ﺷﯩﻨﺨﯘﺍ ﺋﺎﮔﯧﻨﺘﻠﯩﻘﻰ, ﺑﯧﻴﺠﯩﯔ, 30-ﺳﯧﻨﺘﻪﺑﯩﺮ ﺗﯧﻠﯧﮕﺮﺍﻣﻤﯩﺴﻰ. ﺟﯘﯕﮕﻮ ﺧﻪﻟﻖ ﺑﺎﻧﻜﯩﺴﻰ 30-ﺳﯧﻨﺘﻪﺑﯩﺮ ﺋﯘﻗﺘﯘﺭﯗﺵ ﺋﯧﻼﻥ ﻗﯩﻠﯩﭗ, ﮬﯧﺴﺎﺑﺎﺕ ﻧﻮﻣﯘﺭﯨﻨﻰ ﺋﯚﺯ ﺋﯩﺴﻤﻰ ﺑﯩﻠﻪﻥ ﺗﯩﺰﯨﻤﻠﯩﺘﯩﺶ ﯞﻩ ﮬﯧﺴﺎﺏ ﻳﯚﺗﻜﻪﺷﻨﻰ ﺑﺎﺷﻘﯘﺭﯗﺷﻨﻰ ﻛﯜﭼﻪﻳﺘﯩﺶ ﺋﺎﺭﻗﯩﻠﯩﻖ, ﮔﯘﻣﺎﻧﻠﯩﻖ ﺳﻮﺩﯨﻨﻰ ﻧﺎﺯﺍﺭﻩﺕ ﻗﯩﻠﯩﺶ, ﺋﯚﻟﭽﻪﺵ ﺩﯦﮕﻪﻧﺪﻩﻙ ﭼﺎﺭﯨﻠﻪﺭﻧﻰ ﻛﯜﭼﻪﻳﺘﯩﭗ, ﺗﯧﻠﯧﮕﺮﺍﻑ, ﺗﻮﺭ ﺋﺎﻟﺪﺍﻣﭽﯩﻠﯩﻘﯩﻨﯩﯔ ﺋﺎﻟﺪﯨﻨﻰ ﺋﺎﻟﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﻣﻪﺭﻛﯩﺰﯨﻲ ﺑﺎﻧﻜﺎ ﺋﯧﻼﻥ ﻗﯩﻠﻐﺎﻥ ﭼﯩﻘﯩﻢ ﯞﻩ ﮬﯧﺴﺎﺑﺎﺗﻨﻰ ﺑﺎﺷﻘﯘﺭﯗﺷﻨﻰ ﻛﯜﭼﻪﻳﺘﯩﺶ ﺋﺎﺭﻗﯩﻠﯩﻖ, ﺗﯧﻠﯧﮕﺮﺍﻑ, ﺗﻮﺭ ﺋﺎﻟﺪﺍﻣﭽﯩﻠﯩﻘﯩﺪﯨﻜﻰ ﻳﯧﯖﻰ ﺷﻪﻛﯩﻠﺪﯨﻜﻰ ﻗﺎﻧﯘﻧﻐﺎ ﺧﯩﻼﭖ ﺟﯩﻨﺎﻳﻪﺗﻠﻪﺭﺩﯨﻦ ﺳﺎﻗﻠﯩﻨﯩﺸﻘﺎ ﺩﺍﺋﯩﺮ ﺋﯘﻗﺘﯘﺭﯗﺷﺘﺎ ﻣﯘﻧﯘﻻﺭ ﺗﻪﻟﻪﭖ ﻗﯩﻠﯩﻨﺪﻯ: 1-ﺩﯦﻜﺎﺑﯩﺮﺩﯨﻦ ﺑﺎﺷﻼﭖ ﺑﯩﺮ ﺋﺎﺩﻩﻡ ﺑﯩﺮ ﺑﺎﻧﻜﯩﺪﯨﻦ ﺑﯩﺮﻻ ﮬﯧﺴﺎﺑﺎﺕ ﻧﻮﻣﯘﺭﻯ (ﺑﺎﺭﻟﯩﻖ ﺋﯩﻘﺘﯩﺪﺍﺭﻏﺎ ﺋﯩﮕﻪ ﺑﺎﻧﻜﺎ ﮬﯧﺴﺎﺑﺎﺕ ﻧﻮﻣﯘﺭﻯ) ﺑﯧﺠﯩﺮﻩﻟﻪﻳﺪﯗ. ﺷﻪﺧﺴﻠﻪﺭﻧﯩﯔ ﺑﺎﺷﻘﺎ ﺟﺎﻳﺪﯨﻜﻰ ﺋﯩﺸﻠﻪﭘﭽﯩﻘﯩﺮﯨﺶ, ﺗﯘﺭﻣﯘﺵ ﺋﯧﮭﺘﯩﻴﺎﺟﯩﻐﺎ ﻗﻮﻻﻳﻠﯩﻖ ﻳﺎﺭﯨﺘﯩﺶ ﺋﯜﭼﯜﻥ, ﺑﺎﻧﻜﺎ ﺋﯚﺯﯨﻨﯩﯔ ﺑﺎﺷﻘﺎ ﺟﺎﻳﻼﺭﺩﯨﻜﻰ ﻧﻪﻕ ﭘﯘﻝ ﻗﻮﻳﯘﺵ ﯞﻩ ﺋﯧﻠﯩﺶ, ﮬﯧﺴﺎﺏ ﻳﯚﺗﻜﻪﺵ ﻗﺎﺗﺎﺭﻟﯩﻖ ﻛﻪﺳﯩﭙﻠﯩﺮﯨﺪﻩ ﺑﺎﺷﻘﺎ ﺟﺎﻳﺪﺍ ﺋﯧﻠﯩﻨﯩﺪﯨﻐﺎﻥ ﮬﻪﻗﻨﻰ ﺋﯜﭺ ﺋﺎﻱ ﺋﯩﭽﯩﺪﻩ ﺋﺎﻟﻤﺎﺳﻠﯩﻘﻨﻰ ﺋﯩﺸﻘﺎ ﺋﺎﺷﯘﺭﯗﺷﻰ ﻛﯧﺮﻩﻙ. ﺋﯘﻗﺘﯘﺭﯗﺷﺘﺎ ﻳﻪﻧﻪ ﻣﯘﻧﯘﻻﺭ ﺗﻪﻟﻪﭖ ﻗﯩﻠﯩﻨﺪﻯ: ﺩﯦﻠﻮﻏﺎ ﭼﯧﺘﯩﺸﻠﯩﻖ ﮬﯧﺴﺎﺑﺎﺕ ﻧﻮﻣﯘﺭﻯ ﺋﺎﭼﻘﺎﻥ ﺋﺎﺩﻩﻣﻨﯩﯔ ﻧﺎﻣﯩﺪﯨﻜﻰ ﺑﺎﺭﻟﯩﻖ ﮬﯧﺴﺎﺑﺎﺕ ﻧﻮﻣﯘﺭﻟﯩﺮﻯ ﻛﻪﺳﭙﻰ ﯞﺍﻗﯩﺘﻠﯩﻖ ﺗﻮﺧﺘﯩﺘﯩﻠﯩﺪﯗ. ﺑﺎﻧﻜﺎ ﮬﯧﺴﺎﺑﺎﺕ ﻧﻮﻣﯘﺭﻯ ﯞﻩ ﭼﯩﻘﯩﻢ ﮬﯧﺴﺎﺑﺎﺕ ﻧﻮﻣﯘﺭﯨﻨﻰ ﺋﯧﻠﯩﭗ- ﺳﯧﺘﯩﺶ, ﺑﺎﺷﻘﯩﻼﺭﻧﯩﯔ ﻧﺎﻣﯩﺪﺍ ﮬﯧﺴﺎﺏ ﺋﯧﭽﯩﺸﻨﻰ ﺟﺎﺯﺍﻻﺵ ﻣﯧﺨﺎﻧﯩﺰﯨﻤﻰ ﺑﻪﺭﭘﺎ ﻗﯩﻠﯩﻨﯩﺪﯗ. ﺑﺎﻧﻜﺎ ﯞﻩ ﭼﯩﻘﯩﻢ ﻗﯩﻠﯩﺶ ﺋﻮﺭﮔﺎﻧﻠﯩﺮﻯ ﮔﯘﻣﺎﻧﻠﯩﻖ ﮬﯧﺴﺎﺏ ﺋﯧﭽﯩﺸﻨﻰ ﺭﻩﺕ ﻗﯩﻠﺴﺎ ﺑﻮﻟﯩﺪﯗ. ﺗﯧﻠﯧﻔﯘﻥ ﻧﻮﻣﯘﺭﻯ ﺑﯩﻠﻪﻥ ﻛﯩﻤﻠﯩﻚ ﻧﻮﻣﯘﺭﯨﻨﯩﯔ ﻣﺎﺳﻠﯩﻖ ﻣﯘﻧﺎﺳﯩﯟﯨﺘﻰ ﻗﺎﺗﺘﯩﻖ ﺑﯩﺮﻟﻪﺷﺘﯜﺭﯛﻟﯩﺪﯗ. ﮬﯧﺴﺎﺏ ﻳﯚﺗﻜﻪﺷﻨﻰ ﺑﺎﺷﻘﯘﺭﯗﺷﻨﻰ ﻛﯜﭼﻪﻳﺘﯩﺶ ﺟﻪﮬﻪﺗﺘﻪ ﺋﯘﻗﺘﯘﺭﯗﺷﺘﺎ ﻣﯘﻧﯘﻻﺭ ﺗﻪﻟﻪﭖ ﻗﯩﻠﯩﻨﺪﻯ: 1-ﺩﯦﻜﺎﺑﯩﺮﺩﯨﻦ ﺑﺎﺷﻼﭖ ﭘﯘﻝ ﺋﺎﻣﺎﻧﻪﺕ ﻗﻮﻳﻐﯘﭼﻰ ﯞﺍﻗﺘﯩﺪﺍ ﮬﯧﺴﺎﺑﻘﺎ ﻛﯩﺮﯨﺶ, ﺋﺎﺩﻩﺗﺘﯩﻜﯩﺪﻩﻙ ﮬﯧﺴﺎﺑﻘﺎ ﻛﯩﺮﯨﺶ ﯞﻩ ﻛﯧﻴﯩﻨﻜﻰ ﻛﯜﻧﻰ ﮬﯧﺴﺎﺑﻘﺎ ﻛﯩﺮﯨﺶ ﻗﺎﺗﺎﺭﻟﯩﻖ ﻛﯚﭖ ﺧﯩﻞ ﮬﯧﺴﺎﺑﻘﺎ ﻛﯩﺮﯨﺶ ﺋﯘﺳﯘﻟﯩﻨﻰ ﺗﺎﻟﻠﯩﺸﻰ ﺑﯩﻠﻪﻥ ﺗﻪﻣﯩﻨﻠﯩﻨﯩﺪﯗ, ﭘﯘﻝ ﺋﺎﻣﺎﻧﻪﺕ ﻗﻮﻳﻐﯘﭼﻰ ﺋﺎﯞﯞﺍﻝ ﺗﺎﻟﻠﯩﻐﺎﻧﺪﯨﻦ ﻛﯧﻴﯩﻦ, ﺋﺎﻧﺪﯨﻦ ﻛﻪﺳﯩﭗ ﺑﯧﺠﯩﺮﯨﻠﯩﺪﯗ. ﻣﻪﺭﻛﯩﺰﯨﻲ ﺑﺎﻧﻜﯩﻨﯩﯔ ﺋﺎﻻﻗﯩﺪﺍﺭ ﻣﻪﺳﺌﯘﻟﻰ ﻣﯘﻧﺪﺍﻕ ﺩﯦﺪﻯ: ﺗﯧﻠﯧﮕﺮﺍﻑ, ﺗﻮﺭﺩﯨﻜﻰ ﻳﯧﯖﻰ ﺷﻪﻛﯩﻠﺪﯨﻜﻰ ﻗﺎﻧﯘﻧﻐﺎ ﺧﯩﻼﭖ ﺟﯩﻨﺎﻳﻪﺗﻠﻪﺭﺩﻩ ﺯﯨﻴﺎﻧﻜﻪﺷﻠﯩﻜﻜﻪ ﺋﯘﭼﺮﯨﻐﺎﻧﻼﺭﻧﯩﯔ ﻳﯧﺮﯨﻤﻐﺎ ﻳﯧﻘﯩﻨﻰ ﻗﺎﻧﯘﻧﺴﯩﺰ ﻛﯩﺸﯩﻠﻪﺭﻧﯩﯔ ﺋﯧﺰﯨﻘﺘﯘﺭﯗﺷﻰ ﺑﯩﻠﻪﻥ ﺋﺎﭘﺘﻮﻣﺎﺗﯩﻚ ﭘﯘﻝ ﺋﯧﻠﯩﺶ ﻣﺎﺷﯩﻨﯩﺴﻰ (ATM) ﺋﺎﺭﻗﯩﻠﯩﻖ ﺋﺎﻟﺪﺍﻣﭽﯩﻼﺭﻧﯩﯔ ﮬﯧﺴﺎﺑﺎﺗﯩﻐﺎ ﮬﯧﺴﺎﺏ ﻳﯚﺗﻜﯩﮕﻪﻥ. ﺋﯘﻗﺘﯘﺭﯗﺷﺘﺎ ﺑﯘ ﮬﻪﻗﺘﻪ ﻣﯘﻧﺪﺍﻕ ﺑﻪﻟﮕﯩﻠﻪﻧﺪﻯ: 1-ﺩﯦﻜﺎﺑﯩﺮﺩﯨﻦ ﺑﺎﺷﻼﭖ ﺋﯚﺯﯨﻨﯩﯔ ﺷﯘ ﺑﺎﻧﻜﯩﺪﯨﻜﻰ ﻧﻮﻣﯘﺭﯨﻐﺎ ﮬﯧﺴﺎﺏ ﻳﯚﺗﻜﯩﮕﻪﻧﺪﯨﻦ ﺑﺎﺷﻘﺎ, ATM ﺋﺎﺭﻗﯩﻠﯩﻖ ﮬﯧﺴﺎﺏ ﻳﯚﺗﻜﻪﺷﺘﻪ ﻛﺎﺭﺗﺎ ﺗﺎﺭﻗﺎﺗﻘﺎﻥ ﺑﺎﻧﻜﺎ ﻛﻪﺳﯩﭙﻨﻰ ﻗﻮﺑﯘﻝ ﻗﯩﻠﯩﭗ 24 ﺳﺎﺋﻪﺗﺘﯩﻦ ﻛﯧﻴﯩﻦ ﻣﻪﺑﻠﻪﻏﻨﻰ ﻳﯚﺗﻜﻪﺵ ﻛﻪﺳﭙﯩﻨﻰ ﺑﯧﺠﯩﺮﯨﺪﯗ. ﺷﻪﺧﺲ 24 ﺳﺎﺋﻪﺕ ﺋﯩﭽﯩﺪﻩ ﻛﺎﺭﺗﺎ ﺗﺎﺭﻗﺎﺗﻘﺎﻥ ﺑﺎﻧﻜﯩﻐﺎ ﮬﯧﺴﺎﺏ ﻳﯚﺗﻜﻪﺷﻨﻰ ﺑﯩﻜﺎﺭ ﻗﯩﻠﯩﺸﻨﻰ ﺋﯩﻠﺘﯩﻤﺎﺱ ﻗﯩﻠﺴﺎ ﺑﻮﻟﯩﺪﯗ. ﺑﯘ ﺗﻪﺩﺑﯩﺮ ﺋﺎﻻﮬﯩﺪﻩ ﻣﻪﺯﮔﯩﻞ ﯞﻩ ﺋﺎﻻﮬﯩﺪﻩ ﺋﻪﮬﯟﺍﻟﺪﺍ ﻗﻮﻟﻠﯩﻨﯩﻠﯩﺪﯨﻐﺎﻥ ﻗﺎﺭﺍﺗﻤﯩﻠﯩﻖ ﺗﻪﺩﺑﯩﺮ ﺑﻮﻟﯘﭖ, ﭘﯘﻟﻨﻰ ﺋﺎﻟﺪﺍﻣﭽﯩﻼﺭ ﻳﯚﺗﻜﻪﭖ ﻛﯧﺘﯩﺸﺘﯩﻦ ﺑﯘﺭﯗﻥ ﺗﻮﺳﯘﭖ ﻗﯧﻠﯩﺸﻘﺎ ﭘﺎﻳﺪﯨﻠﯩﻖ. ﺋﯘﻗﺘﯘﺭﯗﺷﺘﺎ ﻳﻪﻧﻪ ﻣﯘﻧﯘﻻﺭ ﺗﻪﻟﻪﭖ ﻗﯩﻠﯩﻨﺪﻯ: ﮔﯘﻣﺎﻧﻠﯩﻖ ﺳﻮﺩﯨﻨﻰ ﻧﺎﺯﺍﺭﻩﺕ ﻗﯩﻠﯩﺶ, ﺋﯚﻟﭽﻪﺷﻨﻰ ﻛﯜﭼﻪﻳﺘﯩﭗ, ﺗﯚﻟﻪﺷﻨﻰ ﺟﯩﺪﺩﯨﻲ ﺗﻮﺧﺘﯩﺘﯩﺶ ﯞﻩ ﺗﯧﺰ ﺳﯜﺭﺋﻪﺗﺘﻪ ﺗﻮﯕﻠﯩﺘﯩﯟﯦﺘﯩﺶ ﻣﯧﺨﺎﻧﯩﺰﯨﻤﯩﻨﻰ ﻣﯘﻛﻪﻣﻤﻪﻟﻠﻪﺷﺘﯜﺭﯛﭖ, ﻛﯩﻨﯩﺸﻜﯩﺴﯩﺰ ﺋﻮﺭﮔﺎﻧﻼﺭﻏﺎ ﺯﻩﺭﺑﻪ ﺑﯧﺮﯨﺶ ﺳﺎﻟﻤﯩﻘﯩﻨﻰ ﺯﻭﺭﺍﻳﺘﯩﭗ, ﻣﻪﺳﺌﯘﻟﯩﻴﻪﺗﻨﻰ ﺋﯩﺰ ﻗﻮﻏﻼﭖ ﺳﯜﺭﯛﺷﺘﻪ ﻗﯩﻠﯩﺶ ﻣﯧﺨﺎﻧﯩﺰﯨﻤﻰ ﺑﻪﺭﭘﺎ ﻗﯩﻠﯩﺶ ﻛﯧﺮﻩﻙ. ﻣﻪﺭﻛﯩﺰﯨﻲ ﺑﺎﻧﻜﯩﻨﯩﯔ ﺋﺎﻻﻗﯩﺪﺍﺭ ﻣﻪﺳﺌﯘﻟﻰ ﻣﯘﻧﯘﻻﺭﻧﻰ ﺑﯩﻠﺪﯛﺭﺩﻯ: ﺋﯘﻗﺘﯘﺭﯗﺷﺘﺎ ﺑﻪﻟﮕﯩﻠﻪﻧﮕﻪﻥ ﺑﺎﺷﻘﯘﺭﯗﺵ ﺗﻪﺩﺑﯩﺮﻯ ﺗﯧﻠﯧﮕﺮﺍﻑ, ﺗﻮﺭﺩﯨﻜﻰ ﻳﯧﯖﻰ ﺷﻪﻛﯩﻠﺪﯨﻜﻰ ﻗﺎﻧﯘﻧﻐﺎ ﺧﯩﻼﭖ ﺟﯩﻨﺎﻳﻪﺗﻠﻪﺭﻧﯩﯔ ﺋﯜﻧﯜﻣﻠﯜﻙ ﺋﺎﻟﺪﯨﻨﻰ ﺋﺎﻟﯩﺪﯗ, ﺋﻪﻣﻤﺎ ﺋﺎﻣﻤﯩﻨﯩﯔ ﻗﯩﺴﻤﻪﻥ ﭼﯩﻘﯩﻢ ﻗﯩﻠﯩﺶ ﺋﺎﺩﯨﺘﯩﮕﻪ ﺗﻪﺳﯩﺮ ﻛﯚﺭﺳﯩﺘﯩﭗ ﻗﯧﻠﯩﺸﯩﺪﯨﻦ ﺳﺎﻗﻼﻧﻐﯩﻠﻰ ﺑﻮﻟﻤﺎﻳﺪﯗ, ﺷﯘﯕﺎ, ﺋﺎﻣﻤﯩﻨﯩﯔ ﺋﯚﺯﻟﯜﻛﯩﺪﯨﻦ ﺋﯚﺯ ﻧﺎﻣﯩﺪﯨﻜﻰ ﺑﺎﻧﻜﺎ ﮬﯧﺴﺎﺑﺎﺕ ﻧﻮﻣﯘﺭﻟﯩﺮﻯ ﯞﻩ ﭼﯩﻘﯩﻢ ﮬﯧﺴﺎﺑﺎﺕ ﻧﻮﻣﯘﺭﻟﯩﺮﯨﻨﻰ ﺗﺎﺯﯨﻼﭖ, ﺳﺎﻻﮬﯩﻴﻪﺗﻨﻰ ﺋﯧﻨﯩﻘﻼﺷﻘﺎ ﺋﺎﻛﺘﯩﭗ ﻣﺎﺳﻠﯩﺸﯩﺸﯩﻨﻰ ﺋﯜﻣﯩﺪ ﻗﯩﻠﯩﻤﯩﺰ.
