ئەتتىرگۈل تارخ بلوگى

版权声明：转载时请以超链接形式标明文章原始出处和作者信息及本声明
logs/38323180.html

كەسىپ دەيدۇ: ھاياتلىق _  كاتتا بىنالارنى بەرپا قىلغان خىش- كېسەك.

كۈرەش دەيدۇ: ھاياتلىق _  شىددەتلىك شاۋقۇن بىلەن ئېلىشىۋاتقان قولۋاقنىڭ پالىقى.

ئۈمۈد  دەيدۇ: ھاياتلىق _  چىمەنلەر ئىچىدىكى جەزبىدار گۈل-غۇنچە.

مۇھاببەت دەيدۇ: ھاياتلىق _  شېرىن سۆيگۈگە ئېرىشىش يولدىكى ئىزدىنىش.

دوستلۇق  دەيدۇ: ھاياتلىق _  باشقىلارنىڭ ئۆرلىشى ئۈچۈن  ھازىرلانغان شوتا.

ئىشچانلىق  دەيدۇ: ھاياتلىق _  تەبئىەتنى گۈللەندۈرۈش ئۈچۈن تىنىم تاپمايدىن ئۆكۈز.

ئەركىنلىك دەيدۇ: ھاياتلىق _  سەھەردە قەپەستىن ئۇچۇپ چىققان قۇش.

بەخىت دەيدۇ: ھاياتلىق _  كىشىلەرگە ھۇزۇر ھالاۋەت بېرىدىغان بىر داستىخان زىياپەت.

ئاچ -كۆزلۈك  دەيدۇ: ھاياتلىق _  ھېچقانداق ۋاستە تاللىماي نەپ ئېلىش.

بىكارچىلىق  دەيدۇ: ھاياتلىق _  بىر قاچا تەمسىز سۇ.

ئۈمۈدسىزلىك دەيدۇ: ھاياتلىق _ يىپى ئۈزۈلگەن لەگلەك.

قىيىنچىلىق دەيدۇ: ھاياتلىق _ ئەگىرى-توقاي تاغ يولى.

مەغلۇبىيەت دەيدۇ: ھاياتلىق _  يۇشۇرۇن تاشلار ئارىسىدا كىتىۋاتقان كېمە.

پۇرسەتپەرەس دەيدۇ: ھاياتلىق _  ھەممە تۈشۈككە كىرىدىغان شامال.

مەرتىۋە دەيدۇ: ھاياتلىق _  شاھ ئوردىسىدا جۇلالىنىپ تۇرغان ئالتۇن تەخىت.

شۆھرەتپەرەس دەيدۇ: ھاياتلىق _  ئالتۇن-كۈمۈش بىلەن ئورالغان تاشقى قىياپەت.

تەركىدۇنيا دەيدۇ: ھاياتلىق _  خارابىگە ئايلانغان كونا قەبرە تېشى.

مەنبە: جۇڭگو مىللەتلىرى 2008 يىللىق 3-سانىدىن ئېلىندى