ئەتتىرگۈل تارخ بلوگى

版权声明：转载时请以超链接形式标明文章原始出处和作者信息及本声明
logs/38209453.html

 قەدىمقى زاماندا ئوتكەن بىر پادىشاھ  كۇنلەرنىڭ بىرىدە  پۇخراچە كىيىنىپ،  نەۋرىسىنى ئەگەشتۇرۇپ  ئېكىنزارلارنى ئارلاپ كېتىۋاتقىنىدا،  بىر دېققان ئۇنىڭ كىملىگىنى بىلمىسىمۇ ، خۇش تەبەسسۇم بىلەن سالام بەجا كەلتۇرۇپتۇ . شاھ ئۇنىڭ سالىمىنى دەرھال ئىلىك ئېلىپ، يۇگۇرۇپ ئالدىغا بېرىپ  ئۇنىڭ يېرىلغان ، قاداق باسقان ئالقانلىرىنى چىڭ سىقىپ  قىزغىن ئەھۋاللىشىپتۇ . قايتاشىدا  نەۋرىسى بوۋىسىدىن :
  - بۇۋا ، سىز بىر ئەلنىڭ شاھى تۇرۇپ ، ئاشۇ ئەسكى چاپان كەيگەن كىشىگە نىمە ئۇچۇن  شۇنچە ھورمەت قىلىسىز ؟- دەپ سۇراپتۇ . بۇنى ئاڭلىغان شاھ نەۋرىسىدىكى ئىنسانى تەربىيىنىڭ كەملىكىنى ھىس قىلىپ مۇنداق دەپتۇ:
  - ئەي ، ئەزىز پۇشتۇم ، باشقىلارنى ھورمەتلىيەلىگەن ئادەم ھۆرمەتكە سازاۋەر بولالايدۇ . ئېسىڭدە تۇت . بىر ئېغىز سەمىمى سالام  جاللاتنىمۇ تەسىرلەندۇرەلەيدۇ........
   بىزدە << سالام بېرىش قەرىز ، ئىلىك ئېلىش پەرىز >> دەيدىغان ھىكمەت بار . ئەجدادلىرىمىز ئەلمىساقتىن بۇيان تونۇشسۇن- تونۇشمىسۇن ، ئۇچراشقاندا  تەشەببۇسكارلىق بىلەن سالاملىشىپ ، بىر-بىرىنىڭ كويۇنۇشى، ھورمىتى ۋە ھىسداشلىقىغا سازاۋەر بولۇپ كەلگەن . شۇڭا قانچىلىك ئالدىراش بولۇشىمىزدىن قەتئىنەزەر ، ئوزئارا ئەنئەنە بويىچە تەمەنناسىز  ، سەمىمى سالاملىشىشتەك گۇزەل ئەخلاقىمىزدىن مەھرۇم قالمىساق! بۇ تولىمۇ ئاددى، ئەمما مەزمۇندار ئوتۇنۇش ھەر ۋاقىت ھەممەيلەننىڭ يادىدا بولغاي!

مەنبە: ئۇرۇمچى كەچلىك گېزىتى (غەنى ئەرشىدىن يازمىسى)