نۇرغۇن ئاتا-ئانىلار ئېمىزگىنى بۆشۈك ۋە زاكىغا ئوخشاش بوۋىقى ئۈچۈن كەم بولسا بولمايدىغان نەرسە، دەپ اقرايدۇ. لېكىن ئېمىزگىنىڭ پايدىلىق تەرەپلىرى بولغاندەك، زىيانلىق تەرەپلىرىمۇ بولۇشى مۇمكىن، شۇڭا ئىشلەتكەندە مۇنداق نۇقتىلارغا دىققەت قىلىش كېرەك.
ئانا سۈتىنى ياخشى ئېمىتىشكە ئادەتلەنگەندىن كېيىن ئىشلىتىش.
بوۋاقلار ئانا سۈتىنى ئېمىشكە ئادەتلەنگەندىن كېيىن ئېمىزگە ئىشلىتىش كېرەك. بالا يىغلىسىلا تۇنجى بولۇپ ئېمىزگە ئىشلەتمەسلىك كېرەك.
ئېمىزگىنى بوۋاقنىڭ قورسىقى تويغاندىن كېيىن ياكى ئىككى قېتىملىق ئېمىشنىڭ ئارىلىقىدا ئىشلىتىش، ئۇنىڭ ئوزۇقلۇققا تەسىر قىلىشنىڭ ئالدىنى ئېلىش كېرەك.
ئېمىزگىنىڭ تازىلىقىغا دىققەت قىلىش، بوۋاق ئالتە ئايلىق بولۇپ ئىممۇنىتېت كۈچى يېتىلگىچە قۇرۇق ئېمىزگىنى قەرەللىك دېزىنفىكسىيە قىلىش كېرەك. ئالتە ئايلىقتىن كىچىك بوۋاقلارغا چوڭلار ئاغزىدا نەمدەپ بېرىشتىن ساقلىنىش كېرەك.
بىخەتەرلىككە دىققەت قىلىش. بوۋاقنىڭ بوينى ياكى پۇت-قولىغا يۆگىشىپ قالىدىغان ئۇزۇن يىپ بىلەن ئېمىزگىنى بوۋاققاا ئېسىپ قويماسلىق كېرەك.
ئېمىزگىگە تاتلىق نەرسىلەرنى مىلاپ بوۋاققا بەرمەسلىك كېرەك.
تۆۋەندىكى مەزمۇننى يانفۇنىڭىزدا دوستلىرڭىز بىلەن تەڭ بەھىرلىنىڭ !
