ئەتتىرگۈل تارخ بلوگى

版权声明：转载时请以超链接形式标明文章原始出处和作者信息及本声明
logs/41141713.html

كىشلىك تۇرمۇشتا ئەڭ زۆرۈر بولغان نەرسە- ئۆزىگە بولغان ئىشەنچ .  ئىنساندىكى ئۆزىگە ئىشىنىش تۇيغۇسى  ھەممىنىبېسىپ چۈشىدىغان بىر خىل سوبيېكتىپ ئامىل . ئادەم ئۆزىدە  قەتئى ئىشەنچ تۇرغۇزغاندىلا  ئاندىن ئۇنىڭ ئالدىنى تۇساپ تۇرغان  ھەرقانداق بىر ئاددى مۈشكۈلات ئاددى بىر سىناققا ئايلىنىدۇ . ئەلۋەتتە ئۆزىگە ئىشەنگۈچىلەر  ئۈچۈن ھەر بىر سىناق  ئانچە ئاددى بولمىغىنىدەك ، غەلبىمۇ ھەم شۇنداق . ئادەم تۇرمۇشتا نۇرغۇن ئىشلارغا دۇچ كېلىشى ، بۇلارنىڭ ئىچىدە  بەزى ئىشلار شۇ كىشىگە نىسبەتەن   ئۈمۈدسىزلىك ئېلىپ كەلسە ، بەزى  بەزى ئىشلار شۇ كىشىنى  ئۆزىنىڭ تاللىغان  نىشانىدىن ۋاز كەچتۈرۈشى  ھەتتا بىر ئادەمنىڭ  ئۆمۈرلۈك  تەغدىرىنى بەلگىلىشى مۈمكىن .
   ئەتراپىمىزغا نەزەر سالساقمۇ ،  نۇرغۇن تالانتلىق ، ئىقتىدارلىق  كىشىلەرنىڭ ئۆزىگە بولغان ئىشەنچىنىڭ  كەملىكى تۈپەيلىدىن   نۇرغۇن نەتىجە قازىنىش پۇرسىتىنى ئۆتكۈزۈۋەتكەنلىگىنى كۆرۈۋالالايمىز  ۋە ئۇنىڭغا ئېچىنىمىز . ئەمەلىيەتتە بۇ ئىنساندىكى تەۋەككۈلچىلىك روھىنىڭ كەمچىللىكىنىڭ ئىپادىسى بولۇپ ،  بۇنداق ئۆزىدىكى تالانت بىخلىرىنى  ئۆزى نابۇت قىلىش ۋە پۇرسەتتىن پايدىلىنالماسلىقتىن ساقلىنىشنىڭ بىردىن بىر ئامالى يەنىلا قەتئىيلىك بىلەن ئۆزىگە ئىشىنىش، خالاس. ھەر بىر ئۇلۇغۋار نىشان ، يۈكسەك غايىگە  يېتىش يولىدا   كۈرەش قىلغۇچىلارنىڭ تۈرلۈك توسالغۇلار ، مۈشكۈلاتلارغا يولۇقۇشىمۇ كىشىلىك ھاياتتىكى  ئەڭ تەبىئىي ئەھۋاللارنىڭ بىرى. شۇڭا قىيىنچىلىققا ئۇچرىغۇچىلارنىڭ  قىيىنچىلىققا دادىللىق بىلەن يۈزلىنىشى ئۇلارنىڭ  مۇۋەپپەقىيەتكە يول ئالغانلىقىنى چۈشەندۈرىدۇ . بىز كۆڭلىمىزدە  بىرەر غايە ، ئىرادە تىكلىگەن ۋاقتىمىزدا چوقۇم ئۆزىمىزگە بولغان كۈچلۈك ئىشەنچ تۇيغۇسىنى  ھازىرلىشىمىز كېرەك . پەقەت ئىشەنچ بولغاندىلا  ئاندىن يۈكسەك ئىرادە تىكلىگىلى ، ھۇرۇنلۇقىنى تاشلىغىلى بولىدۇ .