ۋاقتى:2014-02-16 12:39 | مەنبە:مىسرانىم | ئاپتورى:admin | كۆرۈلىشى:قېتىم
رۇستەم قاراسۇ ئىجادىيتى
ئۆزىمىزنى قوللايلى
كېرىيەدە يەر تەۋرەپ ئاۋام قالسا كۈلپەتتە،
كارخانچىلار ئەڭ ئاۋال باستى ئەلنى باغرىغا.
ئەلدىن ئىلىپ ئەل ئۈچۈن بەردى مىللى كارخانا،
كۈيلەيلى بىز شۇلارنى سۇناي قېتىپ ناغرىغا.
يۇقاتماقنى ئويلىماڭ باش كۆتۈرسە قېرىنداش،
راۋا كۆرمەس خۇدامۇ كۆرەلمەسنى ھەسەتنى.
قۇيۇپ تۈرىك ئۆزبەكنى گۈللىتەيلى مىللەتنى،
سەنئەت سۆيسەك ئەڭ ئاۋال سۆي ئۇيغۇرچە سەنەتنى.
كارخانچىلار گۈللىسە گۈللىمەمدۇ ئانا يۇرت،
كارخانچىنىڭ قەلبىدە ۋەتەن ئېشقى ھەر زامان.
ئۆزىمىزنى ئۆزىمىز قوللايلى بىز ئەڭ ئاۋال،
يۇقاتمايلى بىرلىكنى ھاڭ-تاڭ قالسۇن يەر جاھان.
