پەرزەنتلەرگە قائىدە – يوسۇن تەربىيەسى كەم بولمىغاي

مۇھەممەدتۇرسۇن ئەخمەت

   قائىدە – يوسۇن تەربىيەسى تەلىم – تەربىيەنىڭ مۇھىم مەزمۇنىدۇر. كىشىلەر قائىدە – يوسۇنلۇق كىشىنى تەربىيە كۆرگەن، ئۇقۇمۇشلۇق دەپ تەرىپلىسە، قائىدە – يوسۇننى بىلمەيدىغان كىشىنى تەربىيە كۆرمىگەن، قارا قورساق، دەپ داتلايدۇ. خەلقىمىز ئارىسىدا ئېسىل قائىدە – يوسۇنغا ئەمەل قىلىش ئىشلارنىڭ خەيرلىك بولۇشىدىكى بىر شەرت، دەپ قارالغاچقا، ھەربىر ئىشنىڭ قائىدە – يوسۇندىن چەتنەپ كېتىشىگە يول قويۇلمايدۇ. شۇڭا ئاتا – ئانىلار پەرزەنتى تۇغۇلغاندىن تارتىپلا، قىز بولسا قىزلارغا خاس، ئوغۇل بولسا ئوغۇللارغا خاس قائىدە – يوسۇنلارنى ئۆگىتىشكە باشلايدۇ. ئەگەر ئاتا – ئانا بولغۇچى پەرزەنتىگە قائىدە – يوسۇنلارنى ئۆگەتمىسە ئاۋام تەرىپىدىن ئەيىپلىنىدۇ، قائىدە – يوسۇن بىلمەيدىغان پەرزەنتلەرمۇ جامائەت ئارىسىدا قارشى ئېلىنمايدۇ. قائىدە – يوسۇن پەرزەنتلەرنىڭ قەلبىدە ئەل – يۇرتقا نىسبەتەن ھۆرمەت، مۇھەببەت تۇيغۇسى ئويغۇتىدۇ. قائىدە – يوسۇندىن چەتنىگەن پەرزەنتلەرنىڭ قەلبى ئەل – يۇرتتىن يىراقلاپ كېتىدۇ. ئەگەر قائىدە – يوسۇنلار بۇزۇلسا، جەمئىيەت تەرتىپىمۇ بۇزۇلىدۇ، ئۇ چاغدا گۈزەللىكتىن سۆز ئاچقىلى بولمايدۇ.

   مۇشۇ نوقتىلاردىن قارىغاندا، پەرزەنتلەرگە قائىدە – يوسۇن تەربىيەسى تائامدەكلا مۇھىم. ئۇنداقتا، قائىدە – يوسۇن تەربىيەسىنى قانداق بەرگۈلۈك؟ بىرىنچىدىن، كىچىكىدىن باشلاپلا بەرگۈلۈك. چۈنكى ئائىلە جەمئىيەتلەشكەن قائىدە – يوسۇنلارنىڭ بۇلىقى. بۇ ‹‹بۇلاق›› پەرزەنتلەر قائىدە – يوسۇننى ئەڭ بۇرۇن قوبۇل قىلىدىغان ئورۇن. پەرزەنتلەرنىڭ كىچىك ۋاقتىدا قوبۇل قىلىشى ۋە خاراكتېر يېتىلدۈرۈشى تېز بولىدۇ. شۇڭا پەرزەنتلەرگە كىچىكىدە ئېلىپ بېرىلغان تەربىيە ئۇلارنىڭ ئۆسۈپ يېتىلىشىدە مۇھىم رول ئوينايدۇ. ئىككىنچىدىن، ئاتا – ئانىلار پەرزەنتلەرگە ئۈلگە بولغۇلۇق. پەرزەنتلەردە ئۆسۈپ – يېتىلىش مەزگىلىدە دوراش خاراكتېرى كۈچلۈك بولىدۇ. ئاتا – ئانىلارنىڭ يۈرۈش – تۇرۇش ۋە ئىش – ھەرىكەتلىرى تەبىئىي تەسىر كۆرسىتىدۇ. ماتېرىيالغا ئاساسلانغاندا، 150 ئۆسمۈر جىنايەتچىنى تەكشۈرۈش نەتىجىسىدىن قارىغاندا، ئۇلارنىڭ %40 نىڭ ناچار ئائىلە مۇھىتىدا چوڭ بولغانلىقى بايقالغان. شۇڭا، ئاتا – ئانىلار پەرزەنتلەرگە قائىدە – يوسۇن تەربىيەسى بېرىشتە ئالدى بىلەن ئۆزلىرى قائىدە – يوسۇنلۇق بولغىنى تۈزۈك. ئۈچىنچىدىن، ئەمەلىي بولغۇلۇق. تەربىيەدە ئۇنداق قىل، بۇنداق قىل دەپ بۇيرۇق بىلەن مەقسەتكە يەتكىلى بولمايدۇ. تۇرمۇشتا قائىدە – يوسۇنلار داۋاملىق ئۇچراپ تۇرىدۇ. شۇنداق چاغلاردا پۇرسەتنى چىڭ تۇتۇپ پەرزەنتلەرگە قائىدە – يوسۇننى ئىما – ئىشارەت بىلەن، ئۆيگە قايتقاندا چۈشەندۈرۈش بىلەن بىلدۈرگۈلۈك. شۇنداق قىلىپمۇ قائىدە – يوسۇن تەربىيەسىدە ئۈنۈم قازانغىلى بولىدۇ.

()

• . بالىڭىزنىڭ سوئالىغا سەل قارىماڭ
• . پەرزەنتلەرگە قائىدە – يوسۇن تەربىيەسى
• . ئائىلە تەربىيەسى گەپ ئاڭلىتىش تەربىيەس
• . ئائىلە ۋە ئەرلەرنىڭ مەسئۇلىيىتى
• . بالىلار تەربىيەسىدە بۆشۈكنىڭ رولى
• . پەرزەنتىڭىزگە كىتاب ئوقۇپ بېرىڭ
• . بالىڭىز بىلەن سىردىشىپ باقتىڭىزمۇ؟
• . بالىلار تەربىيەسىدە بۆشۈكنىڭ رولى
• . ئانىنىڭ كۆيۈمچانلىقى بالىنى تېخىمۇ ئەق
• . ئائىلە تەربىيەسى ھەققىدە ئويلىغانلىرىم
• . ھامىلدار ئاياللار تاماكا چەكسە،نەۋرىسى
• . بالىڭىز سەۋەنلىك ئۆتكۈزگەندە
• . ئائىلە تەربىيىسىدىكى 100 خىل ئۇسول
• . ‹‹بالىلار بىر ياشتن باشلاپ كىتاب ئوقۇس
• . ئائىلە تەربىيەسىدىكى بىر مىنۇت
• . قانداق قىلغاندا ياخشى ئائىلە باشلىقى بو