىلمايدۇ. ئۇنىڭدىن باشقا ئىنتېرنېت تورىنىڭ ئومۇملىشىشىغا ئەگىشىپ، كۆپلىگەن بالىلار ئېلېكتىرونلۇق ئويۇنچۇققا مەپتۇن بولۇپ كېتىپ، ھەرىكەت قىلمايدۇ.

    يىغىنچاقلىغاندا، ئاتا – ئانىلار بالىلىرىنى كۆپرەك چېنىقىشقا قاتناشتۇرۇپ، ئۇلارغا ئۈلگە بولغاندا، پارنىك بالىلار ئازلايدۇ.

(تەھرىر : admin)

• يېرىم ياشقا توشمىغان بوۋاقلارغا تۇخۇم ئ
• چىنىقىشنىڭ كام بولۇشى ‹‹پارنىك بالا››
• بالىلارنىڭ قورسىقى دائىم ئاغرىسا...
• بالا ئالتە ياشتىن بۇرۇن كېكەچلىسە ئەنسى
• ئاياللار ۋە بالىلار ساغلاملىق بىلىملى
• بوۋاقلار قەۋزىيەت بولۇپ قالسا قانداق قى
• بالا باققۇچى ئالتە ياشلىق بالىنى يىڭنە
• سەرگەردان بالىلارغا غەمخورلۇق قىلغانلى
• بالىلارنىڭ يۈزى تارتىشىپ قالغاندا...
• مېۋە چېۋە كۆكتاتىنىڭ ئورنىنى باسالامدۇ
• بالىلارغا زىيانلىق ئون قىلىق.
• بوۋاقىنى قانداق ئاپتاپسىندۇرۇش كېرەك.
• بوۋاقنى دائىم ياتقۇزۇپ قويۇش توغرىمۇ؟
• بالىلار قانداق مىشىقىرىش كېرەك؟
• يەتتە ئايلىق بوۋاقلارغا قوشۇمچە يىېمەك
• يوغان سورتلۇق ھالۋابىدىت يۆتەلگە داۋا.