خوتەننىڭ چىرا ناھىيەسىدە 900 يىل بۇرۇنقى قەبرىستانلىق بايقالدى

284 2013-02-20 16:58:34 جۇڭگو ئاخبارات لىنىيىسى گۈلمىرە

T|T:خەت رەزمىرى

جۇڭگو ئاخبارات ئاگېنتلىقى ، خوتەن ، 18-فېۋرال تېلېگراممىسى : مۇخبىرنىڭ خوتەن ۋىلايىتى چىرا ناھىيەلىك مەدەنىيەت يادىكارلىقلىرى ئورنىدىن ئىگىلىشىچە ، شىنجاڭ ئارخېئولوگىيە مۇتەخەسسىسلەر ئۆمىكى 17-فېۋرال چىرا ناھىيەسىنىڭ ناھىيە بازىرىغا تەخمىنەن 30 كىلومېتىر كېلىدىغان رايوندا تەخمىنەن 900 يىل بۇرۇنقى قەدىمىي قەبرىستانلىق خارابىلىكىنى بايقىغان . مۇتەخەسسىسلەر بۇ قەدىمىي قەبرىستانلىققا ‹‹توغراق قەبرىستانلىقى ›› دەپ نام بەرگەن .

شىنجاڭ مەدەنىيەت يادىكارلىقلىرى ، ئارخېئولوگىيە تەتقىقات ئورنىنىڭ سابىق باشلىقى ، تەتقىقاتچى ئىدرىس ئابدۇروسۇل بۇ قەبرىستانلىقنىڭ مەلۇم بىر بۆلىكىدە قۇتقۇزۇش خاراكتېرلىك قېزىش ۋە ئېنىقلاش خىزمىتىنى ئېلىپ بېرىپ ، بىر بوۋاقنىڭ ئىسكىلىتىنى بايقاپ ، بۇنىڭ قىز بوۋاق ئىكەنلىكى ، تەخمىنەن 900 يىل تارىخقا ئىگە ئىكەنلىكىگە ھۆكۈم قىلغان . ئۇ : بۇ 12-ئەسىرنىڭ ئالدى-كەينىدە ياشىغان يەرلىك خەلقنىڭ قەبرىستانلىقى بولۇشى مۇمكىن ، كونكرېت يىل دەۋرى يەنە ئۇنىۋېرسال ئانالىز قىلىنىشى ۋە DNA تەكشۈرۈشىدىن ئۆتۈشى كېرەك ، دېگەن .