باشلانغۇچ مەكتەپتىن تولۇقسىز ئوتتۇرىغا ئۆرلەپ ئوقۇشتا، ئالاھىدىلىكى بار ئوقۇغۇچىلارنى قوبۇل قىلىش نىسبىتى كېمەيتىلىدۇ

26-يانۋار مائارىپ مىنىستىرلىقى «باشلانغۇچ مەكتەپتىن تولۇقسىز ئوتتۇرىغا ئۆرلەپ ئوقۇشتا يېقىن جايدا ئىمتىھانسىز ئوقۇشقا كىرىش خىزمىتىنى يەنىمۇ ياخشى ئىشلەش توغرىسىدىكى پىكىر»نى ئېلان قىلىپ، جايلاردىكى باشلانغۇچتىن تولۇقسىزغا ئۆرلەپ ئوقۇش سىياسىتىنىڭ «يولى»نى بېكىتىپ، ئالاھىدىلىكى بار ئوقۇغۇچىلارنىڭ نىسبىتى ۋە كومپيۇتېر ئارقىلىق رەتكە تىزىش ئۇسۇلى قوللىنىلىدىغان ئەھۋاللار قاتارلىق ئامما كۆڭۈل بۆلىدىغان مەسىلىلەر ھەققىدە ئېنىق قىلىپ بەلگىلىمە چىقاردى. «پىكىر»دە 2016-يىلىغا بارغاندا ئالاھىدىلىكى بار ئوقۇغۇچىلارنى قوبۇل قىلىدىغان مەكتەپلەردىن قوبۇل قىلىدىغان ئالاھىدىلىكى بار ئوقۇغۇچىلارنىڭ نىسبىتىنى %5 گە چۈشۈرۈش تەلەپ قىلىندى. جايلارنىڭ تەپسىلىي بەلگىلىمىلىرىمۇ ئۇزاققا قالمايلا ئېلان قىلىنىدۇ.