ئىراقنىڭ مۇئاۋىن زۇڭتۇڭى ئۆلۈم جازاسى ھۆكۈمىنى رەت قىلدى

0 2012-09-11 10:49:30 جۇڭشىن تورى گۈلمىرە

T|T:خەت رەزمىرى

ئىراق مەركىزىي جىنايى ئىشلار سوتى 9-سىنتەبىر تېررورىزىم جىنايىتى بىلەن سىرتقا سۈرگۈن قىلىنغان مۇئاۋىن زۇڭتۇڭ ھاشىمىغا ئۆلۈم جازاسى ھۆكۈم قىلدى . ھاشىمى 10-سىنتەبىر بۇنىڭغا قارىتا ئىنكاس بىلدۈرۈپ ، ئۇنىڭغا قارىتا چىقىرىلغان بۇ ھۆكۈمنى بىر <قانۇنسىزلىق>، دېدى .ئۇ ئۆزىنىڭ گۇناھسىز ئىكەنلىكىنى ئېيتتى .

ھاشىمى تۈركىيەدە ئۆتكۈزۈلگەن مۇخبىرلارنى كۈتىۋىلىش يىغىنىدا سۆز قىلىپ ، ئۆزىگە قارىتا چىقىرىلغان بۇ ھۆكۈمنىڭ بىر <قانۇنسىزلىق> ئىكەنلىكىنى ئېيتتى ھەمدە ئىراق شىئە مەزھىپىدىن بولغان زۇڭلى مارىجى بۇ ھۆكۈمنى ئۆزى بىر قوللۇق پىلانلىغان دەپ ئەيىپلىدى.

ئىگىلىنىشچە ، ئىراق ئالىي ئەدلىيە ئاپپاراتى بۇلتۇر يىل ئاخىرىدا ھاشىمىنى تېررورلۇق ھەرىكىتى بىلەن شۇغۇللانغان ھەمدە شىئە مەزھىپىدىكىلەرنى ئۆلتۈرۈشنى پىلانلىغان دېگەن گۇمان بىلەن قولغا ئېلىش بۇيرۇقى چىقارغان . ئىراق سۈننىي مەزھىپىدىن بولغان ھۆكۈمەت ئوتتۇرا دەرىجىلىكلەر ئەڭ چوڭ ئەمەلدارى بولۇش سۈپىتى بىلەن ، ھاشىمى بۇ شىكايەتنى ئىنكار قىلغان . ئۇ بۇ شىكايەت سىياسىي غەرەزگە ئىگە دېگەن . ئۇنىڭدىن كېيىن ھاشىمى ئىراقنىڭ شىمالىي قىسمىدىكى كۇرد ئاپتونوم رايونىدا ۋاقىتلىق پاناھلانغان ، ئاخىرىدا تۈركىيەگە چىقىپ كەتكەن .