ئوباما ماشىنا ئەتىرىتى ھادىسىگە يۇلۇقۇپ موتسىكىلىتلىق ساقچى قازا قىلدى

      ئاۋىستىرالىيە " كۈندىلىك تېلگىرامما گىزىتى " ۋە ئامېرىكا بىرلەشمە ئاخبارات ئاگېىنتلىقىنىڭ خەۋىرىگە ئاساسلانغاندا، ئامېرىكا زۇڭتۇڭى ئوبامانىڭ ماشىنا ئەتىرىتى 9-ئاينىڭ 9-كۈنى پالما دەرىخى ساھىلى ناھىيە يىغىن مەركىزىگە كىتىۋاتقاندا ماشىنا ھادىسىسى يۈز بىرىپ، بىر نەپەر موتسىكىلىتلىق ساقچى ھاياتىدىن ئايرىلغان.

    پالما دەرىخى ساھىلى ناھىيەسى ئەدىلىيە تارمىقىنىڭ باياناتچىسى ئۆلگۈچىنىڭ بىرۇس لاۋرېنت ئىسىملىك 20 يىللىق خىزمەت تارىخىغا ئىگە ساقچى ئىكەنلىكىنى بىلدۈرگەن. ۋەقە يۈز بەرگەندە ئۇ ئۇباما ماشىنا ئەتىرىتىدە موتسىكىلىت ھەيدەپ يول ئېچىش ۋە قوغداش خىزمىتىگە مەسئۇل بولغان ئىكەن، ۋەزىپە ئۈتەش جەريانىدا بەخىتسىزلىككە ئۇچىراپ بىر پىكارد ماشىنا بىلەن سۇقۇشۇپ كىتىپ دوختۇرخانىدا قۇتقۇزۇش ئۈنۈم بەرمەي ئۈلۈپ كەتكەن.

   نۆۋەتتە بۇ دىلو تەكشۈرۈلىۋاتقان بۇلۇپ، پىكارد ماشىنىسىنىڭ شوپۇرى تېخى ئەيىبلەنمىگەن.

 ئاق ساراي ئاخبارات كاتىپى جەي كارني ئوبامانىڭ ئەينى ۋاقىتتا ۋەقە يۈز بەرگەنلىكىنى بىلمەيدىغانلىقىنى، لىكىن ئايروپىلانغا ئولتۇرۇپ ۋاشىنگىتونغا قايتىش سەپىرىدە بۇ ۋەقەدىن خەۋەردار بولغانلىقىنى ئېيتقان.

ھەمبەھىرلىنىڭ