ئۈرۈمچىدىكى كۆپ تارماقلار بىرلىكتە مەكتەپلەردىكى تازىلىق بىخەتەرلىك ئەھۋالىنى تەكشۈردى

     17-فېۋرال، ئۈرۈمچىدىكى ھەرقايسى ئوتتۇرا-باشلانغۇچ مەكتەپلەر يېڭى ئوقۇش مەۋسۈمىنى كۈتۈۋالدى. يېڭى ئوقۇش مەۋسۈمى باشلىنىشى بىلەنلا، مەكتەپ تازىلىقى، ئوت مۇداپىئە، يۇقۇملۇق كېسەللەرنىڭ ئالدىنى ئېلىش قاتارلىق مەسلىلەر كۆپچىلىكنىڭ دىققىتىنى تارتتى. 17-فېۋرال، مۇخبىرنىڭ ئۈرۈمچى شەھەرلىك مائارىپ ئىدارىسىدىن ئىگىلىشىچە، ئاتا-ئانىلار ۋە ئوقۇغۇچىلار بۇ تەرەپلەردىكى مەسىلىلەردىن خاتىرجەم بولسا بولىدىكەن، مۇناسىۋەتلىك تارماقلارنىڭ تەكشۈرۈشتىن كېيىن بايقىشىچە، ئۈرۈمچى شەھەرلىك تولۇق ئوتتۇرا مەكتەپ قاتارلىق 22 مەكتەپنىڭ بىخەتەرلىك خىزمىتى ناھايىتى ياخشى ئىشلەنگەن.

    ئىگىلىنىشىچە، ئۈرۈمچى شەھەرلىك مائارىپ ئىدارىسى، ئۈرۈمچى شەھەرلىك سەھىيە نازارەتچىلىك ئورنى، ئۈرۈمچى شەھەرلىك بىخەتەرلىكنى نازارەت قىلىش ئىدارىسى، ئۈرۈمچى شەھەرلىك ئوت مۇداپىئە ئىدارىسى قاتارلىق ئورۇنلار بىلەن بىرلىكتە ئۈرۈمچى شەھەرلىك تولۇق ئوتتۇرا مەكتەپ، 1-ئوتتۇرا مەكتەپ قاتارلىق 22 مەكتەپنىڭ بىخەتەرلىكى ۋە تازىلىقىنى تەكشۈرگەن. تەكشۈرۈش خادىملىرى نۇقتىلىق ھالدا مەكتەپ ئاشخانىسى، مەكتەپتىكى ئىچىملىك سۇ بىخەتەرلىكى، يۇقۇملۇق كېسەللىكلەرنىڭ ئالدىنى ئېلىش خىزمىتىنى تەكشۈرگەن بولۇپ، تەكشۈرۈش نەتىجىسىدە كۆپ قىسىم مەكتەپلەرنىڭ ئەھۋالى ناھايىتى ياخشى بولغان.