ئەتتىرگۈل تارخ بلوگى

版权声明：转载时请以超链接形式标明文章原始出处和作者信息及本声明
logs/41139566.html

                         (نەسىر)
             
ئەي....ھاياتلىق،
سەن كۆرمەيدىغان، بىلمەيدىغان،  ھەتتا ئۈزەڭمۇ سىزەلمەيدىغان  بىر كۈچ سىنى ھەيدەپلا يۈرۈيدۇ... سەن نىمىگە، نەگە ئالدىرايدىغىنىڭنى  بىلمەيسەن. بۇ ساڭا نامەلۇم......
شۇنداق بولغانلىقى ئۈچۈنمۇ ، بۇ ھاياتنىڭ لەززىتى چەكسىز!  شۇڭا ئادەملەر  قايغۇ-ھەسىرەت، ئازاپ-ئوقۇبەتلىرىنى تىزلا ئۇنتۇپ،نامەلۇم بىر  ئارمان ئۈچۈن ئىنتىلىدۇ. بۇ ئىنتىلىشنىڭ چىكى يوق.....
كىشىلىك  ھاياتتىكى نۇرغۇن ئازاپ- ئوقۇبەتلەرگە  نىسبەتەن ئېيتقاندا ، ھاياتلىققا ئېرىشكىنىمىز،بىز ئۈچۈن زور خوشاللىق،دەپ ئېيتىشقا ھەقلىقمىز...!
ئازاپ-ئوقۇبەت بىزگە دائىم  ھەمرا بۇلۇپ تۇرۇدۇ.بىز تۇرمۇشقا ،ھاياتلىققا ، شات-خوراملىق پۇزۇتسىيىسى بىلەن  قاراپ، كىشىلىك ھاياتتىكى قەدىرلەشكە ئەرزىيدىغان ھەرقانداق  ۋاقىتنى قەدىرلىشىمىز لازىمدۇر....
  قەدىرلىك دوستۇم ، سىز بىلەمسىز؟ ساغلاملىق ۋە گۈزەللىكنىڭ سىرى:-- شاد-خورام كەيپىياتنى مەڭگۈ ساقلاشتۇر..!
ئادەم ھاياتىدا، ھەممە نەرسىدىن  مەھرۇم قىلىشى، ھەممە نەرسىگە ئېرىشىشى مۈمكىن، ۋە ياكى ھەممە نەرسە ئادەمنى تاشلاپ كىتىشىمۇ مۈمكىن......ئەمما ، بىرلا نەرسە ، بىلىم، ھۆنەرلا ئادەم بىلەن تەڭ ياشايدۇ.!
ئەي...ھاياتلىق......!!
سەن ئىنسان ئۈچۈن تۇلىمۇ قىممەتلىك،چۈنكى سەن ئىنسان ئۈچۈن بىرلا قىتىم مەنسۇپ بولىسەن! بىز ئەنە شۇ قىممەتلىك ، ئەمما  تولىمۇ قىسقا بولغان بۇ مۇساپىنى مەنىلىك ئۈتكۈزۈش ئۈچۈن تىرىشىمىز.
ئەي...ھاياتلىق ، سەندە نۇرغۇنلىغان كۆزلەر بار،" كۆز كۈڭۈلنىڭ ئەينىگى " ئەمما ،سەللا بىخەستىلىك قىلساڭ بۇ كۆزلەرنىڭ  نىمە مەنا  ئىپادىلىگەنلىكىنى   بىلمەيلا قالىسەن، تۇرمۇش مۇساپەڭدە ئازىسەن،خاتالىق ئۈتكۈزىسەن، مانا بۇ سىنىڭ " شەيتان كۆز" گە يولۇققانلىغىڭ...!
ھاياتلىق!  سەن تۇلىمۇ سىرلىقسەن. ساڭا نىمىلەرنىڭ يۇشۇرۇنغانلىغىنى ھىچكىم بىلمەيدۇ ! ھىلى شادلىق تاشقان يۈرۈكۈڭدە، بىردەمدىلا جارادەت پەيدا بولىدۇ. ھىلى كۆزۈڭدە كۈلكە چاقنىسا، ھىلى ئەلەملىك ياش يالتىرايدۇ......سەن شۇنداق نەرسە، بىر قارىساڭ كۈڭۈللۈك، بىر قارىساڭ كۈڭۈلسىز، بىردە راھەت، بىردە ئازاپ..........