«بازا» تەشكىلاتى ئەرەب يېرىم ئارىلى شۆبىسىدىكى 2 – نومۇرلۇق كاتتىۋاش، سەئۇدى ئەرەبىستانلىق سايىت شېھرى
يەر شارى تورى خەۋىرى: فرانسىيە «دۇنيا گېزىتى» نىڭ 17 – ئىيۇل خەۋەر قىلىشىچە، «بازا» تەشكىلاتى ئەرەب يېرىم ئارىلى شۆبىسى شۇ جاي ۋاقتى 7 – ئاينىڭ 17 – كۈنى توردا بىر سىن لېنتىسى تارقىتىپ، 2 – نومۇرلۇق كاتتىۋاش، سەئۇدى ئەرەبىستانلىق سايىت شېھرىنى بۇلتۇر يىل يىل ئاخىرىدا، ئامېرىكا ئارمىيەسىنىڭ ئۇچقۇچىسىز ئايرۇپىلانىنىڭ بىر قېتىملىق ھاۋا ھۇجۇمىدا قازا قىلغانلىقىنى دەلىللىگەن.
بۇ يىل 1 – ئاينىڭ 25 – كۈنى، يەمەن ھۆكۈمىتى سايىتنىڭ بۇلتۇر 11 – ئاينىڭ 28 – كۈنى ئۇچقۇچىسىز ئايرۇپىلان ھۇجۇمىدا ئېغىر يارىلىنىپ، قۇتقۇزۇش ئۈنۈم بەرمەي ئۆلۈپ كەتكەنلىكىنى جاكارلىغان، ئەينى چاغدا «بازا» تەشكىلاتى بۇ خەۋەرنىڭ راستلىقىنى دەلىللىمىگەن.
ئىگىلىنىشىچە، سايىت بۇرۇن گۈەنتانام تۈرمىسىگە ئالتە يىل قامالغان بولۇپ، ئامېرىكا ئارمىيەسى كېيىن بۇ كىشىنى سەئۇدى ئەرەبىستانغا ئۆتكۈزۈپ بەرگەن، بىراق سايىت قېچىپ كېتىپ، يەمەندىكى «بازا» كۈچلىرىغا قوشۇلۇۋالغان.
«دۇنيا گېزىتى» دە مۇنداق خەۋەر قىلىندى، سايىت بۇرۇن يەمەن ھۆكۈمىتى تەرىپىدىن سۈرۈشتە قىلىنغان، ھەمدە ئامېرىكا ئۇچقۇچىسىز ئايرۇپىلانىنىڭ ھۇجۇمىغا ئۇچرىغان، يەمەن تەرەپ بۇرۇن كۆپ قېتىم ئۇنىڭ ئۆلگەنلىك ئۇچۇرىنى جاكارلىغان.
