دىلبەر يۇنۇس 1958- يىلى قەشقەر شەھىرىدىكى بىر ئاددىي خىزمەتچى ئائىلىسىدە دۇنياغا كەلگەن بولۇپ ، ئۆزىنىڭ ئاكاردىيۇن چېلىشتىكى ماھىرلىقى ۋە ئاھاڭنىڭ ياخشىلىقى بىلەن 1976- يىلى شىنجاڭ ناخشا - ئۇسۇل ئۆمىكىگە قوبۇل قىلىنغان . 1980- يىلى ئۇ مەركىزى مۇزىكا ئىنىستۇتىغا قوبۇل قىلىنىپ ، ئېلىمىزنىڭ داڭلىق ناخشا- مۇزىكا تەربىيىچىسى چېن شىياڭنىڭ يېتەكلەپ تەربىيىلىشىدە بولغان . دىلبەر يۇنۇس ئۇستازىنىڭ قاتتىق تەلەپ قويۇشى، ئۆزىنىڭ تىرىشچانلىق كۆرسىتىشى بىلەن ناخشا تۇرى، مۇزىكا، ئۇسلۇب، چەتئەل تىلى قاتارلىق جەھەتلەردە يەتتە يىل ئەتراپلىق بىلىم ئېگىلىپ ، 1987- يىلى جۇڭگودىكى تۇنجى ناخشىلىق مۇزىكا ماگىستىرلىق ئۇنۋانىغا ئېرىشكەن . 1984- يىلى 8- ئايدا فىنلاندىيىنىڭ پايتەختى خېلسنكىدا ئۆتكۈزۈلگەن تۇنجى نۆۋەتلىك خەلقئارالىق مىريام ھايلىن ناخشا مۇسابىقىسىدە بىرىنچىلىككە ئېرىشىپ، دۇنياۋى شۆھرەت قازانغان . دىلبەر يۇنۇس فىنلاندىيە دۆلەت ئوپېرا ئۆمىكىدە بىرىنچى دەرىجىلىك ئارتىس بولۇپ تۇرغان بەش يىل ئىچىدە، گوللاندىيە،دانىيە، شۋېتسىيە، ئىتالىيە، ئاۋستىرىيە ، ئىسپانىيە ، نورۋېگىيە شۋېتسارىيە، تۈركىيە ، ئامېرىكا، كانادا، ياپۇنيە ، سىنگاپور قاتارلىق نۇرغۇن دۆلەتلەردە 150 مەيدان يالغۇز كىشىلىك ناخشا كېچىلىكى ئۆتكۈزۈپ ، دۇنيا سەنئەت ساھەسىدىكىلەرنى ھەيران قالدۇردى ۋە يۇقىرى باھاغا ئېرىشتى.

　　دىلبەر يۇنۇس بېيجىڭدا ئوقۇپ ، بېيجىڭدا ئىشلەپ دۇنياغا تونۇلغان ئاتاقلىق ناخشىچىلىرىمىزنىڭ بىرى . ئۇ 1993- يىلىدىن 1996- يىلىغىچە گېرمانىيىنىڭ بونن دۆلەت تىياتىرخانىسىنىڭ يالغۇز كىشىلىك ناخشىچىلىقىغا تەكىلىپ قىلىنغان. 1997- يىلى ۋە 1998- يىلى ئۇدا ئىككى يىل دۇنيا بويچە مەشھۇر يۇقىرى ئاۋازلىق ئايال ناخشىچى بىرىگىت نېلسۇن مۇكاپاتى- شۋېتسىيە ئەڭ ياخشى ئوپېرا ئاتىسى مۇكاپاتىغا ئېرىشكەن. ھازىر ئۇ فىنلاندىيە دۆلەت ئوپېرا تىياتىرخانسسنىڭ ئۆمۈرلۈك ناخشىچىسى بولۇپ، فىنلاندىيە بىلەن شۋېتسىيە ئۇنىڭغا « دۆلەت گۆھىرى » دەپ نام بەرگەن.

　　مەنبە: جۇڭگو رادىيو تورى شىنجاڭ ئۇيغۇرچە قانىلى

(تەھرىر : admin)

• خەلق پۇلىدىكى ئۇيغۇرچە خەتنى يازغان كىش
• ئىپارخاننىڭ قىسقىچە تارىخى
• مەشھۇر كىشىلىرىمىزنىڭ قىسقىچە تەرجىمىھ
• ئابدۇرېھىم ئۆتكۈر تەرجىمىھالى
• خوجىنىياز ھاجى ھەققىدە
• مايۈن - %95 دوكتۇرنى ئىشتىن بوشاتقان دىرې
• ھەقىقىي كارخانىچى ما يۈن
• مايۈن قانداق ئىگىلىك تىكلىگەن
• مايۈننىڭ مۇۋاپپەقىيەت قازىنىش جەريانى
• مەمتىمىن ھۇشۇر
• خىمىيە پەنلىرى دوكتۇرى — تۇرغۇن مۇھەمم
• مۇستاپا كامالنىڭ ئۇيغۇر دوستى ــ ئىسمائ
• مېنىڭ ئىنىم دوكتۇر ئابدۇرېھىم تۇرسۇن
• دوكتور ئابدۇرېھىم تۇرسۇن ۋا
• دىلبەر يۇنۇس- دۇنياغا داڭلىق يوقۇرى ئاۋ
• مەرھۇم يولۋاسخان ئىمىن