فرانسىيە ئاگېنتلىقى 13 – ئاپرېل خەۋىرى : 6–ئاپرېل ، ئىتالىيىنىڭ ئوتتۇرا قىسىم رايونلىرىدا 5.8 بال يەر تەۋرىگەندىن كېيىن ، ھازىرغا قەدەر يەنە 10 مىڭ قېتىمغا يېقىن قالدۇق يەر تەۋرىگەن .

     ئىتالىيە دۆلەتلىك يەر شارى فىزىكا تەتقىقات ئورنىنىڭ مەسئۇلى Bosque نىڭ ئېيتىشىچە ، 6 – ئاپرېلدىن بۇيان ، ئىتالىيىنىڭ ئوتتۇرا قىسم رايونلىرىدا ئۇدا 10 مىڭ قېتىم قالدۇق يەر تەۋرىگەن بولۇپ ، بۇنىڭ ئىچىدە 1000 قېتىمدىن ئارتۇقىنىڭ تەۋرەش سېزىمى روشەن بولغان . كەلگۈسى بىر نەچچە كۈندە يەنە ئۈچ بالدىن يۇقىرى يەر تەۋرىشى مۈمكىنكەن . تەكشۈرۈپ ئېنىقلانغان 10 مىڭ قېتىمدىن ئارتۇق يەر تەۋرەشتە ، 1000 قېتىملىق يەر تەۋرەشنىڭ دەرىجىسى 2.5 بالدىن يۇقىرى بولغان .

    بۇ قېتىمقى يەر تەۋرەش ، ئىتالىيىدە 30 يىلدىن بۇيانقى يۈز بەرگەن ئەڭ ئېغىر بىر قېتىملىق يەر تەۋرەش ھېسابلىنىدىكەن . ئىتالىيە ئاپەتتىن قۇتقۇزۇشقا قوماندانلىق قىلىش مەركىزىنىڭ ئېلان قىلغان ئەڭ يېڭى ستاتىستىكىسىغا ئاساسلانغاندا ، 12 – ئاپرېلغىچە يەر تەۋرەشتە جەمئىي 294 ئادەم قازا قىلغان .