خام ماتىريالى: قوي گۆشى،سەۋزە،پىياز، گۈرۈچ ،سۇ يېغى ،يىمىش،نۇقۇت،گۇلە 

تەم خۇرۇچلىرى: تۇز،ئاق شېكەر،زىرە 
تەييارلاش ئۇسۇلى: گۆشنى گۇلە چوڭلىىقتا پارچىلۋالىمىز.سەۋزىنى پاكىز ئادالاپ تەكشى قەلەمچە  قىلىمىز ، پىيازنى يالپاق توغرايمىز.




گۇرۇچنى 3~5قېتىم پاكىز يۇيۇپ ئىلمان سۇغا چىلاپ قۇيىمىز.

پىشۇرۇش ئۇسۇلى: قازانغا مۇۋاپىق مىقداردا(ئۇچ چىنە گۇرۇچكە بىر چىنە سۇماي ئولچەم قىلىنىدۇ ) ماي قۇيۇپ چۈچىگەندە ئوبدان داغلاپ ، ( چوڭراق قوشۇقتا بىر قوشۇق قوي ماي ئارلاشتۇرساق تېخىمۇ ياخشى ) گۆشنى سالىمىز ، گۆش قىزارغاندا پىيازنى سېلىپ سارغايغىچە قورۇپ ، ( مۇۋاپىق مىقداردا تۇز سېلىپ ) توغرالغان سەۋزىنى سېلىپ قورۇيمىز ، سۈيى پۈتۈنلەي تۈگىگەندە سۇ قۇيۇپ ، ( ئادەتتە بىر چىنە گۈرۈچكە بىر چىنە سۇ ئۆلچەم قىلىنىدۇ ، گۈرۈچنىڭ سۇ يىيىش ئەھۋالىغا قاراپ تەڭشىلىدۇ ) سۈيى پىشقىچە قاينىتىمىز ، ئاندىن تۇزىنى تەڭشەپ ( تۇزى سەل ئۆتۈپرەك كەلسە ياخشى ) قازاننىڭ قاينىشىنى نۇرماللاشتۇرۇپ ( سەۋزە ئاستىغا چۆككەندە )سەۋزە ئۇستىگە ئاق شېكەر سېلىپ بۇلۇپ ، گۈرۈچنى يەڭگىل سالىمىز ، ئوتنى كۈچەيتىپ قازاننى تەكشى قاينىتىپ ، سۈيى تۈگەشكە ئاز قالغاندا ، كاپكىرنى سەۋزىگە يەتكۈزمەي سېلىپ گۈرۈچنى بىر قېتىم ئۆرۈپ ، ئوتتۇراھال ئوتتا 2-3 مىنۇت قايناتقاندىن كىيىن سۈيى پۈتۈنلەي تۈگىگەندە ئاشنى قازاننىڭ ئوتتۇرسىغا  يىغىپ چۇكا سانچىيمىز ، ئۈستىگە سوققان زېرە سېپىپ  دۇملەيمىز. 10 مىنۇتتىن كىيىن ئوت كۈچىنى تېخىمۇ تۆۋەن ھالەتكە ئەكىلىپ يىمىش،نۇقۇت،گۇلە يەنە 20 مىنۇت دەم يىگۈزگەندىن كىيىن ئاچساق ئاش كۆيۈپ كەتمەي ياخشى پىشىدۇ ، پىشقان پولونى گۆشنى ئېلىۋىتىپ تۇرۇپ ياخشى ئارلاشتۇرۇپ تەخسىلەرگە ئۇسسىساق بولىدۇ . 


ئالاھىدىلىكى: پولونىڭ ئوزۇقلۇق قىممىتى يۇقۇرى، تەبىئىتى ئىسسىق، قۈۋەتلىك، كۈچلۈك، قويۇق تاماق بولۇپ، بەدەندىكى خورىغان ئېنىرگىيىلەرنى ۋە ئادەم بەدىنىگە زۆرۈل بولغان ھەر خىل ۋىتامىنلارنى تولۇقلايدۇ. 
ئەسكەرتىش : گۇرۇچكە چوكا سانجىغاندا قازاننىڭ تىگىگە چۇكا تەككۇزىشتىن ساقلىنىڭ! ئىسسىق مىجەزلىك كىشىلەر ھەر خىل سوغۇق سەيلەرنى قوشۇپ ئىستىمال قىلىشى كېرەك