جۇڭگونىڭ ئەڭ شەرقىدە ئۆسىدىغان بىرخىل بامبۇك بار. ئۇ يەردىكى دېھقانلار ھەممە يەرگە دېگۈدەك مۇشۇ خىل بامبۇك ئۇرۇقىنى تېرىپ، كۆڭۈل قويۇپ پەرۋىش قىلىدۇ. ئۇرۇق بىخ سۈرگەندە، دېھقانلار شۇنچە كۆڭۈل قويۇپ پەرۋىش قىلسىمۇ، تۆت يىلدا ئاران ئۈچ سانتىمېتىر ئۆسىدۇ. باشقا يەرلىك كىشىلەر باشلىرىنى چايقىغىنىچە ھەيرانلىقنى ئىپادىلەيدۇ. ئەمما ئۇ بامبۇك بەش يىلدىن كېيىن ھەر كۈنى 30 سانتىمېتىرلىق سۈرئەت بىلەن ئۆسۈپ، 6 ھەپتىدىلا 15 مېتىر ئېگىزلەپ، كۆزنى يۇمۇپ ئاچقۇچە ياپيېشىل بامبۇكزارلىققا ئايلىنىدۇ.
گەرچە بىزگە تۆت يىلدا ئاران ئۈچ سانتىمېتىر ئۆسۈپ، 6 ھەپتىدىلا كىشىنى ھەيران قالدۇرغىدەك ئۆزگىرىش بولغاندەك تۇيۇلسىمۇ، ئەمەلىيەتتە ئۇ بامبۇك تۆت يىل ئىچىدە نەچچە يۈز كىۋادرات مېتىرلاپ يىلتىز تارتىدۇ. ئەتراپىمىزدا مۇشۇنداق كىشىلەر كۆپ، ئۇلار شۇنچە تىرىشسىمۇ نەتىجىسى كۆزگە چېلىقمايدۇ، باشقىلارنىڭ نەزىرىدە ئەخمەق ياكى بىتەلەي ھېسابلىنىدۇ. ۋاقتى كەلگەندە ئۇلارمۇ ھەم باشقىلار خىيالىغىمۇ كەلتۈرمىگەن يۈكسەك چوققىلارغا چىقىدۇ. ئېھتىمال سىز ھازىر قىلىۋاتقان ئىشىڭىزدا ھېچقانچە نەتىجە قازانمىغانسىز، ھېچقىسى يوق، ئېسىڭىزدە بولسۇنكى سىز پەقەت ھازىرچە يىلتىز تارتىۋاتقان بىر تال بامبۇك...