ياپونىيە: بالىلار پارچە پۇرات پۇللارنى خەجلەش ئارقىلىق تۇرمۇش ئۆگىنىدۇ
 

ياپونىيەدە ئائىلە تەربىيەسىگە ئەھمىيەت بېرىلىدىغان بولۇپ بالىلارنىڭ ئۆز كۈچىگە تايىنىپ تۇرمۇش كەچۈرۈشىنى، باشقىلاردىن قەرز سورىماسلىقنى شۇنداقلا بالىلارنىڭ ئۆزىنىڭ پارچە پۇرات پۇللىرىنى باشقۇرۇشىنى تەلەپ قىلىدۇ. ياپونىيەدە «كۈن نۇرى بىلەن ھاۋا تەبىئەتنىڭ بىزگە قىلغان ھەدىيەسى، ئۇنىڭدىن باشقا ھەرقانداق نەرسىگە ئەمگەك بىلەن ئېرىشش كېرەك» دەيدىغان سۆز بار، ئاتا-ئانىلار مانا مۇشۇ بىر جۈملە سۆزنى بالىلىرىنىڭ ئىدىيەسىگە سىڭدۈرىدۇ. ياپونىيەدە بالىلارغا پۇل تېپىش، پۇل خەجلەش، پۇل يىغىش، مال-دۇنيانى باشقىلار بىلەن تەڭ بەھىرلىنىش، باشقىلارغا پۇل بېرىپ تۇرۇش ۋە پۇل ئۆتۈنۈپ قىممەت يارىتىشنى ئۆگىتىش مالىيە باشقۇرۇش تەربىيەسىدىكى مۇھىم مەزمۇن ھېسابلىنىدۇ. بۇ مەزمۇنلار ئۆسمۈر بالىلارنىڭ پۈتكۈل تەربىيەسىگە سىڭىپ كىرگەن بولۇپ بالىلاردا كۈچلۈك مالىيە ئېڭى شەكىللەندۈرۈلگەن. مانا بۇ ياپونىيەنىڭ ئىلغار ئىقتىساد باشقۇرۇش خادىملىرىنى تەربىيلەپ يېتىشتۈرۈشىدە مۇستەھكەم بولغان ئادەم كۈچى مەنبەسى بولۇپ قالغان.