ھازىرنىڭ ئۆزى بىر بەخت
بىر باي بىلەن بىر كەمبەغەل نېمىنىڭ بەخت ئىكەنلىكى توغرىسىدا پاراڭلىشىپ قاپتۇ، كەمبەغەل ئادەم: -ھازىرنىڭ ئۆزى بىر بەخت دەپتۇ.
باي ئۇنىڭ كەپىسى، جۇل جۇل كىيىمىگە قاراپ:
-بۇنى قانداقمۇ بەخت دېگىلى بولسۇن؟ مەن دېمەكچى بولغان بەخت بولسا ھەشەمەتلىك تۇرالغۇ، مىڭلىغان چاكارنى كۆرسىتىدۇ،-دەپتۇ.
بىر كۈنى باينىڭ ئۆيىگە ئوت كېتىپ، ھەشەمەتلىك تۇرالغۇسى كۆيۈپ كۈل بولۇپ كېتىپتۇ، چاكارلىرىمۇ قېچىپ كېتىپتۇ. شۇنداق قىلىپ، باي بىر كېچىلا نامراتقا ئايلىنىپ قاپتۇ. قاتتىق ئىسسىق بىر كۈنى چىلىق-چىلىق تەرگە چۆمگەن ھېلىقى نامراتلىشىپ كەتكەن باي كەمبەغەلنىڭ ئۆيىنىڭ ئالدىدىن ئۆتۈپ كېتىۋېتىپ ئۇسسۇزلۇق سوراپ كىرىپتۇ، كەمبەغەل بىر پىيالە سۇنى ئۇنىڭغا بېرىپ ئۇنىڭدىن:
- ھازىر نېمىنىڭ بەخت ئىكەنلىكنى بىلدىڭمۇ؟- دەپ سوراپتۇ. نامراتلىشىپ كەتكەن باي كۆزىگە ياش ئېلىپ تۇرۇپ:
- بەخت دېگەن سەن بەرگەن مۇشۇ بىر پىيالە سۇ،-دەپتۇ.
بۇ ھېكايىدىن نېمىنى چۈشەندىڭىز؟ مېنىڭچە، ھازىرنىڭ ئۆزى بىر بەخت. ھازىرىنى كەلگۈسىگە ئۇلىسىڭىز، ئۆمۈرلۈك بەختكە ئېرىشكەن بولىسىز. ھازىرنى قەدىرلەڭ، قولىڭىزدىكى بىر ئىستاكان سۇ، ئادەتتىكى تاماق، ئادەتتىكى خىزمىتىڭىزنىڭ ھەممىسى بەخت.
شىنجاڭ قانۇنچىلىق گېزىتىدىن ئېلىندى.