رۇسىيە پۇل مۇئامىلە سىستېمىسى ئۇنىۋېرسال باھالاشتا 39 - ئورۇندا تۇردى

      دۇنيا ئىقتىسادىي مۇنبىرى تەشكىلاتى يېقىندا ئېلان قىلغان 2012 - يىللىق پۇل مۇئامىلە تەرەققىيات دوكلاتى غا ئاساسەن، رۇسىيە پۇل مۇئامىلە سىستېمىسى ئۇنىۋېرسال دەرىجە باھالىشىدا دۇنيا بويىچە 39 - ئورۇندا تۇرغان. باھالاشتا ئالدىنقى ئورۇندا تۇرغان ئالتە دۆلەت ۋە رايونلار ئايرىم - ئايرىم ھالدا شياڭگاڭ، ئامېرىكا، ئەنگىلىيە، سىنگاپور، ئاۋستىرالىيە ۋە كانادادىن ئىبارەت.
      ئىگىلىنىشىچە، رۇسىيە پۇل مۇئامىلە سىستېمىسىنىڭ سودا كىرېدىتى، سىياسەت ئارقىلىق تەڭشەش، مۇقىملىق قاتارلىق كۆرسەتكۈچلىرىدىكى ئىپادىسى ياخشى ئەمەسكەن. رۇسىيەدىن سىرت، باشقا كېسەك ئالتۇن دۆلەتلىرىنىڭ باھالاش نەتىجىسىمۇ كۆڭۈلدىكىدەك ئەمەسكەن، جۇڭگو ئالدىنقى يىلىدىكى 19 - ئورۇندىن 23 - ئورۇنغا چۈشۈپ قالغان، بىرازىلىيە 30 - ئورۇندىن 32 - ئورۇنغا چۈشۈپ قالغان، ھىندىستان بولسا 36 - ئورۇندىن 40 - ئورۇنغا چۈشۈپ قالغان.

ھەمبەھىرلىنىڭ